منتديات تداول - قصيده في الجيب الشاص

[ALIGN=JUSTIFY][ALIGN=RIGHT][ALIGN=JUSTIFY]يالعنبوه الشاص الالفين واثنين= عزالله ان المبدعين أبدعوبـــــه
تساعدوا في صنعه أطلق خبيرين= باشراف عالم مبتداه ابتدوبـــه
برافسور مخترع له براهين= فعله حصانه عن خطاه ورسوبــــه
حصل شهاده علم مع خبره سنين=وله جايزه نوبل زمان محسوبه
من عائله باالعلم دايم ملمين= تاريخــــــهم باالـــــعلم توارثوبــــه
أبوه ياباني سياسي قوانين= في دولتــــه يصدر نظام العقوبــــــه
ولأم نازية مواليد برلين= وخوال خـــاله من مواريث كوبــــــه
صحيح ناقص لأن ماهو على الدين= عالم وعلمه مايكفر ذنوبــــه
أما اختراعاته عللا الراس والعين= يشكرعلى أفكاره ودقه اسلوبه
اصخر بصنع الجيب من قبل عامين= باالسر حتى دولته مادروبـــه
لين انتجه وانتاجه ازين من الزين= رغم اختراع الغرب تفاجؤبـــه
من جودته له باالصحافه عناوين= باالسوق ربح كل من تاجروبه
رجح موازين وهبط موازين= كل الدول با******* ساهموبــــه
لاندكروزر اللي تعشقه ملايين= قبل يجي للشرق تباشروبـــه
من دولته جابه وكيله بتأمين= لدوله آل سعود ملفاه دوبه
آباصفه كله من يسار ويمين=لو ان في وصفه عليه صعوبه
بين كما ابو الهول مبنى الفراعين= كله حجر مابه حديد وطوبه
وبين المواتر سكبته تجلي البين= سكبه زعيم ومحتفل في خطوبه
واللون بيج وبويته من بلاتين= ضد الحراره والهواء والرطوبه
وحمار خطه مثل سيل البراكين= والا حمار الشمس حزه غروبه
وكبوته أنحف من حجم بديه شوين= ورفارفه متناسقه مع جنوبه
وماطور صماماته أربع وعشرين= وبخاخ مصروفه يقنن شروبه
ومساعدات أربع وقدام يايين=ودفرنس وفريول يحرك كعوبه
وونشين سحب ويسحبن وزن طنين= وهزاز يمنع باالصحاري نشوبه
سلعه ثمينه للرجال الثمينين= راع الوله يشريه لو باع ثوبه[/ALIGN][/ALIGN][/ALIGN]