حــــال السوق وأهله !!
 

السلام عليكم ورحمة الله وبركاته

ذكرت احوال السوق بكل متداوليه فحاولت ان اعبر عسى ان يكون ذلك

مصوراً لواقع السوق الذي سرق منا عديل الروح أسأل الله أن يعوضنا خيرا

ودمتم بخير...

يا ويل من حلمه يجمـّــع ملاييـن ... من سوقنا يبشر بكـبر الخساره

تضيع فيه الوان كل التلاويـــن ... ويبقى الحمر سيد بلون الإشاره

نويت أوضح مشكلتنا ببيـــتين ... لكن تجلى هــم صـعب اندثــاره

هم الأرامل ثم هم المســـــــاكين ... وهم المدين وهــــم بيـّــاع داره

ومن كان ينوي صدر كل الدواوين... عـوّد على المجلاس في قعر داره

كثر الحكي وبانت علينا عناوين ... ومن كثر ما ينقال ذقت المـراره

سوق الخساير له مسار ومسارين... ومن حاول التحديد ضيــّـع مسـاره

سابك وابورجحه سلاح المعادين... جابوا خبر سوق(ن) يعاني وقاره

مدري شوضح ضاع كل الموازين... لكن موكد سيدي عـــــــــــــــز داره

هذاك ابو متعب حبيب الملاييـــن... اللي رفع قدر الوطن مع شعـــــــاره

يفزع لمنهو ضاع ماله بيوميــــن ... وما جاه نوم وماعــــرف وش عقاره

بغيت اوصل له كلامي بحرفيـــن ... وخيره سبق والعز له شـــــب نـــاره

وصلوا على محمد ختام النبييــن ... صلاة يتبعها ســــــــلام بحـــــــراره



والسلام

الواقع

14/ 11 / 2006

صح الله بدنك يا فهد والله يلبسك ثوب الصحه دوم ان شاء الله ويزيدك في مالك واهلك.

دمت سالماً

كنت اتمنى احصل شاعر يعطيني تكمله لمعاناتنا ..

لكن الظاهر ان الشق اكبر من الرقعه.!!