منتديات تداول - ابرفع قضيه على وزارة النقل .. دلوني على الطريقه

سلام عليكم واسعد الله مسائكم جميعاً
حبيت استفسر في موضوع يخص شخص عزيز علي تعرض لحادث إنقلاب
الحادث وقع في طريق الحائر بإتجاه الرياض
كان فيه شركة تنفذ مشاريع في الخط النازل للرياض من الحائر وبعد ما أنهت الشركه شغلتها من الطريق ازالة الحواجز من مكان الحفره وتركت المسار الأيمن من الطريق زي ماهوه محفور بدون زفلته
واثناء توجه زميلي من الحائر للرياض بعد ماتعدى تشاليح الحائر تفاجئ بالحفره وسط الطريق وماقدر يتفاداها وارتطم بالحفريه ومباشرة انقلبت به السياره وزحفت به مسافه حوالي 150 متر وكان بيروح غلطه !!!!!!!
الحادث كان بتاريخ 26/4/1431هـ الساعه الواحده صباحاً ، وبعد الحادث بحوالي ستة ساعات قامت الشركه بزفلتت الحفره بعد علمها بالحادث
وتقرير المرور اكد إن الحادث كان بسبب الحفره بنسبة 100% وان السائق ليس له اي ذنب
انا طبعاً ناوي اخلي خويي يسوي لي توكيل برفع قضيه على وزارة النقل والمطالبه بالتلفيات في السياره ورد إعتبار للسائق
فياليت ياشباب اللي عنده خبره وللا مشوره لايبخل عليه تروني مادري إش أسوي وماني تاركهم الين اطلع عيونهم وزارة النقل اللي ماهم فالحين إللا في زفلتت الدائري الشمالي كل شهرين وجنوب الرياض مفقعه شوارعه ، الله لنا
ارجو الإهتمام والمشاركه ولاتحرمونا من خبراتكم