|
قسـّـط .. بسعـــر الكااااش
السلام عليكم ورحمة الله وبركاته .. أسأل الله للجميع أن يرزقهم من واسع فضله .. كثرت هالأيام إعلانات التقسيط بسعر الكاش .. من بعض الشركات والمتاجر الكبرى عن طريق بعض البنوك .. والراجحي له مدة وهو يحرّج على بطاقة ( قسـّـط ) ويقول .. قسط مشترياتك بسعر الكاش واليوم جتني رسالة من الـ .. ( كتبتها بعدين هونت ومسحتها .. ما أبي اسوي لهم دعاية ) لأني متأكد ماهوب قصدهم خدمة الناس .. إلا والله خدمة جيوبهم :mad: :mad: طيب .. يعني أبي أفهم .. الراجحي الحين أنـّبه ضميره .. وحس بمسؤوليته تجاه أبناء الشعب وحب انه يساهم في تخفيف معاناتهم ؟؟:rolleyes: أقول .. تكفون من يعطينا الزبدة .. وش السالفة من وين يبي يجي الخابور هالمرة .. و وشلون ؟؟؟ اعذروني والله اني ما عاد احس ان فيه احد يدوّر الخير .. حسبنا الله على الظالم تقبّل الله من الجميع صيامهم وقيامهم .. وأدام عليهم لباس الصحة والعافية |
بطاقة الراجحي ياخذون 300 رسوم سنوية
والمبلغ المتاح 3000 فقط والقصد 5% اي لا يتجاوز 150 ريال بالعربي اذا خذيتها بتدفع 10% سنويا رسووووم قال ايش بسعر الكاش صبه احقنه |
لعنبو هالرسوم اللي ورانا ورانا .. الحين .. مافيه أحد يوقف هالضحك على الدقون .. عشرة بالمية .. ويقول بسعر الكاش ؟؟ إي والله .. خلا لك الجو فبيضي واصفري وفقّشي بيضك وبيض الجماعة كلهم شكرا لك أخوي نايف .. ماقصرت |
حسبنا الله على الظالم
|
ابشركم
اول رد لي على رسوم ادارة البطاقات الخمسة ريال بأن الغيت بطاقتين صرف آلي من ثلاثة لمصرف الراجحي و كذلك فقد الغيت اليوم بطاقة الفيزا الذهبية و في خطوة لاحقة سوف الغي حسابين من اصل ثلاثة لأنها عن طريق الفرع و اتمنى من الجميع المبادرة بافعال مثل هذه الله لا يبيحهم دنيا و لا آخرة لكل من ساهم بهالرسوم و الله حسبي و هو نعم الوكيل |
الله يعين القساط ما منها فكه صرنا مثل دول الخليج كل شي بلاقساد حتي الجول و لكبيوتر المحمول و يمكن حتى الاقلام تقساط
|
مع الكساد وقلة السيولة مع الناس مع وجود رغبة الشراء وعدم الاستطاعة
سيكون هناك ركود في المشتريات الحل تقسيط البضاعة بسعر الكاش المفقود بطريقة مضمونة وتسويقية رائعة طبعا التقسيط ماهو لله بل لجيوب التجار لان مشترياتنا انخفضت فهم ما يريدون انخفاض مشترياتنا وسببه عدم الاستطاعة بيساعدوننا لكسب حتات ارزاقنا وهذه تسمى تقاطع المصالح موفقين يا احباب |
اقتباس:
إلا والله اللي يسمى ( حاجرينهم بـ سِـــد ) وفي لغة أخرى .. ( حـَـجرة بـِـس ) |
بالعربي ما يبغا ولا موطن يفلت منهم لانة سوف تاتي بنوك وتقصد الفائدة 2.5% والله اعلم لهذا السبب النك يعطيك مغريات ويتصل عليك بعد
|
اقتباس:
بس وانا اخوك هالايام مافيه احد يسلفك بالحلال يعني تاخذ عشرة تردها عشرها,, فما بالك يبيعونك اقساط بسعر الكاش الا في حاله وحده فقط,,, انهم رافعين سعر الكاش 10 % او 15 % وقسطوها عليك!! والله تعالى اعلم |
| الساعة الآن 06:58 PM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.