منتديات تداول - العيد...الجمعة...وشاج...قربت ساعة الصفر

العيد

يتواجد العيد حاليا في التوقيف الاداري (التوقيف الاداري سجن محترم) يقولون ان هو اكثر واحد متعثر من بينهم كلهم...لكن بين يوم و ليلة يمكن تنقلب الايه مثل ما انقلبت يوم كانت المساهمات مفتوحة..كانت الافضل من بينهم. صراحة ما عندي معلومات كثيرة عنه لان مكتبه مسكر ...يعني كل الي نعرفه...مصدره سمعنا و يقولون. يقولون ان التوزيع بيكون ان شاء الله في نص شعبان ..على حسب توقيع العقود. ___________________

الجمعه

مكتبه الى الان مفتوح ...صراحة عندهم شاشة بالمحل تذبح القلب,,,,الله لو يعطوني اياها. الي بالمكتوب يقول ان الجمعة بالتوقيف الاداري..و بيطلع قريبا...و ان اللجنة الي من الامارة رفعت الاوراق الى الرياض...و سيبدا الصرف ان شاء الله في 18 شعبان...و يقول ان عنده مقدره يغطي المبالغ كاملة. تقرير اللجنة رفع الى الرياض لان الرياض هم الي وقفوه و هم الي لهم الصلاحيه انهم يرفعون التجميد. راح يعلن بالجرايد اذا فيه صرف و سيكون عن طريق الامارة...و ان الجمعه في تاريخ 15 شعبان بيحو المبلغ المطلوب في حساب الامارة لتبدا الصرف. و فيه ناس تشتري المساهمات بنص القيمة بس هذي المعلومه سمعت فيها...بس اذا كنت بتسويها اسئل عن حكمها.

_______________________

وشاج و ما ادراك ما وشاج..العمري؟؟

وشاج جمدت امواله لمدة شهر..بعدها رفع التجميد عنه...صاحبها العمري حر طليق...ما يداوم في مكتبه و حاط له زلمه في المكتب ...طايح تصريف..و بين كل كلمة و كلمة لازم يقول الشيخ.

الفلوس غير مجمده يا العمري ..ليه ما تبدا بالصرف؟؟؟العقود انتهت يعني تبيع الي عندك لان مدة الشراكة انتهت...يعني المفروض تبيع الي عندك حتى لو بخسارة و تعطي كل واحد الي يصفى له .

اذا سئلت العمري عن الاراضي يقول بعضها انباع و الباقي على الطريق....طيب العقد انتهى بيع و فكنا..حتى لو بخسارة...يقول لا مصلحة المساهمين فوق كل شي...تسئلة اذا كان الصرف بيكون بارباح اذا فيه ارباح....يقول لا الصرف لرؤس الاموال؟؟

اذا سئلته متى الصرف يقول لك في شوال مع انه قال ان الصرف بيكون في شعبان!!!

اذا سئلته كام باقي ما المخططات ..يقول لك ما بقى شي..قريب ان شاء الله..طيب كم بقى ....ما فيه امل يقول لك؟؟

تطلع من مكالمته لا ابيض و لا اسود وش رايكم!!!!!!!!ما ابي اقول شي علشان ما ينحذف الموضوع..و المشكلة انه امام مسجد و ملتزم!!!

صراحة اكثر واحد يقهر فيهم العمري صاحب مكتب وشاج...ما فيه شي يعيقه عن الصرف...لكن و الا بلاش؟؟؟؟ما فيه داعي.

_______________________

يقولون ان الي يتصل في الاماره يعطونه موعد الصرف

رقم الامارة 03

8330000 من بكرا كل واحد يتصل و يسئل عن القضية ...و انتظر منكم المزيد عن القضية...و ان شاء الله ما يصير الا كل خير.