ماذا لو ؟؟؟؟؟؟؟؟؟؟؟؟؟؟؟؟
 

اخضر القائد الجديد للسوق السعوديه طبعا مش سابك ولا الراجحي القصد هنا السوق الامريكي اخضر واستقر ولحقه سوقنا وسكرت الشركات نسب مثل ماحصل قبل اسبوع وندم من ندم قبل يرتد ثانيه لنفس الاسعار ويمكن اقل انت ياللى قاعد تتفرج وكنت تتمنى سهم مثل المتقدمه مثلا انك كنت شاريه ب16 والا حتى ب30 قبل لايوصل لابواب الخمسين واليوم السهم نفسه ينزل للى تمنتيه واكثر هذا سهم مثال والكلام ينطبق على كل الاسهم تقريبا راح ترجع باذن الله الى هالاسعار واكثر وسؤالى بدل مايتمنى الكثير النزول او يتوقع النزول اكثر انا اقولك لاتطاوع افكارك وتوقعاتك وشتنتظر ماتشتري الحين يااخي اعتبر نفسك معطي احد دين او داخل جمعية وبتاخذها بعد سنه والا شهور اسهم والله بتعض اصابع الندم بكرا الفرص ماتتكرر ابد سوقنا وين بينزل خلاص اسعار الاسهم صارت مغريه وباذن الله بتعوض خسارة 2005 نصيحة اخوي اشتر ولاتتردد واذا شريت لاتبيع واترك عنك الاشاعات لاتتردد ابد اغلق الشاشه بعد ماتشترى ولاتفتحها الا بعد شهور وكل اسهم الكبار بين يدينك طب وتخير وقبل لاتندم وقتها يمكن يكون اللى يصير الحين ذكرى فقط باذن الله .

بارك الله فيك اسهم في سعر خيال

اشكر مرورك الله يبارك فيك ومشكلتنا اننا تعلمنا من التاريخ اننا مانتعلم مثل ماقاله احد الرؤساء اذا فات الفوت قلنا اخ وياليت ولو

المشكلة ليس في الشراء المشكلة في الكاش وين نلاقيه حتى نعدل ؟؟؟؟؟؟؟

والله يابن الحلال هذا السوق ماعرفناله اقولك ويش سالفتي
قدر الله وشريت زين 13.90 طبعا نصف السيوله
تحسبا لاي نزول للتعديل مسوي ذكي المهم نزلت وتوالت في النزول
واخذتها بـ 13.40 من أجل التعديل بنصف الكميه المتبقي لدي
المهم الشغله كلها الان مع التعديل طلعت
علي 13.65 وعينك ماتشوف الا النور كل يوم هبوط في هبوط واخرها اليوم
8.5 % تقريبا الخساره

والان قيمة الكاش = 0
يعني موضوعك هذا ما ينفعني شخصيا عموما ماذا لو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!

اشكر كل من مر وعلق والاخ النايف الا اسعدنى تطفلك وليت كل التطفل كذا