صالات الاسهم في البنوك بتقفل !!!!!!!!!!!!!!!!!!!
 

بعد السلام والتحية
يعلم الجميع ان آكبر رابح من سوق الآسهم هي البنوك بعت اخذو عمولة شريت اخذو عمولة ومع ذلك انا ودي اعطيهم فكرة يأكلون اكثر .
عند الدخول لآى صالة اسهم تجدها مجهزة بالكمبيوترات والتكييف الجيد والاثاث وموظف خاص لخدمة الشباب وغيره.
طيب وش رايكم لو يتخلص البنك من كل هذا ومع ذلك راح يكسب زيادة طبعا تبي تقولون لى وشلون .
الطريقة سهلة وهي ان تلغي جميع البنوك هذة الصالات وتتجه لتقديم الخدمة عن طريق الانترنت ولكم احبتي ما لهذة الاتجاه من فوائد مثل :
1- توفي الاستهلاك والنفقات بشكل كبير طبعا ما يحتاج لموظف خاص يأخذ كل اخرشهر راتب ولا مكان مجهز لهذة الخدمة ولاغيره
2- استفاد البنك من موجوات تلك الصالة في اعمال اخرى
3- الوصول لكل المستخدمين في مكان كان حتى ولو كان المكان مافيه فرع للبنك
4- زيادة العملاء قياس على مستوى الجودة .
5- توسيع نطاق خدمات البنك حتى خارج حدود البلد لسهولة الخدمة من خارج البلاد.

طبعا بتقولون طيب احنا وش نستفد ياعزيزي راح نستفد كثير منها :
1- التنافس في الخدمة وعدم اقتصرها على بنك او أكثر مما يعطي مستوى خدمة افضل انشاءالله .
2- الحصول على الخدمة بدون صجة ولجة وان تدير اعمالك في بيتك اومكتبك بدون الحاجة للخروج للصالة
3- الخصوصية في ادارتك لاعمالك ماهو في الصالة كلن يعرف وش بعت وش شريت
4- يمكن تأخذ حقك وافي لانك تتعمل مع آلة ما تفرق بين اللي رصيد ملايين او اللي رصيد على قده
5- التوجه اكثر للخدمات الأسلامية من البنوك مثل ماهو حاصل الآن في انظمة المرابحة
6- اعطاء الفرصة أكثر في اتخاذ قرارات البيع والشراء وعدم التأثر بما يعمله الآخرين
7- شكل الخدمة يكون اكثر رقي ماهو مثل اكثر اللي حاصل في الصالات تقل حراج .

في النهاية اشكر مقدم كل من يمر على هذة المشاركة وارجو من الجميع المداخلة بمايرونه مناسبا او خاطيا في هذا الموضوع

أخوي كلامك صحيح ولكن هناك أناس ممن يملكون المال الكثير لا يفقهون شئ في النت وهم يعتبرون أنهم من الهوامير زي ما يقولون يبغون شاشة وتلفون وسوالف وضحك وهو قاعد على الشاشة يشوف وفيه ناس تبغى ورق يعني ما يرتاح قلبه إلا إذا شاف كل شئ مكتوب على ورق وش تسوي مع ناس زي كذااااا.

حنا ندور وظائف للشباب وانت تبي تلغي الموظفين وتزيد البطاله.
لكل شيخ طريقه وهناك اناس لا يرغبون في التعامل بالنت.

أخوي كلامك صحيح في حدود تأمين الخدمة والصالات لها روادها

عموما البنوك اغلبها راح يوفر الخدمة الانترنتيه مع بداية 2004م

اذا كانت خدمة الأتترنت سيئه الآن وهي مقتصره على بنكين , وش رايك لو كل المتداولين تحولوا للأنترنت كان تسوي طلب اليوم وياصلهم بكره

كلامك صحيح 100% اخي السعودي

وياليت البنوك تنفذ من بكره ويريحونا من الحراج ( الصالات )

وشكرا

أخواني/أخواتي، هنا أغفلتوا شي مهم جدا ،، وبغاية الخطوره:
أمن الجهاز ؟؟؟؟؟؟؟؟؟؟ أمن المعلومة ؟؟؟؟؟؟ أمن النظام !!!!! من من مستخدمي الإنترنت يستخدم Fire Wall "جدار ناري" لحماية جهازه من اي إختراق محتمل؟؟ أقل من 7% من مجموع مستخدمي النت "هذي معلومة حقيقيّة" في دراسة و بحث عن أمن المعلومات للمستخدم الشخصي.
طبعا زوون الآرم أو أي Anti-Virus ماراح يحمي جهازك من الإختراق الآ بوجود جدار ناري فقط ومن النسخ الأصلية (أترك ابو خمسة ريال للنسخه،، بدونه أفضل بكثير).... وعلى العموم مايكلّف 140 ريال مع تحديث تلقائي للنظام و لمدة سنه مجانا،، يعني طفسة ريالات تحميك "انشاء الله" من اي اختراق محتمل لجهازك.

ايضا أنصح أي متداول/متداوله بتخصيص PC للأعمال الماليّة فقط .. أكرر، للأعمال الماليّة فقط. واستخدموا PC آخر للدردشة وزيارة المواقع الأخرى..

المشكلة الأخرى للتداول عبر النت، انقطاع الخدمة من المزود ISP فجأة - كالعادة - أثنا اتمام عملية بيع/شراء !! ما راح تدري وش صار بالطلب/العرض اللي كنت بصدد ارسالة. ويالله .. كلّم البنك ،، هاه انا توّي مرسل عمليّة بيع/شراء وش صار عليها ،، يجيك الرّد (إن رد أحد عليك) اصبر الى نهاية السوق أو حاول تدخل ثانية وشيّك على المحفظة .. و .. و ... وراح عليك السّوق.

أخيرا ، خدمة التداول عبر النت لا تخدم شريحة كبيره من عملاء الأسهم وخاصة المضاربين،، لإنك ماتقدر تنفّذ الا نوعين من الأوامر 1- Market Order " أمر سوق " وهذا فيه خطوره أو 2- Limit Order " أمر محدد " وهنا ما استفدت شي كمضارب.
بالمختصر المفيد، ما تلحق على المعروض للبيع والمطلوب للشراء بدقة وبوقتها، خاصّة ان السوق عندنا، الثانية تفرق فيه ( ناهيك عن خدمة الإنترنت السريعة، مايمديك تحمل الصفحة الا السعر قد تغير).

يبي لنا سنوات حتّى نعلم الكثير على استخدام الـ Etrading "التجارة الإليكترونية" وقرون حتّى تتطور خدمة الإنترنت عندنا " بجهود مدينة الملك عبد العزيز "

والله أعلم

كلام جميل من ناحية إستخدام التداول وآمن المعلومات ولكن نسيتوا شي وهو مهم لهذه كلها ،،، وهي سرعة الإنترنت عندنا بطيئة جداً الآن فما بالكم لو إستخدم من الكل ، اذاً سوف تصير مملة جداً جداً جداً جداً جداً إلا الصالة والهاتف أصرف من الإنترنت

احب اذكرك باللي حصل قبل ثلاثة أيام لمتعاملي الانترنت من عملاء البنك الامريكي " ضاعت محافظهم وفلوسهم ولا ندري وش صارلهم "

هذا شيء مستحيل الوقت الراهن
 

أخي السعودي انا مختلف معك تماما لان كما سبقوني اخواني وقالو لك ان هنالك شياب ما يأمنون شيء اسمه نت على مستوى العالم فما بالك بفلوسهم!!!

أخواني جور الايام , الكناني أوافقكم بقووووه والله يبارك فيكم وفي الجميع

أخي اساطير مهما وفروا ما راح تصير زي ما في بالك وبال الاخ سعودي

اخي متابع السوق اذا انت تعرف بالنت وبالبيع والشراء عن طريقها فما اتوقع ياغالي ان جميع الشياب المسنترين في الصالات يعرفون التعامل به وحتى لو عرف منهم جزء ما راح يكون مرتاح مثل راحته للسوالف والسجه فتابع ونحن وراءك !!!

توضيح للجميع وعلى رأسهم الأخ :::: زياد العلي !!!!!!!!!!!!!!!!!!!!!!!!!!!!!!

عزيزي اللى حصل في الموقع قبل يومين ما ضاع ولا ريال واحد وانا اتحداك واجزم بذلك لأني كنت في البنك وكنت فتحت الشاشه وما لقيت موجودات حسابي ويوم كلمت على قسم تداول قالو بس خمس او عشر دقايق وبعدها اشتغل لأن كان هناك صيانه بسيطه في الموقع وليس هنالك داعي لتوهيم الناس او إطلاق كلام ليس من المفترض ان يقال لعدم صحته بضياع فلوسك وفلوس الناس

شكرا وتحياتي للجميع

SAMBA