هدية : للغالي الــذيب "ابومشعل"
 

قصيده جيده تستاهل الواحد يعطيها من وقته شوي

لنوف بنت شطيّط العتيبي



المرجله

إذا المراجل لبسة شماغ وعقال




قل للعذارى يلبسنّ العمايم




ما عاد يفرق زول حرمه ورجال




دام الفعايل تشبه البعض دايم




المرجله ما هيب كلمه وتنقال




وتروح ما راحت هبوب النسايم




وإلا خشونة صوت أو رفع الأثقال




أو رزة صدور وفعل الزلايم




ولا هي بعد مفتاح موتر وجوال




وإلا ردى لسانن حديثه شتايم




المرجله شيمه عن القيل والقال




رفيع نفس (ن) حر بالجو حايم




المرجله عقلٍ وزن وزنه جبال




ودون العقل وش فرقنا والبهايم




يا مسندي لو مايل الوقت بي مال




يا ولد أبويه يا عظيم العزايم




يا معرب الجدين من العم والخال




يا نخوة المفزوع وقت الهزايم




المرجله يا خوي هي طولة البال




هي العزم هي الصبر فالظلايم




فيها الكرم عزه دله وفنجال




فيها الكرامه عن ردى الطبع شايم




والدين لامنه خذا القلب منزال




مشى طريق الحق وابليس نايم




ومن لا عرف ربه في طيب الحال




لابد وقت الضيق بالهم هايم




حتى صلاتك مع جماعات ورجال




في خيرها يا خوي نعم الغنايم




ولامن نصف ليلك قم صفي البال




يا عظم أجرك بين ساجد وقايم




ولا من رفع ربي له كل الأعمال




حسن الذكر لا قالو فلان صايم




وخلك شريف القصد يا طيب الفال




سوء المقاصد فالبيوت الهدايم




واحذر تبيع النفس في دب الأنذال




وتتبع خوي إبليس راع النمايم




النفس خيل لك إذا كنت خيّال




ومن لا قوى نفسه قوته الهزايم




ولا صرت ما تدري لو يش أنت رجال




والله خسارة فيك ذبح التمايم

------------------------------------------------------------------------------------

جميع اوصاف المرجله والاوصاف الحميدة تنطبق عليك بدون مجامله

صح لسانك ولسانها يابو بدر

يعطيك العافيه يالحبردي
بالتوفيق

يستاهل ابو مشعل

ويستاهل من اهداها

يستاهل حبيبنا


رائع يابو بدر
لفتة جميلة

يستاهل أبو مشعـــــــــــــــــــل كل علم طيب

تسلم اخوي الغالي ابوبدر

وماعليك زود....وصح لسان الشاعره.


تحياتي ومودتي

اخوك : ابومشعل.