آخر مرثية في هيئة سوق المال
 

[frame="10 90"]قصيدة هيئة سوق المال


من بقا فينا
بلا هم وديون
من بقا صاحي
وماصابه جنون
عندي الف سؤال
واحساس وظنون
لا متى هذا التمادي
لامتى جرح العيون

هيئة المال الشريفه
مدري هل فعلا امينه
هيئة المال الامينه
صرت اشك انك شريفه
اوقفوا هامور
او صادوا حرامي
كل يوم افكار
ومعاني سخيفه
والنهاية للاسف
دمعه حزينه
وصرخة اطفال وارامل
ومقبرة في اخر الوادي مخيفه

طار هامور النسور
ومابقا غير الفراخ
والعصافير الضريره
فر هامور النباح
ومابقا غير القطا
واليتامى والعجائز
والقطاوات الصغيره

ياوطن ياناقلة بترول
ياقصر وخيول
ياوطن ابار نفط
وياوطن كل الفصول
ياوطن تخمة فلوس
وبالحظيرة للاسف
من جوعها
ماتت عجول

يامعالي ياسعادة يامدير
ودنا بس لو تكرمت وطلعت
وقلت للشعب المعذب وش يصير
مانبي تعويض
للأ رواح والاموال
ولا قليل ولا كثير
بس عسى عمرك يطول
نبغا تفسير وكلام
للكبير وللصغير
بس كلام
وماظن ان الكلام
ياخذ من الوقت
يالرئيس كثير

اعتبرنا أي شي
دفتر بمكتب سعادتكم
ومرسم على اليمين
اعتبرنا طاولة كرسي
وفازة ياسمين
اعتبرنا شي في قصرك
وعطنا وقتك الحر الثمين

تحت خط
الفقر صرنا
تحت خط
الهم سكنا
تحت اخر صفر
من اصفار
هذا الكون عشنا

وش بعد ناكل
تراب الارض
ونغسل من الدمعه يدينا
وش بعد نشرب
جفاف الارض
نغفى في عيون الريح لانادت علينا
وش بعد ماصار فينا
وش بعد مامر يادنيا علينا

يامدارات السؤال
ياجنون العاطفه
يااخر الامال
ياطيف الخيال
حديثنا وش يصير بسوقنا
سرقة!!!
تلاعب !!!
غش !!!
والا درس من من فعل المحال

حدثينا هيئة السوق العقيمة
حدثينا ياحليمة
كلما عدتي لعادتك القديمة
حدثينا باي شي
حتى من وحي الخيال
لاتعلق من تعلق
وافتقرنا
وماتت اكثرنا وجن
هو حرام والا حلال

[/frame]

[SIZE="5"]عفواً : إذا النفس هانت عند صاحبها 000 فما الغريبُ إذا هانت على الناس ؟؟؟ [/
SIZE]


للأسف : النفس تجلد كل يوم عشرات المرات : ندماً وحسرة على ماحدث ويحدث في سوق المال 0

ضاع كل شيءٍ 0

بارك الله فيك يالعنقري.................

فهد العنقري قصيدة بالصميم فهل من مجيب
لاحياة لمن تنادي
وبراءة لهيئة سوق المال
مايحصل الان حصل وقت جماز
إذا الحرامي موجود بيننا وماعرفناه
<<< بتروح فيها