تخيلوا سوقنا مافيه الا صناع السوق والباقين تم طردهم
 

بسم الله الرحمن الرحيم


بإختصار .. تخيلوا سوقنا مافيه الا صناع السوق والباقين تم طردهم ..بالترويع والخسائر وغيره من الاساليب اللي تكلموا عنها بكل منتدى..


الصناع يتصلون ببعض .. لانه ماعاد فيه داعي للانترنت والتداول الالكتروني خلاص مابقى الا الصناع وكم هامور يعز عليهم ..

طبعا كل واحد في جعبته كم مليون سهم وقاعد يتصل في عوانيه من الهوامير .. ويقول اشتروا اسهمي وبعطيكم تخفيظات .. ايه مهي صارت دكاكين اسهم .. والتخفيظات وارده يبي من يشتري لان السوق فاضي ومابه احد يشتري .. الا صانع سوق مثله وعنده اللي يكفيه .. ومن يشتري منه اجل ..

كني اقول الغاز .. بصراحه ما قدرت اتخيل كيف يكون السوق من غير متداولين .. وما قدرت اتخيل كيف يمكن لتاجر سلعه يريد تصريفها .. ويريد ان يبيع ويشتري في سوق ما فيه الا تجار مثله ولنفس السلعه .. وكلما جاه زبون شب بوجهه وطرده .. معقوووووووووووووول ؟


كل تاجر يبحث عن سوق رائج وسوق فيه نشاط تجاري لسلعته حتى لو كانت اسهم .. واسواق الاسهم كغيرها كلما زاد عدد المتداولين وزاد النشاط فيه كلما كان افضل بل هو مطلب لكل صاحب ثروه ..فالاستثمار في الاسواق الكبرى مهم .. وسقنا ولله الحمد يعتبر اكبر سوق عربي للاسهم ..

ثم اضف لو كان هناك توجه سواءا من الدوله او من الصناع لتحييد صغار المتداولين وطردهم .. فكيف تسعى الدوله لزيادة عدد الشركات في السوق للاكتتاب؟ بل العكس كان يجب ان يحدث تقليص العدد لا زيادته .. !!


المشكله الحقيقيه التي يواجهها سوق الاسهم السعودي انها التجربه الاولى في تصحيح حاد وكبير .. ومن الطبيعي جدا ان يحدث تذبذبات في السوق نتيجة لهلع الناس .. والتصحيح حظ كبير لمن كسب قبل ان يبدأ واستطاع ان يقرأ بوادره .. وخرج من السوق وانتظره عند نهاياته .. .. وسيبقى هاجس التصحيح ملازم للكثيرين لفترات طويله .. حتى يستطيع جميع المتداولين اكتساب ثقافه عامه عن كل ما يحدث اثناء التصحيحات ..

الكثيرين خسروا في التصحيح الكبير .. اطلق عليه الكثيرين بل جزموا انه انهيار .. والحقيقه لو كان انهيار لما رأيت عوده له مره ثانيه .. ولما سمعت عن سوق اسهم سعودي .. ولكنه تصحيح بكل معاني الكلمه .. ولعلكم تذكرون تقرير البنك الدولي عن ان اسواق الاسهم الخليجيه قد صححت بما فيه الكفاية .. واصبحت اسواق امنه .. ومن بعدها بالفعل بدات حدة التصحيح تخف الى ان تلاشت .. وعاد سوقنا يحقق ارباحه من جديد ..

هناك محاولات ..وهذا امر طبيعي من كبار المتداولين لاستغلال حاله الخوف عند كثير من المتداولين .. ولكن هذه المحاولات لها حدود هم انفسهم لا يستطيعيون تجاوزها الا بقدر معقول .. وعليك انت تعرف كيفية الدخول والخروج .. وعند اقتناعهم ان الجميع تعلم واصبح يعي اللعبه ستلاحظ تلاشي هذه التذبذبات واستقرار السوق باذن الله ..


واعلم ان لايوجد رابح دائم ولا يوجد خاسر دائم

ارجو الله للجميع التوفيق والرزق الوفير ..

كلام صحيح السوق ما يكمل من غير الصغار و هم حطب السوق
يبيعون عليهم إذا الأسعار ارتفعت و يطمعونهم باسعار أعلى
و يشترون منهم في حالة الهبوط و يخوفونهم بأسعار أقل
و تستمر اللعبة للأبد و لا نتعلم الدرس، في انهيار فبراير قالوا لا تبيعون و الحين نبرة السوق بخير و راح يرتفع و الغرض بكل الأحوال أبقاء الصغار في الحلبة لمصلحة الكبار
الله يخارجنا

جزاك الله خير وقراءة موفقة للواقع

بارك الله فيك اخي الكريم Green look وشكرا لك على مرورك ..

ولكن عزيزي الا ترى معي بان ثقافة الصغار هي التي جعلتهم ذلك الحطب ..

اما ابقاؤهم في السوق ..فهو مطلب لهم وللكبار .. والفائده ستعم عندما يصبح الجميع سواسيه في ثقافة التداول .. المطلوب وعي لكيفية التداول ..

انظر كيف يهاجم المحللين في هذا المنتدى ولماذا كل هذا الهجوم من اقلام مبيته ولها اعوام لم تشارك .
السبب واضح .. ان كثير من المتداولين اصبح يعي اللعبه ويجب ايقاف ومهاجمة هؤلاء الكتاب اللذين اخذوا على عاتقهم امام الله تثقيف الناس وارشادهم لكيفية الدخول والخروج .. هذه الاقلام ستظل محاربة واذا لم تعي ما يحاك لها .. فسوف نخسرالكثير بخسارة تلك الاقلام ..


تحيتي لك وشكري لمداخلتك الجميله

بارك الله فيك يا الهدب

كلامك صحيح ولا عليه خلاف والا فمن اين يربح الكبار

من عوائد الشركات ؟؟

هذا كان زمان

اما الان فارباحهم من اموال الخوافين

وانا واحد منهم - بس تعلمت الصبر والمصابرة حتى اغلبهم

وبالتوفيق للجميع

مشكور اخي على المرور بالموضوع

هلا وغلا بالداعية .. والله يبارك بالجميع ان شاء الله ..


كلام منطقي ومشكور اخي على المرور .. وخير ما تعلمت ..بالصبر وعدم التسرع ..وايضا اخي لا تنسى الاطلاع على اي كتب او معلومات تعينك على الاستزاده من فنون استثمارات اسواق المال .

لك التحيه والتقدير