لكي تعرف متى سوف ينزل السوق وتاخذ سهمك بسعر اقل من سعرك السابق.......للاطلاع
 

اخواني اعضاء تداول الخير

السلام عليكم ورحمه الله وبركاته جميعا

اغلاق السوق اليوم الثلاثاء 23/5/2006

القيمة المتداولة 13,564,302,532.00
الأسهم المتداولة 247,189,768
عدد الصفـقات 352,709
الشركات المتداولة 80
أسهم ارتفعت 73
أسهم انخفضت 6

مؤشر السوق الرئيسي 10,367.45 (+ 219.72 )


نريد ان نعرف وجهات نظر جميع الاخوان هنا
ماهي نقاط المقاومه القادمه ومتى البيع للشراء من تحت


وجهات نظر لتنوير الطريق للجميع ولا يتعدى الموضوع كونه وجه نظر فقط

تقبلوا تحيات اخوكم/

المغامس

مشكله سوقنا في الفتره الحاليه خاصه مايعترف بشي اسمه تحليل ...لادعم ولامقاومه ولاحتى مقاطعه

تبي النصيحه الفتره الصباحيه اول نص ساعه راقب الاسهم وبعدين طب وتخير واقنع بالربع والنص وشفلك هم سهم ثاني المهم لايقفل السوق الفتره الصباحيه الاوفلوسك عندك ...الفتره المسائيه مثل الصباحيه والمهم لايذن المغرب الاوفلوسك عندك ...وان شاالله تعين خير

بارك الله فيك

واريد ان اعرف رائك حول توقيت البيع اذا كنت تملك اسهم او توقيت الشراء اذا كنت لاتملك اسهم في الوقت الراهن

اشكرك لحضورك

انا عكسك تماما مايقفل السوق الا ومعي اسهم مستحيل اخلي معي كاش

لاني انتظر قرار مثل السابق ويعطيك السوق 3 نسب فوق اقل شي وبعدها تموت من القهر اذا فلوسك معك

اعرض من فوق واخذ من تحت اذا تمت العمليه وفي بعض الاوقات اخذ باعلى من سعر بيعي

ولكن الان من يوم يعطيك السهم في الوقت الراهن 5% ابيع واطلبه 1%

وانت وحظك

مشكور اخوي مؤشر الشمال

ماني بعيد عنك اسوي مثلك لكن المشكلة لدي ان دريهماتي قليلة واذا عاكسني السوق وهبط نسبة تعلقت وجلست اتحسر لامعي سيولة ولااقدر ابيع بخسارة

بصراحه حبيبنا المغامس

انا اعتمادي على الله ثم على مراقبه السهم مراقبه دقيقه
اول اشي مااراقب إلى سهمين بس لاغير لا اكثر ولا اقل + مراقبه المؤشر العام ومستفيد كثر من العمليه هذي

اشتري السيارات تحت ال37 36 وبيع على 40 42 طبعا مع مراقبه كميات البيع والشراء


انا عارف بالعمليه هذي انا نفسي اعرض سهمي لمقاومه عنيفه ودعم هم عنيف

مو لاني هامور :) لان الكل يسوي كذا بسيولته الانتهازيه خذ 20 إلى 25 بالميه وانحاش طلع السيوله الكل يطلعها معاك مره وحده ينزل السوق يبداء الشراء ......




كل هذا فظل من ربي


طبعا مع متابعة نفسيات المتداولين (مهم للغايه)



من النهايه انا ماعندي قاع ولا عندي سقف

انا عندي اضارب كل اسبوع اكد لي 20 30 بالميه وفلوسي بمحفظتي <<<<---- سيوله انتهازيه بالاحرى

انصحك نصيحه لوجه الله

لازم تخلي كاش مهما قل

على الاقل 15% من المحفظه سيوله

حط عينك على سهم واحد تعرف مساره وتراقبه

لأن السوق يرتفع كله وينزل كله

فمالها لزوم تشتري في اكثر من شركه وتدوخ راسك

على الاقل في الفترة الحاليه لين يستقر السوق

كلما ارتفع السهم بيع جزء

زاد وارتفع بيع جزء

نزل اشتري بجزء

ارتد وارتفع شويه بيع جزء

وزي كذا راح تكسب

مهما نزل السوق يكون فيه ارتداد بسيط ويرجع ينزل

فأنت بالكاش هذا تشتري في نفس السهم اذا نزل

وفي نفس اليوم لازم يرتد شويه وبيعه

منها تكسب ومنها تقلل مستوى الشراء لو ان السوق في نزول

تحياتي واسف على الاطاله

:613:

جزاك الله خير ونفع بك وبعلمك