|
لا تغفل عن هذه الفرصه $$
بسم الله الرحمن الرحيم
الحمد لله كثيرا على ارتداد السوق الى ما فوق ال 11 الف واتمنى البقاء فوقها الى الابد ان شاء الله ومن لم يكن داخل الموجه من يوم الاربعاء الماضي اقول له السوق مازالت به فرص كثيره جدا والخير اتي لا محاله لمن يملك (((( الصبر والبعد عن المضاربه )) والسوق يلف ويدور ويرجعلك لا تلحقه انتبه خله يجيك لحدك:q: كم واحد باع يوم كسر السوق ال 11 قبل اسبوعين وبدى يلت ويعجن وفاته وخسر اما من بقي في السوق جاه لحده:dinmt: مالكم بالطويله السهم المراد البحث عنه وهو فرصه امنه لمن فاته السوق في اليومين الماضيين ويحتاج قليلا من الصبر بعد التوكل على الله ارباحه 1. 267.64 مليون ريال أرباحاً صافية عن النصف الأول من العام المالي 2006م مقارنة بـ 231.12 مليون ريال عن نفس الفترة من العام الماضي 2005م ، بزيادة قدرها 36.52 مليون ريال وبنسبة 15.8 %. 2. زيادة في راس المال قريبا ومكرر ارباحه 18 3. بيستلم له ناقله كبيره خلال الشهر الجاري تكمله لما تسلمه في السابق مما سيزيد ارباحه خلال النصف القادم 4. وهو المهم ثبات لفت نظري خلال الدبج والدبيج في الموشر وهو ثابت فوق 39 ولا ينفذ لك لو بتطلع في راسك نخله:) وخلال ارتداد السوق من 10400 وحتى اليوم فقط زاد 3 ريال ونصف (( مضاربه راكد ويعرف متى ينطلق بالسهم واعتقد ان بداية تحركه قد اقتربت فهو يحب التحرك في الامان )) اكيد عرفتوه البحـــــــــــــــــ42.50ــــــــــــري السهم استثماري وامن باذن الله هدف السهم قناعتك الشخصيه بما اعطاك وقف الخساره لا قدر الله لمن اراد الدخول به هو كسر 39 بكميات كبيره والاغلاق دونها |
السهم الي ما فيه خير ايام الطفره اعرف ان ما من وراه خير
تحياتي |
فعلا يعتبر فرصه بهذا السعر
وفقك الله |
اقتباس:
|
بارك الله فيك وجزاك الله خير
|
فعلا يعتبر فرصه بهذا السعر
وفقك الله |
سهم راااائع...كل نزول اشتري ولاتبيع.
مشكلة المضارب انه "ملك التدويير" تحياتي,,, |
مضاربة حسود
والشاعر يقول / رزق ورى الأنذال جوع وعراميش |
وفقك الباري وبارك فيك
البحري سهم ممتاز لكن المضارب غثيث |
اقتباس:
ياسلام عليك اخوي السعودي ذكرتني قصيدة السديري الله يرحمه في رده على الشاعر الزلامي وفرصه اعرضها للشباب هنا :) هذي قصيدة وجهها الشاعر الزلامي إلى الامير محمد السديري طال المسيرتشرح موضوعاً لم يفهمه السديري والمووضووع ان والد الزلامي كان امير قومه ومات والد الزلامي واخذوا الامارة عيال عمه طبعاً الزلامي كان في احد الدول الخليجية والمفروض يصير هو وريث ابوه يعني المفرووض يصير هو الامير هذا قصده وكان يتوسط بالسديري بحكم قرابته من الاسرة المالكة قصيدة الزلامي : اكتب ويكتبلي وانا اقول حتى ايش.............حبراً على قرطاس ماهوب كافـي والوضع ماهو قابـلاً للمطاريـش...................يا امير بشرنـي عساهـا عوافـي سجيت يوم غصون قلبي مواريـش...........واليوم يا فرز الوغى شـاب قافـي وعروق قلبي يالسديري معاطيـش...........امشي وانا مقفي واعايـن خلافـي رافقت حجاج الهنـود الدراويـش............وسريت مسرى الذيب رجلي وحافي وطال المسير وصار بالجو تشويش......متى على الله يصبح الجوّ صافـي شياّ يخدش ثومة القلـب تخديـش........وسره يعود الى القلـوب النظافـي يكفيك لايـح كلمتـي دون تفتيـش......حساس من كلمه سريـع العيافـي ارضاً خلا لو مابها لقمـة العيـش.........اخير مـن رزق عليـه اختلافـي والرمز يكفي الحر والخاتمه ويـش.......اقبل تحياتـي وانـا شـاب قافـي ورد عليه الي في مشاركتك مقطع منها السديري رحمه الله ويقول يا طير ياللي بالسما تنفض الريش ...............................اللي تهز اطراف ريشـك خفافـي ياللي نهضت الصبح وقت المغابيش.............................وقت الصباح وكلاً ابصر وشافـي اعطيك سـراً مخزنـه بالنشانيـش...................................وانحر رشيد ولـك بـداره ملافـي رشيد مـن ربـع عـداة مداغيـش......................................وصـل سلامـي للعديـم السنافـي قله عرفت اهل القلـوب المغاشيـش.................................اللي عصوا باللـي ثمانـه رهافـي زين الصباح منقش الخـد تنقيـش......................................عين العنود اللـي تـرب الشعافـي برقاً يفوتك لو مزونـه مراهيـش.....................................لا تستخيل امطـار سحـب مقافـي العام قلت ازهم هل الخيل والجيـش...............................اهـل البيـوت موسعيـن الرفافـي ليا غـدا فعـل المراجـل تناويـش......................................افعال هـم مثـل الفنـر بالكشـافـي وقلوبهم للضيـف دايـم هشاهيـش..............................وعدوهـم سقـوه سمّـاً زعـافـي دور مع الاجواد ضافي العكاريـش............................وابعد عن اهل الكيد والستر ضافـي رزقاً ورا الانذال جوع وعراميـش................................والشرب منهـم يالزلامـي عيافـي اجزم وشم واعرض وبعد عن الهيش................................ما فيه كود الشوك مثـل الشلافـي فيه العقارب والافاعـي محانيـش..............................والفعل وسط قلوب الشـرار خافـي وليا عصوا مالك بنجـد مهاويـش................................شرعـاً وسيفـاً للشريعـه لحافـي راحت سنين الخيل مع حزّب الجيش.............................وهذي سنينـاً يالزلامـي عجافـي رشيد اهل خلك ترى عندهم طيـش.............................ويفرقون اهـل القلـوب الولافـي وسلامتكم:) |
| الساعة الآن 10:47 PM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.