|
اريد اجابه .......؟
مساء الخير على الجميع
اريد اجابه عن اسهم امتلك فيها باسعار عاليه وهل ابيع أو انتظر وهي: ( اللجين __ الكيميائية ____ مبرررد) اريد نصيحتكم لين ولكم جزيل الشكر اختكم بنت السحاب |
مساء الخير ... وجهة نظري عدم البيع الان ... اتركها شهر بعدين حاولي تبيع من كل شركة نص الكميه واستفيد من المبلغ للمضاربه ...
بشكل هذا تقلص الخسارة باسرع وقت ممكن ... قلت لك بعد شهر لان أتوقع تكون الاسعار أعلى من كذا بحول الله وقوته تحياتي |
اعانك الله اختي الكريمه
يجب توضيح حالتك كامل السيوله بالسوق ولا لا اسعار الشراء بصراحه مبرد لفت نظري من الاسبوع الماضي اتوقع يستمر عطاء هالاسبوع مع ان فيه تصريف اللجين بصراحه عن نفسي غير مقتنع فيه ولا اتابعه:( الكيميائية كذلك لا اتابعها == عموما انتظارك لااسعارك السابقه اكبر غلط بالذات لو كانت عاليه جدا ممكن بيوم ترجع لنفس الاسعار بس متى؟ طيب ليش مو تمشي مع السهم اذا طلع بيعي واذا نزل اشتري تتقلص خسائرك تدريجيا ماعرف يمكن الاخوان يعارضوني ويقولوا لا للبيع مجرد اجتهاد شخصي من اخوك واتمنى افدتك وفقك المولى |
لالالالالالالالا
للبيع ولكن ممكن نبيع لجين ونضارب بدراهمها يومياً وبعدة عمليات حتى يقضي الله أمرً كان مفعولآ |
لالالالالا للبيع ابدا
الكيميائية اليوم مطلوبة علي النسبة فوق المليون ... و راها علوووم قوية مبرد شارتها يقول رايحة 75 ان شاء الله اللجين فيه اخبار قويه عنها و تدبيلة ليه تدبيلة ما ادري بس هذا المصدر يقول لا تسئلني ليه ... و انا ناوي ادخلها بكامل السيولة و اريح راسي ... |
اقتباس:
متى ابيع ؟ اليومين هذي او انتظر الي شهر مثل ماقال الاخ من فريق المتابعه اليوميه ؟؟ وشكراً للجميع :613: |
اقتباس:
عموما القلاصي ثقه واخ نعتز برايه ولكل انسان طريقة ولكن مهما صعد اي سهم لابد من منطقة راحة وجني ارباح ولقط انفاس راقب اسهمك بعناية اخي الكريم |
مساء الخير اختي
اولا اذا كنتي تملكين سيوله فأعتقد ان يوم غدا اخر مهله للتعديل واذا لا تملكين سيوله انصحك بمتابعة سهمك بعنايه واستفيدي من الماضي بمعنى اذا طلع سهمك لاكثر من يوم وابتدى يجني ارباحه انتي بيعيه ولا تقولين انا خسرانه 80% لان اكثر شي يهمك الحين هو كم سعر السهم على الشاشه وليس كم شريت السهم في السابق اذا كنتي خايفه ان السهم بعد ما تبيعيه يمكن يعديك وهذي مستبعده اذا كنتي موجوده كامل وقت السوق المهم بيعي نصف الكميه وعندما يرتد السهم صعودا الى اعلى بأمكانك ان تشتريه وبذلك تقللين من سعر مشتراك على العموم انا انصح بتبديل المراكز في حال بطئ احدى شركاتك والسوق مليء بالفرص مبرد كان الاسبوعين الماضيين حركاته تبشر ان هناك صعود قوي اتمنى ذلك اللجين سهم بعد خروج السهم من القائمه النقيه ( اعتقد بيفقد بريقه) كسهم مضاربه الكيمو معشوقتي وهي شركه متميزه في انتاجها ومشاريعها الداخليه والخارجيه ولو يسلم السهم من مضاربه صدقيني اتوقع انه اول شركه تعود للهاي السنوي استفيدي من تذبذب السهم في حال استقر السوق ارجو ان اكون وفقت في الطرح تحياتي ذراع البوصلة |
الشي اللي يلطف الوضع ان الخسارة على الجميع يعني المصيبه هينه
بالتوفيق للجميع |
| الساعة الآن 08:30 PM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.