منتديات تداول - نجاح باهر فى التضليل بمسار السوق السعودى !!!

بسم الله الرحمن الرحيم

السلام عليكم ورحمة الله وبركاته

الكثير من الاخوان بدء فى الانهيار قبل ان يبدء السوق فى جنى الارباح او فى الانهيار المنتظر اللى اكثر الاخوان يتحدثون عنه من تقريبا نهاية الشهر الماضى وكل اسبوع نراى مواضيع توكد ان انهيار السوق سوف يكون فى الاسبوع القادم وطبعا لم يحدث ويرجعون يقولون الاسبوع اللى بعده وايضا لم يحدث وعلى هل المنوال الين يجنى السوق ارباحه طبيعى يعنى السوق يبدء جنى ارباح فى وقت كان المفروض انه يجنى ارباحه وبشكل طبيعى وبعدها ينقزون الاخوان اللى تحدثنا عنهم فى بداية الموضوع ونسمع الكلمه المشهوره اللى انا حذرت وحذرت ومن هل الكلام الذى لايمت لواقع السوق بصله لا من قريب ولا من بعيد يعنى كلام فقط للتسليه نتيجته مضره لكثير من الاخوان اللى يده على قلبه وخايف على فلوسه ويمكن يبع بخساره من يوم يشوف السوق احمر والسبب لأن فلان قال السوق بينهار والدليل انه مختار سناريو من عشرين سناريو ممكن يحدث اى منها ولكن نختار الاسواء عشان يكون الموضوع شيق وجميل .

السوق يحتاج الى صبر وقوة قلب وعدم تسرع ؛

السوق فى وضع حساس نعم السوق فى مفترق طرق نعم السوق ممكن يجنى ارباحه نعم السوق سوف ينهار وقف عند حدك انهيار السوق لازم يكون من القمه وليست اى قمه بل قمه القمم يعنى عشان نخاف لازم نكون فى مستويات عاليه جدا جدا حتى نبدء نحذر لازم اسعار الاسهم جميعها وليس بعضها تكون متضخمه وتشبعة شراء و صعود لازم مؤشراتها تكون وصلت حدها على مايقولون شفنا وين وصلت الاسعار قبل انهيار فبراير الاسود اللى ب 100 صار فوق 1000 و للى ب 50 صار ب 500 . شفنا السوق نازل 400 نقطه فى الاشهر الماضيه وبعض الاسهم نسبه فوق وبعضها نازل ربع ولا نصف ريال تقسيم السوق الى قطا عات بدأت تظهر ايجابياته ولكن بشكل بطىء والسبب انشغال اكثر المتداول فى السوق نزول السوق طلوع السوق بينهار والشركات اكثرها بدء فى الابداع والانطلاق .

الخوف ممكن يتسبب فى تخبط غير طبيعى فى تذبذب اسعار الشركات

لا استغرب اننا نشوف اسهم تنزل فى نفس اليوم نسبه تحت وتقفل على النسبه القصوى والسبب عدم الثقه فى وضع السوق والتخوف الغير طبيعى المسيطر على اكثر المتداولين بسبب عمليات الارجاف اللى اعطيها العلامه القصوى فى 2008 .

السوق بيجنى ارباحه وش المشكله مثل ما ذكرت جنى ارباح حتى500 نقطه وفى يوم واحد ما فى مشكله صناع الشارت عندهم شىء واحد مهم فى اى عملية جنى ارباح تتم فى السوق الاغلاق وين وكلنا شفنا كل مره السوق يجنى ارباحه الاغلاق يكون فى منطقه امنه حتى لو كان السوق اغلاقه بل الاحمر .
ايضا اصحاب السيوله الذكيه موب مقصرين ما يفوتون فرصه واسعار للشركات مغريه مثل هل الايام

السوق تصريف خروج سيوله تدوير كل هل الكلام لازم يصير فى السوق و ما فيه اى مشكله يعنى السيوله اذا خرجت من السوق خلاص ميب راجعه بيسكر عليها المضارب ولا يولع فيها ويحرقها عشان ما ترجع السوق .المضارب عشان يخرج من السوق بسيوله لازم يشد السهم اسبوع او اكثر يجى واحد يشوف السهم طلع ريال يقول صرف المضارب خلاص طلع السهم انتهى كلام يدل على قلة الخبره والحيله مابى اقول كلام يزعل منه الكثير خلو السوق يبدء فى الصعود من جديد ونشوف كيف المواضيع والتوصيات تنهال على المنتدى مثل المطر كل واحد فيكم يشوف نفسه كيف يتصرف وكيف انه يوصل مرحله يكون فيها غير مرتاح اذا كان فى محفضته سيوله كبيره يبى يشترى فى اى فرصه المضاربين بل كل من يعمل بل السوق اقصد يبيع ويشترى لا يتحمل وجود سيوله عاليه فى محفضته . تجميد السيوله فى المحفضه سلاح ذو حدين ممكن يتسبب فى دخول غير موفق يعنى بعد ما يروح السوق فوق ندخل ونتعلق .

الشركات معظمها وصل الى اسعار لايمكن احد يتوقعها ابد شركات اربحها مهوله نتايجها تدل على نمو خيالى قادم ومكرراتها فى تحسن ومشجعه تتحول الى شركات مضاربه هل يعقل هل الكلام .
صافولا المجموعه سدافكو الصادرات معدنيه فتيحى طيبه وغيرهم من الشركات المتوقع لهم نمو كبير جدا فى 2008 هل فيهم خوف لو نزل السوق انا اشوف انها فرصه نزود الكميات وما نخاف المكسب عمره ما يجى بل الخوف الخساره من اكبر اسببها الخوف وعدم الثقه . كثير من المتداولين يدخل شركات كنه داخل للمقامره وليس للمضاربه او الاستثمار يعنى هو يعرف انها شركات غير واضح مستقبلها نتايجها غير مشجعه وممكن يصير لها ايقاف لاسمح الله او جنى ارباح قاسى فى حالت جنى السوق ارباحه مما يجعله فى حاله مخيفه من التوتر والخوف والنتيجه قرارات غير صحيحه وخساره فادحه من راس المال فى كثير من الاوقات .

فى النهايه كل ماذكرت عباره عن وجهة نظرى الشخصيه وممكن اكون مخطىء

مافى شك بعضكم بيخالفنى الراى مافى مشكله لكن اللى عنده راى ثانى يطرحه بدون تجريح او اسائه كلنا هنا نكمل بعض والتشاور والنقاش البناء نتايجه كلنا نستفيد منها .

الله يوفقكم ويرزقكم ولايخسركم ويدبل محافظكم جميعا

م.ن.ق.و.ل