|
سوبر موديل في مملكة المرأة بسوق المملكه
اضطريت انا وزميلات العمل لتغيير الجو وتناول القهوه في احد الكوفيات النسائيه بالرياض طبعا حاولنا ندور على كوفي يكون هاديء وراقي بنفس الوقت .. وبما انها قليله بالرياض .. استقر الرأي اخيرا على سوبر موديل في مملكة المرأة بسوق المملكه لكن كنت انا وزميله لي المعارضين على هذا الكوفي لأسباب راح اذكرها لكم بعدين .. ونهبناهم انه يمكن يلاقون شي مايسرهم وراح يعكر علينا الجلسه .. الاراء الخمسه غلبت رأينا .. وقالوايمكن الوضع في هذا الكوفي تغير .. طبعا انا رحت لهذا الكوفي قبل سنه او اكثر تقريبا وانصدمت من اللي شفته وتبت اروح له مره ثانيه .. بس على قولتهم يمكن الحال تغير .. طبعا الكوفي هذا مثل اي كوفي نسائي .. طلبات قهوه كابتشينو وجبات خفيفه .. جلسات سبور .. وكل السيرفس فلبينيات.. دور علوي خاص بالنت لكن اللي يختلف هنا واللي صدمنا اكثرهو.. الموسقيى الصاخبه مشغله على الاخر.. بنات في سن الزهور يمكن اعمارهم بين 16 و20 سنه مستمتعين بشرب الدخان واحسهم في عاااااالم ثاااااااااااني القبلات الساخنه والحضنات اللي مش ولابد بين البنات في كل مجموعه وفيه بنتين اتوقع انهم من الاداره او شي من هالقبيل .. الكل يعرفهم ويجي يسلم عليهم بطريقه غريبه لانه اشكال هالبنتين كأنهم شباب .. المشيه الصوت قصه الشعر واللبس .. لاحول ولاقوة الا بالله البلوتوثات لمقاطع كلها جنسيه واشياء غير طبيعيه اما دورة المياه لما دخلتها انهبلت وطلعت علطول .. بنات في وضع مشين جدا اللي معي انصدموا بقوووه وماتوقعوا انه الكلام اللي قلناه عن هالكوفي فعلا صدق وغير مبالغ فيه مع العلم انه لما جلسنا وشفنا فلاش كاميرات الجوال تشتغل تلثمنا ولا اخذنا راحتنا وحاولت وحده فينا تسال هالبنت المسترجله عن اسم صاحبة الكوفي ورقم جوالها وقالت لها انها تبغاها في شغله ضروريه .. طبعا ماعطتها وجه واضطرينا انه نكنسل الطلب ونطلع نتقهوى في الكوفيات اللي برا عموما نصيحتي لصاحبة الكوفي او اللي يعرفها.. انها تتقي الله وتحاول تشوف وش اللي صاير بداخل الكوفي اذا عرفنا انه هالكوفي له تقريبا ثلاثه سنوات او اكثر وهو بهالحاله السيئه من الفساد والانحطاط .. وانه اغلب مرتاديه من البنات المراهقات .. وانه الآثام والمعاااااصي اللي تعج بهالكوفي كله راح يكون فوق ظهرها واذا هي عارفه الوضع .. فأسأل الله لها الهدايه في هالأيام المباركة منقوووووووووووول |
صدقت الكاتبة وصدق الناقل:( مقهى.سوبر موديل كافية...بجد هو في وضع جدا سيء مو كفي عادي والكل يعرف هالشي بمملكة المرأة...عموما صاحبتة معروفة.. وهي تعرف اش قاعد يصير بالكفي واسمها موجود عندي لا داعي لذكرة هنا بالمنتدى..عموما اغلب مرتادية من الشواذ وطالبات الجامعة..هذا ماعرفته عن هذا المقهى النسائي من زوجتي التي سبق وقامت بزيارة لهذا المقهى وقالت الجلسة فية لاتطاق بجد...:( نسال الله لهم الهداية ولصاحبتة.. |
ياليت اخوي ذكرت اسم صاحبته اذا كانت اهي ولاهامها ليش اداري على مشاعرها
على العموم الله يستر من الجاي اذا كان هذا يصير ومعلن والكل ساكت |
وفقك الباري وبارك فيك
ليتك رفعت الأمر للمسئولين ولم تنشره فهذا قد يساعد على إشاعة الفاحشة |
انت تتوقع اخوي ان المسؤلين مايدرون عزيزي نشرها قد يحلها
وياليت اشوفها في كل المنتديات |
لاحول ولاقوة الا بالله.
الله يكفينا شر هالبلاوي ويعصمنا ويعصم شبابنا وبناتنا. |
اللهم امين وجزاك الله 1000000000 خير
|
اتمنى من الجهات المسئولة ان تتحرك للمعلومية هناك من يقف و راء هذه المفاسد من ابناء جلدتنا ومدعومين من الخارج والإثباتات والأدلة موجوووووودة ولكن لايصلح ذكرها هنا |
سبق لي دخول هذا الكوفي من سنتين على ما اعتقد واسعاره مرتفعه جدا حتى ان طلب قهوه+ايسكريم = 130 ريال
هبال يعني المهم يوجد حارسه على الباب تفتش وتتاكد انك امرأه بكشف وجهك (لاني متغطيه طبعا ) الاماكن اضائتها خفيفه جدا وكأنها مراقص وفيها دور علوي للنت الجلسات تقريبا منفصله متصله بحيث ممكن يشاهدك من يجاورك ولكن من خلفك او امامك لا بشكل جزئي بسبب تصميم المكان العاملات فلبينيات دخلته وهو خالي تقريبا وكانت الموسيقى تصدح فيه فطلبت من العامله اطفاء الصوت اجابت الكل يطلب انه يسمع فقلت لها اذا جاء احد شغليه وتناولت طلبي وخرجت وهي المره الاولى والاخيره لاني لا احب الاماكن النصف مضاءة وفيها حوسات ولفت تحتاج ليموزين |
اشكرك اخوي مصدر معلومات
واختي يارا على التعليق |
| الساعة الآن 02:34 PM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.