بسم الله الرحمن الرحيم
السلام عليكم ورحمة الله وبركاته

تحياتي للجميع



ماتلاحظو اخواني ان المرجفين زودوها حبتين في المنتديات

العاقل يعرف ان الكلام بلاش والاسهم بفلوس وعقلك برأسك وتعرف خلاصك بس ليه:615:

والله حرام مايجوز سحت للمال والصحه ياما نشوف بها المنتديات ادعو لفلان والا فلان صار عليه والا فلان بنته والا ولده مريض. ادري كلها من عند الله وحده ونعم بالله والحمد له والشكر على السراء والضراء بس التغرير بالناس واخذ اموالهم بالباطل عقوبتها بالدنيا قبل الاخره ويشوفها بنفسه وعياله قبل مايرحل ويشوفها امامه

كلمه حبيت اذكر فيها كل من يكتب لغرض الارجاف والتطبيل لناس لاهمهم لا دين ولا حياء لا من الله ولا من خلقه
همهم الاول والاخير المال وبس


سوقنا بخير واللي يحلل فنيا يعرف مقدار كلمه بخير لاي درجه


واللي مايفهم بتحليل فني اقوله السوق له اسبوع لا فوق ولا تحت ضغط وثبات بالقياديات ما احد سأل ليه!!!!


معايير السوق اختلفت تماما واللي كان يتابع السوق وطريقة البيع والشراء فيه قبل الانهيار وبعده يعرف قصدي

سوق كامل اختلفت استراجيات صناعه
وتوجهات مضاربينه


نزلنا من 21000 والاغلب متعلق الى الان

ماهو ضرر النزول ل 10000 والا 9000 ؟

خسرنا 10000 نقطه وش يفرق الف كمان لااحد يعمي عينك عن السوق السوق مؤشرات خروج بس خروج لمين

خروج للي يدور ريال وريالين وممكن تصيب وممكن تكون وحده من توصيات التصريف وجاب اب وتصريف وداون وحسافه وياليت ماسمعت كلام اللي وصى والا يعتذر ويقول والله واجهنا رش بالسهم( عجيب كأن اسمه مكتوب قدام طلبه عشان اصدقه)

خلك ذكي ولقط رزقك بمعرفتك ولا تسلم عقلك لفلان وعلان


اخوكم متعلق من ايام 21000 وخسارتي الان 50% من راس المال وتوني عدلت بكميات على 30 و 35 سهم ووالله لو طلع السوق 2000 او نزل 2000 كنت راح اعدل بمجرد وجود سيوله

والله يجازي من كان السبب وكان يقول شيلو عروضكم السهم بيطلع المضارب ماهو قادر يشد السهم شيلو عروضكم لا للبيع ونسب اسفل


و10 ايام كفيله ب40-% الى 50-% من محفظتك ووقتها ماينفع كلام غرقت ولا تقدر تتصرف ولا فات الفوت ما ينفع الصوت




كلام كثير خلاصته

ضع ثقتك بمن يستحقها ولا تلومه لان السوق مثل السيل لا احد يستطيع التنبؤ به
ولا تلقي بال للمرجفين والمطبلين اللي يتقاضوا اموال فقط لكي يرجف ويطبل (جعلها بالسحت بماله وصحته)


اخوكم

ابو ريام

المشاركة الأصلية كتبت بواسطة AM7 إلى الآن أتذكر كلام الأخ المالكي قبل الإنهيار الأخير يوم كلمنا عن الكشتة ... والأغلبية لاموه وما أعطوا كلامه أي اعتبار ... وفي الأخير أكلوها على رؤوسهم ... وخسروا خساير (( محترمة )) ... لأنهم كانوا يقولون إن السوق بخير ... ومستحيل يصدقون إن السوق ممكن ينهار ... وقتها بس عرفنا من هو الناصح الأمين ... يا ليتني سمعت كلامه وطلعت ... AM7