منتديات تداول - اين قضيت اجازتك هذا الصيف

السلام عليكم
علوم الشباب انا مشترك جديد وحبيت اشارك وارد على الاخhope
اول شي انا قعدت في النمسا 9 أسابيع تقريباً من 1/6 الى 6/8/2003
كان عندي دورة تدريبية تبع العمل في فينا, طبعاً افتريت النمسا فر
يا طويل العمر للاجابة على استفسارتك:

سعر التذكرة على طيران الخليج 2300 ريال بس اتوبيس
يعني الذهاب كان الرياض-بحرين انتظار 8 ساعات طبعا يعطوك فندق على حسابهم-فرانكفورت-فينا.
الرجوع فينا-فرانكفورت-بحرين-مسقط تنام ليلة على حسابهم في فندق-رياض
بس ان هذي ارخص تذكرة ممكن تحصلها.

اللغة النمساوية هي اللغة الالمانية (يتكلموا الماني زي الالمان بس بلهجة ثانية يعني في اختلاف شوي زي الاختلاف الي بينا وبين اللهجة الكويتية)

تشتهر طال عمرك باشياء كثيرة جداً بالطبيعة الغناء جنة الله في ارضه وعندهم موية كثيرة جداً راح تحصل كباس موية في كل شارع وتدري ان الناس هناك يشربوا من الكباس حق البيت سبحان الله تقول تشرب موية من برادة باردة ثلج.
طبعاً في فينا ممكن تروح : حديقة الشانبرون بالس, شارع كارنتر ستراسا وهو شارع السياحة الأول عندهم احلى من الشانزلزيه, تروح على ضفاف نهر الدانوب مليان مطاعم وكوفي شوبات و(مراقص بس تفتح في شهر 7,8), طبعاً بالاضافة للمتاحف الكثيرة الي عندهم, وعندك ايضاً قرية المطاعم في راثيوس الي ما تفتح الا في شهر 7,8 عبارة عن اكشاك مطاعم كل مطعم عليه علم دولته يبيع اكلاته الوطنية طبعاً مافي دول عربية وانا اوصيك بالهندي عليه برياني مو صاحي بس دسم شوي والمكسيكي زين بعد , طبعاً وفي ساحة المطاعم يوجد ساحة كبيرة مكشوفة فيها الف كرسي امام شاشة سينما على القصر يعرضوا فيها انواع الاوبرا. طبعاً في كل حارة وبدون مبالغة راح تلاقي كوفي شوف الميزة الحلوة بعد انك ممكن تطلب شاي او قهوة مثلاً وتقعد اليوم كله محد راح يقومك طلب واحد بس واجلس عشر ساعات.

شف طال عمرك روح محطة القطار في ويست باهنوف واقطع تذكرة قطار الى زا لامسي (zell am see) سعرها تقريباً60يورو ويقل السعر كلما زاد العدد, التذكرة صالحة لمدة شهر ذهاب واياب في اي وقت تبي تركب مو لازم حجز مقاعد, طبعاً من فينا الى زالامسي القطار راح يمر بعدد من القرى نصيحتي انك تنزل في سالزبورج يومين او ثلاثة طبعا سالزبورج مدينة جميلة جداً فيها قصر هتلر وهي مدينة الموسيقار المعروف موزارت يعني مدينة عايشة في الموسيقى طول الوقت , على فكرة قبل سالزبورج في قرية نسيت اسمها تنزل فيها وتطلع الجبل الى اكبر كهف جليدي في العالم شي مو طبيعي الموضوع يبيله من خمس الى ست ساعات وبعدين ترجع للقطار تكمل لسالزبورج. ثم الى زالامسي وما ادراك ما زالامسي هي عبارة عن مصغر جنييف سبحان الله جنة بحيرة محاطة بجبال خضراء شفت فلم كارتون هايدي ابد كانك عايشة كل الي في المدينة او القرية شياب او متزوجين جايين يقضوا شهر عسل هدوء مو صاحي والفنادق رخيصة طبعاً في رحلات للجبل عن طريق التلفريك ومن ثم باصات تدورك على سبع بحيرات شي ولا في الخيال خضرة وماء ووجه حسن:).نصيحتي انك تجلس في فيننا خمس ايام وفي سالزبورج يومين او ثلاثة وفي زالامسي يومين او ثلاثة.

طبعاً المواصلات احسن شي الموصلات العامة تعتبر الموصلات العامةفي فينا من افضل الموصلات في العالم بتذكرة واحدة تركب الباصات والمترو الي فوق الارض وتحت الارض (باصات وترام واوبان وترين)كل شي في الخريطة بالحارة مافي امل تضييع
سعر التذكرة اليومي 4.50يورو
الاسبوعي 12.5 يورو
الشهري 45 يورو
طبعاً ممكن تتنقل بالتاكسي بس ما انصحك غالي شوي طبعاً بالعداد مافي امل يغشك.

عملتها اليورو ..... لا تاخذ دولار ولا ريال راح يقهروك بسعر الصرف نصابيين

شف بالنسبه للاكل ماكدنولدز وبرجر كنج سعر الوجبة 5 يورو
في مطاعم تركية وهندية سعر الوجبة من 7 الى 15 يورو
شاي كابتشينوا من 3 الى 6 يورو حسب المكان
الفنادق من 60 الى 250 يورو (متوسط الفنادق الزينة100-130يورو مثل ريجين
الشقق سيئة جداً مع الاسف في فيينا

ان شاء الله اكون فدتك هذا الي يحضرني الان