منتديات تداول - جواب ماحدث في تهامه والاسماك

اولا لي عتب على ادارة المنتدى كتبت اكثر من موضوع خلال شهر شعبان ورمضان واول ما اكتب الموضوع ماعاد الاقيه والسبب ملاحضه توصل لي تقول تم حذف الموضوع ويتعلق اليوزر كم يوم وان والله ماكتبت الا لمصلحة اخواني ومحبة لهم للخير واخر موضوع كان عن المتطوره وكان سعرها ب 190 وقلت انها طالعه لل400 ريال سامعها باذاني من خشت خالد الشثري وانحذف كالعاده والسبب عدم وجود رسوم بيانيه او جداول توضح طيب هاذي توصيه مو تحليل فني للسهم
يعني ارفق صورت خشته وهو يقولها ولا اصوره وارسلها ملف بلوتوث مع التوصيه
والمشكله اني شايف ناس كثير توصي:) بالحد الادنى :) (حلوه هاذي منتدي اسهم لازم المصطلحات )يعني 15 حرف ولا تنحذف ولا شي بالعكس تلقى عليها 500 رد واستفسار عن التوصيه
a7 وان كنت كاتب 4 سطورa7
لا وجاني تحذير نهائي يعني اذا مالقيتو لي شي بعد كذا اعرفو اني تشوت من المنتدى

حمى السهم وامتلاك الشركات
هي ضاهره لا يمكن التغاضي عنها ولا يكاد يخلو مجلس او بيت من الحديث فيها
حتى الوالده الله يخليها لنا ان شاء الله اول ماتشوفني بعد التداول تقول لي وش شريت فيه وش بعت وهي ماتعرف في الاسهم اي شي بس اذا قلت لها على طول تشغل العربيه وتقعد تطالع الاسهم ولو هي مسكره بين الفترتين وتشوف اذا هي نزلت ولا عن سعر الشراء
نجي للموضوع الرئيسي
فيه ناس كثير في بلدنا الحبيب ولله الحمد تملك المال الوفير
منهم التجار بالفطره
ومنهم اصحاب السلطه
واصحاب السلطه نوعين
منهم من هو معروف في التجاره
ومنهم من يأخذ مخصصات سنويه وماعنده اي مشروع تجاري (وهاذا الي نبي نوصل له)
الملاحض ان كل الشركات الي ترتفع ارتفاع تاريخي يلحقها تملك احد اصحاب السلطه نسبه من الشركه تجعله مسيطر على مجلس الاداره
1- المواشي
2- تهامه
3- الاسماك (عن قريب)
وهاذا سبب رفع الشركات الي مبالغ خياليه لا تجعل المضارب والمستثمر يفكر في الدخول اليها ولاحتى الاقتراب منها يعني شركه فوق اسمها او تحتها خوف من انه يتنفذ الامر غلط وبعد كذا ينزل السهم نسب تحت للسعر المحدد من قبل الشاري والموكل بجمع الاسهم ويتم نقل الاسهم على النسبه الدنيا من المحافظ الي تم التجميع فيها للمالك الجديد
كما لاحض الجميع ماحدث في تهامه قبل تعيين مجلس الاداره الجديد وامس واليوم في الاسماك