سيارتي مسروقه .. تكفون ادعولي
 

السلام عليكم ورحمة الله وبركاته
اخواني اخواتي الاعزاء
لقد انسرقت سيارتي هذا اليوم 16-11-1429
والله حد علمي فيها البارح الساعة 12 بالليل الموقع ((الرياض اسكان طريق الخرج))
نمت وهي موجودة قدام البيت ويوم صيحت لمافيه غير مكانها
اقلب وجهي يمين يسار اتصل على الشرطة قالو اطلع للقسم
رحت صليت الجمعة وطلعت للقسم وعلمتهم قالو خلاص خل الجوال شغال واذا لقيناها نتصل عليك

تكفون ادعولي ان الله يردها علي
اسأل الله ان يرد علي سيارتي
ولاحول ولاقوة الا بالله العلي العظيم

لا حول ولا قوة الا بالله

اسأل الله ان يرد عليك سيارتك

وحاوك تدورها بنفسك يمكن تدويرك احسن من الشرطه بمراحل

شكرا لدعواتك ومرورك الكريم
والله ياخي لفيت ووصيت على اماكن التفحيط والسيارة من النوع المفاحطي ماكسيما
في المكان اللي مريت عليه بغوا يصدمونني وانحشت :)

حلوووووووووووه :509:
(( خل الجوال شغال ))
يعني هاذي اكبر مشاكلهم في بلاغات سرقة السيارات
:crhod: :crhod: :crhod:

اسأل الله ان يرد لك ضالتك . سليمه معافاة

جزيت خيرا اخي


ايوالله ونفسياتهم ماهي لياهناك يمكن من كثر المشاكل الله يعين
راح وقتي وانا هات البطاقه صور البطاقه وكل شوي يعيدون السؤال السياره باسمك ؟ السياره باسمك ؟
والسؤال اللي ضحكني ( كم مره سرقت )؟
قلت هاذي اول مره وان شاء الله تكون الاخيره بس هاتولي السياره قالو خلاص خل الجوال شغال
والله مدري عنهم

لا حول ولا قوة الا بالله

اسأل الله ان يرد عليك سيارتك

اعانك الله اخوي
تبي النصيحة
لا تعتمد الا على الله ثم نفسك
بلاغات السيارات باللألوف
ابحث بصفة يومية وبلغ اقاربك
المناطق المهجوره
الاحياء الشعبيه
ووو
ربي يوفقك