لا يلدغ مؤمن من جحر مرتين..قصيدة من أيام مايو (الأبيض)
 

لأن العبرة بالعاقبة, أسميته مايو الأبيض..
و لمن لم يشهد ذلك اليوم..أذكره بهذه الأبيات التي نشرت فيه..
حتى يتدبر ويتعظ...
و يعرف أن من احتفظ بأسهمه في ذلك اليوم حتى الآن..صار من هوامييييييييييير السووووووووووووق



ياسلام الله على مكه وطيبه والجماعي
.............................. عد وبلٍ هلت مزونه وأنا عيني تخيله

مرحبا بالكهرب إللي فز من مرقده واعي
..............................شال حملٍ فوق حمله واضحت حموله ثقيله

وش نرقع في ( الغذائي) صارت شقوقه وساعي
.................................... شف (لجين) اليوم شارد رافعٍ بيده شليله

ماذبحني ياجماعه غير( صدقٍ) و( الصناعي)
.....................................والزراعي مانفعني صار طعمه حنضليله

و( المواشي) في الصحاري ضايعه من غير راعي
.......................................يا عسى ربك يسهل للمؤشر من يشيله

المؤشر لانزل ياخوي يكسر لي ذراعي
.......................................والنسب يومن توالت زادت الحمى مليله

حسبي الله ياجماعه راح مجهودي وضاعي
......................................كل ما أملك راح لحظة مابقى00 غير الفشيله

ليت من هو قبل مده ( صفا) محفظته وباعي
......................................كانا أنا سالم وغانم ماغدت نفسي عليله

والتشكي والتبكي عارفٍ مافيه داعي
.....................................ليه انا امشي في الغداري مامعي فيها دليله

مالقينا من يجاوب مالقينا من يراعي
......................................ضاعت الطاسه وكلٍ ماعرف من هو قبيله

ماسمعنا اللي يصوت ما سمعنا اللي يداعي
...................................... مالقينا في زمنا فارسٍ زبّــــــــــن دخيلــــه

ياكثر من راح فيها علقت هم بالكراعي
......................................وكل شخصٍ طاح فيها مالقى إللي يرتكي له

لاتعجل في أمورك لاتجيها بإندفاعي
.......................................التأكد والتركـــــــــــــــــــد مامثلها من وسيله

والمصيبه كان حلت ما يغطيها قناعي
.......................................ول ياحظ التعاســـــــــــــــــه دنيتي دايم بخيله