|
اتصل علي شخص كبير في السن وقال لي التالي ......؟
بسم الله الرحمن الرحيم
والله من المؤسف جدا ان يكون حالنا هكذا في بعض المعرفات المجهوله التي عندما يصعد السوق تجدهم من اكثر الناس تفائلا يرسمون اهداف غريبه وعجيبه وعندما يهبط السوق تجدهم اكثر الناس تشائما ويرسمون اهداف غريبه عجيبه لا حول ولا قوة الا بالله قصة هذا الشايب والحوار الذي دار بيني وبينه عند النزول المؤشر الي 7498 الشايب /// والله ياولدي انا من قبل ماتطلع المنتديات كنت اشتغل في السوق وكنت اكسب والحمدلله علشانها كانت مشورت نفسي ماكنت اسمع لأحد ولا كنت اخلي احد يشوش علي اكفاري اللي كنت راسمها الشايب /// ياولدي انا خسرت كثير ودي افضفلك علي اللي بصدري يوم كان المؤشر 8850 كانوا يقولون انه رايح 10000 وطاح السوق الحين وصل 7498 ودخلت المنتديات ولقيت معرفات تقول بيعو المؤشر رايح 3000 وانا بعت كل مااملك بخساره كبيره قلته /// ياابوي انت اكبر من بزران يضحكون عليك وانت كبير وفاهم ادخل السوق الحين وخلك عكس الجميع اذا شفت اكثر الناس تتشائم انت تفائل واذا شفت الناس تتفائل انت تشائم الحين اقولك ارجع للسوق وادخل ولا عليك من احد 7498 تراه تجميع وكل الهوامير الحين مبسوطين علي اللي قاعد يسير بالمنتديات ادخل يابوي واجمع معهم وان خسرت ريال واحد والله لااعوضك اذا وصلنا الي نقطة المتفائلين نبيع عليهم وخلهم يحلمون بأهداف بعيده وخلك حريص يابوي علي فلوسك ولا تدخل المنتديات اجلس بالصالات مع الهوامير وعرف هم يشترون ولا يبيعون اذا كنت خلطان تعال حاسبني احزنني هذا الشايب وعلي اللي يسير في المنتديات من ارهاب تعليقكم يااخواني بدون عاطفه ولا حساسيه عندما وصلنا 8850 الم تلاحظوا اكثر المحللين واكثر المعرفات كانت تتكلم عن 12000 و17000 الأن هربوا والحين وصلنا 7498 وسارت اكثر المعرفات تتكلم عن 3000 والأن ظهروا فما تعليقكم انتم علشان يستفيد كل واحد من الثاني |
تعليقي الوحيد اخوي ما اقول الا حسبي الله على من كان السبب وبس
|
لن تزول قدما عبد حتى يسأل عن أربع ............... الله المستعان يتخذونها تجارة فوالله إنه النجش المحرم أموال لا يحاسبون أنفسهم عنها من أين تحصلوا عليها ولكن أين المهرب الموت أمامك والنار خلفك فاهرب من قبضة الله وابحث لك عن أرض غير أرضه وسماء غير سمائه وهواء غير هوائه إن إستطعت فيا لخسارة القوم فيجمعون ما لا يأكلون ويبنون ما لا يسكنون والمصير خرقة بيضاء تساوي 20 ريالا والعمل الصالح اللهم ارحمنا برحمتك وأغننا بحلالك عن حرامك .
|
السلام عليكم ورحمة الله وبركاته،
أخي محفظه بنكية: تحياتي لشخصك الكريم والذي اعتبره واحد من الثقات في هذا الصرح الكبير. الحقيقة ما ذكره الشايب الذي ذكرت هو فعلاً الذي حاصل وقد حصل هذا الشيء معي يوم الثلاثاء حيث بعت جميع أسهمي بخسارة وصلت إلى 63% من رأس المال وذلك مخافة ضربات الأربعاء وكان غرضي هو الدخول نهاية التداول ولكن قدر الله وما شاء فعل. عموماً السوق الآن والعلم عند الله كما تفضلت مهيأ للصعود إبتداء من السبت بعدما حافظ على ثباته فوق حاجز 7600 نقطة. أتمنى للجميع التوفيق وأشكرك على هذا الطرح الجميل. أخوك/ إلى متى |
والله شيء مؤسف وبكل المنتديااات هناااااااك غاالبيه للاسف وهقت خلق الله لاهدافهم الخاصه ....والمشكلة
واللي قااهرني عند اي ارتفااع او ارتداد تشووف المواضيع والارقام الخيالية اللي يقول 10000 واللي يقول 13000 وووو..وللأمانه هناك محللين واقلام رائعه نستنير ونستفيد منها وانت احدهم بدون مجامله..واخيراا حسبنا الله ونعم الوكيل على كل شخص يريد الضرر لاخوانه |
معناتاها ان فيه ناس ماعندك احد ومع الخيل ياشقرا معاهم معاهم عليهم عليهم فهمت قصدي . همهم الوحيد هو كسب الشهرة على حساب خسارة الاخرين وياصابت ياخابت . وحسبنا الله ونعم الوكيل على من يلعب فينا بهذا السوق اللي فيه الكبير ياكل الصغير وينطبق عليه المثل القائل ان لم تكن ذئبا اكلتك الذئاب . والمشكلة اذا حاولت تصير ذيب وتعتمد على التحليل والدقة بالاختيار لزوك لين يقطعون بطنك من دعم لكسر دعم لين تبنط تحت وتعتمد على وقف الخسارة وترجع تعوض اللي خسرته وبدون اي ارباح بس هم ووجع قلب على الفاضي .
وللعلم انا مسجل بالمنتدى من ماي 2005 ولكن لا احب كثرة المشاركات وزيادة الرصيد على الفاضي لان ماعندك كذب ولا خداع زي بعض الناس . لك تحياتي |
اقتباس:
ثقتك بالله فوق كل شيء اخوي الفاضل معرفات لاتخاف الله يحسبون انه اموال الناس لعبه في ايدهم هذا الشايب مايعرف للكمبيوتر عياله علموه كيف يستخدمه يدخل علي منتديات الأسهم بس ويتصفح اذا شاف الناس قالت له دخول دخل واذا شاف الناس قالت له خروج خرج قلته لا يابوي والله ثم والله هذا واقع حاصل في للأسف اذا شاهدت الناس تقول دخول اطلع وان شاء الله عليك الأمان واذا شفت الناس تقول خروج ادخل وعليك الأمان يمكن كثير ناس لاحظت هذا الشيء والا انا غلطان |
الله يجزاك الخير والله يوفق الجميع يارب والله يرزقك يرزقه يارب وان شاء الله نحنا من بني آدم وان شاء الله مانكون من الذئاب
|
:o
بسم الله الرحمن الرحيم انا اشتريت الدريس 177.5 ونزل السوق ورفضة ان ابيع وقلت لنفسي السوق طالع لا محالة لاسباب عدة الاقتصاد السعووي و لله الحمد قوي جدن و الجميع يشهد لة الوضاع في السياسي ولله الحمد مستقر وافضل ما يكون شفت المؤشر ينزل وينزل ماهمني رحت اشتري من تحت واعدل وعندي الثقة الكبيرة بالاقتصال ومايهمني كلام المرجفين واسف على الاطالة |
كم أتمنى التشهير بالمطبلين ولا يهونون المرجفين طبعا لأغراض خبيثه
|
| الساعة الآن 08:04 PM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.