نصيحة لوجه الله في هذه الأيام ستتذكّرني حينها .. لا أريد منكم الا الدعاء فقط !
 

مساء الخير ان كنتم مساء ً


وصباح الخير ان كنتم صباحا ً


ياحبايبي ياحلوين ... ابو مضاوي ( يارب يرزقه بالزوجه الصالحة والذرية الأصلح ) ناصح لكم نصيحة لوجه الله

والله مايبي منها الا الدعااااااااااااء لي ولوالديّ فقط ...

شوفوا ..


معروف عن سوقنا انه يمشي بالمعلومة اكثر من التحليل الفني ...


وخير دليل على الشي هذا ان :


" الخبر .. يقتل ... الشارت "

سواء ً كان الخبر ايجابي والا سلبي ...


في الايام هذي كثرت التوصيات يوم صار السوق ملعلع " ماشاء الله " من اسبوعين ...

وقبل اسبوعين كانت اغلب الناس والمعرفات " ترجف "

وهذا شي مهوب جديد متعارف عليه طبعا ً ...

المهم ...


نصيحتي لكم هي :


انتبهووووووووووووووووووا من التوصيات اللي اصحابها يوصون علىيها وهي مرتفعة مرررة

يعني اللي مرتفعات اكثر من 30 الى 50 الى 80 % ...

مايحتاج ذكر اسماء للشركات حتى مايتضررون اصحابها ...

بس انا ناااااااااااااصحن لكم والله بعصرية هالجمعة اني نااااااااااصح وقسم بالله ... مالي اي مصلحة بالموضوع لا من ارجاف ولا من توصية ...

لا من قريب ولا من بعيد ...


واذا تبون نصيحتي اكثر وأكثر .. خذولكم اسهم مااخذت نصيبها من الارتفاع ( اسهم العشرينات وتحت ) مثل القصيم الزراعية والجماعي واللجين واعمار وغيرهم ..

حطّوا 75 % انكانكم خايفين من هالسوق بالاسهم العشرينية اللي قلتلكم عليها ( تبون تحطّون الــ 75 % كلها مرة وحده بكيفكم والا تبون توزعونها على دفعات بكيفكم شوف اللي ترتاح له وسوّيه ) .. اجمعوا فيها منتب خسرانين شي ... والله انها ازين لكم من الاسهم اللي طارت 30 و40 و80 % .. هذي خلاص اخذت نصيبها من الارتفاع ومصيرها ترجع ولاتتحسف حتى لو ارتفعت ... هذا نصيبك

... والــ 25 % الثانية خلوها مضاربة يومية بحته ولايسكّر السوق الا والــ 25 % من فلوسك بحسابك ... واذا حاب تخليها بكره هذا شي راجع لك ...



والله اني ناصحن لكم ياجماعة الخير بكلامي اللي قلته لكم ... وهي نصيحة خالصة لوجه الله تعالى ... ابتغي فيها وجه الله والدعاااء منكم لي بالزوجة الصالحة والذرية الأصلح ..


والله منيب ربحان معكم اذا ربحتوا ... ولا نيب خسران بخسارتكم ... عشان ماتقعدون تقولون انه لي مصلحة بالكلام هذا ...

ياما انضربنا من السوق وياما انخدعنا من التوصيات والتطبيل والارجاف ...

وياما وياما ... لكن وش نقول ... كل واحد عنده عقل ويفكّر فيه ... وانتم أدرى بالشي هذا ...



لكن

هل نعي تلك الضربات ونعتبرها دروس ...



انا نصحتكم ... واللي علي ّ ان شاء الله اني سوّيته ... والباقي على رب العالمين


والله الموفق

بارك الله فيك 000

جزاك الله خير ,,,,,,,,,,,,,

بارك الله فيك السوق السبت اخضر بامر الله اسعار البترول فوق 62$ والاسعار مغريه مع المحفزات والاعلاناتالايجابيه لبعض الشركات الاحساء سيسكو الصحراء جيزان اسهم عليها محفزات ومنح واكتتابات ولم ترتفع اي مهمله وستنال حقها لمن يعرف اخبارها اسهم للمراقبه والبيع والشراء قراركم بعد الاقتناع ولا نريد الا الدعاء والله يرزق الجميع a4 a4 a4

الله يجزاك خير ويرحم والديك ويرزقك الزوجة الصالحة والذرية الاصلح..... والكلام الذي من القلب يدخل القلب مباشرة ..... تقبل خالص دعواتي .......

...بارك الله فيك ورزقك الزوجه و الذرية الصالحه ...

شكرا على النصيحة اخوي وكلامك عين العقل

لكن رأي انا ان انهيار السوق الامريكي والصيني لن يمر مرور الكرام