من أجمل القصائد الحزينه فى الودااااااااع
 

السلام عليكم ورحمه الله وبركاته




هذه آخر قصيدة كتبتها الراحلة عابرة سبيل وقد انشدها المنشد فهد مطر في شريط الوجد

وهي من اجمل القصائد الحزينة في الوداااع ..


عابرة سبيل شاعرة كويتيه اصابها مرض السرطان

وقالوا الاطبااااء لزوجهاااا ماعاد لها علاااج ..

طلعهاااا من المستشفى وعند البدو عادة اذا طلع

المريض من المستشفى ذبحو له ذبيحة بمناسبة الخروج والشفااء

تونيس لخاطره , فلما اخرجهاااا من المستشفى ذبح لها ذبيحة

وقامو ربعهااا بنفس الطريقة كل يوم واحد يغديها او يعشيهااا

وهي عندهااا احساس ان السرطااان تمكن منهااا وليس لها علاج

وان ايامهااا معدوة وان المنية دنت وان مايقوم به ربعهااا زوجهااااا

وربعهاااا انمااا لتسلية خاطرهاااا فقالت هذه القصيدة ..

اسم الشاعرة وسمية العازمي من الكويت ..

وهي عابرة سبيل الشاعرة المعرفة .. ولـ عابرة سبيل 6 أبناء أكبرهم عمره 12 سنه


أسال الله ان يتغمدها بواسع رحمته..


اليكم القصيده ..






ترى الذبايح وأهلهـا مـا تسلينـي
أنا أدري إن المرض لا يمكن علاجه

أدري تبي راحتي لا يا بعد عينـي
حرام ما قصرّت يديـك فـي حاجـه

خذهـا وصايـا وأمانـه لا تبكينـي
لو كان لي خاطر ما ودي إزعاجـه

أبيك بـ يديك تشهدنـي وتسقينـي
أمانتـك لا يجـي جسمـي بثلاجـة

لف الكفن في يديك وخل رجلينـي
ما غيرك أحد كشف حسنه وإحراجه

أبيك بالخيـر تذكرنـي وتطرينـي
يجيرني خالقـك مـن نـار وهاجـة

سامح على ما جرى ما بينك وبيني
أيام نمشـي عـدل وأيـام منعاجـه

عيالي همي وأنا اللي فـيّ يكفينـي
علمهـم الديـن تفسيـره ومنهاجـه .



:: عابرة سبيل ::


للامانه منقوله القصه والشاعره معروفه رحمها الله

يعطيك العاافيه والله يتغمدها برحمته

رحمها الله

بارك الله فيك اخي

الله يرحمها ويغفر لها

وعليكم السلام ورحمة الله وبركاته
 

قصة مؤثرة نسأل الله لعابرة سبيل الغفران , وسكنى الجنان ...

والشكر موصول لك أخي الفاضل l فزاع l

ومن الأبيات المؤثرة لإبن زريق عندما ودع زوجته ,,,


ودعتـه وبــودي لــو يودعـنـي
صفـو الحيـاة وانــي لا اودعــهـ

وكم تشبثت بي يـوم الرحيـل ضحـى
وادمـعـي مستـهـلات وادمـعــهـ

لا اكـذب الله ثـوب العذر منـخـرق
مـنـي بفرقـتـه لـكـن ارقـعـهـ

قصيدة معبره


الله يرحمها ويغفر لها

مشكور على المرور وجزاك الله خير

ويبارك فيك مشكور على المرور

أمين أمين جزاك الله خير

مشكوره على الموضوع اختي سهام6 ابيات مؤثره جدآ جدآ

ابيات صعبه مو اي واحد يفهمها لأنها تحمل معاني كثيره وكبيره ؟؟؟

اشكر مرورك رحمهما الله جميع