بين مؤيد ومعارض لأوقات التداول كلها ساعه ونعرف رأي الكبار
 

السلام عليكم ورحمه الله وبركاته



في البدايه التحليل الي بذكره لا يعد الا تحليل نفسي وهو في الاول والاخير وجهه نظر خاصه غير ملزمه ,,,



بعد اعلان الوقت الجديد للتداول بدأت تطلع المواضيع الي تعارض والي تبارك والي .......... الخ


انا اشوف ان الوقت الجديد قد لا يكون هو الوقت الانسب لكن قد يكون هو افضل الممكن


وبالنسبه للي يقول عملي وتجارتي وغيره وغيره

انا اشوف انه السوق بعد التعديل هذا قد تخف فيه المضاربه ويغلب فيه الاستثمار وهو في الاول والاخير


افضل للمستثمر والسوق ككل


اما بالنسبه للتحليل النفسي الي حكيت عنه

هو رأي الكبار او صناع السوق او الهوامير سمهم ماشئت

بيتبين بعد جلسه اليوم (المسائيه) يا القبول عن الوقت الجديد وهذا يعني ارتفاع في السوق بغض النظر عن اي اسباب اخرى


او بالرفض والمعارضه وهو ما يتبين بالنزول واخشى ان يكون كما استقبلنا خبر تحديد نسبه التذبذب %5



نزول قوي يصل للنسب الدنيا .






والسلام عليكم ورحمه الله وبركاته

معارض وبشده لمخالفته أوقات الدوام

والله شكلهم ما بعد قلبوها في روسهم

افضل وقت لتداول الفترة الواحدة
هو إبتداءً من الساعة الرابعة عصراً وحتى الثامنة مساءً

حلوه منك :)



.

a4 وأنا معاك <<< خوش وقت مناسب للجميع

معارض وبقوه وش ذا الوقت

وقت جديد اول مره اشوف احد يحط وقت جديد وناس تعودو على وقتين معينه شي طبيعي انت او اي واحد يتميز بانه رشيد انه بيمدد وقت من الوقتين الاوليه ,,

لكن انك تمدده وتحطه وقت ظهر ومعروف ان هالوقت وقت خمول ووقت نايم تحط فيه سوق ..!!!!

هل هذا تفكيره تفكير مدير او مسؤل ,,

الا دبشتن قاعده ,,


يمكن يبون يخف الضغط والزحمه في الشوارع في هالوقت وخاصه انه طلعه موظفين ومدارس وحركات عشان كذا قالو حطو التداول فيها يمكن يزيد مدخول الليموزينات ويزيد عدد السواويق لان الابهات والعيال اللي يضاربون في الاسهم موب طالعين والسوق طالع ولا نازل ولا يبون العالم ماتطالع سوق لاسهم ويخلونهم يلهون بعيالهم ,,