|
يا جماعة سؤال مره محيرني بالسوق السعودي تحديدا !!! .. ادور اجابة ؟
بسم الله الرحمن الرحيم
الله يسعد اوقات الجميع بكل الرضاء والخير يا اخوان واخوات خبراء او مجربين او مستثمرين او من هو جديد بعالم الاسهم ... واعتبروني اولكم .. سؤال مره مره مره .... محيرني . . . . وبكل امانه ما لقيتله جواب شافي و وافي (( واقعي ومنطقي )) !!!............. السؤال هو ........... دائما اقراء واسمع واشاهد بان مضارب السهم يود بتحريك السهم !!!! مضارب السهم لا يرغب بتحريك السهم !!! مضارب السهم (((( وعدنا )))) بالسعر الفلاني !!!! مضارب السهم (((( تزاعل مع زوجته ))))) وبيضغط السهم تحت !!! مضارب السهم (((( تراضى مع زوجته ))))) وبيرفع السهم فوق !!! مضارب السهم (((( خارج المملكة ))))) وبعدها بقولكم وش يبي !!! مضارب السهم ما يبي يحركه هاليومين .... (( خخخخخخخخ طيب ليه ما يبي ربح ؟ )) . مضارب السهم ... مضارب السهم ... مضارب السهم ... مضارب السهم ... مضارب السهم ... مضارب السهم ... مضارب السهم ... مضارب السهم ... مضارب السهم ... مضارب السهم ... مضارب السهم ... مضارب السهم ... مضارب السهم ... مضارب السهم ... مضارب السهم ... السؤال: ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ من هو مضارب السهم ؟ ............. اي سهم كائن من يكون لان هالمصطلح اسمعه واشوفه اذا نقز السهم فوق او نزل تحت ........ خخخخ اما اثناء التجميع فلا ارا او اسمع اي شي !!!!!!!!!! اكرر بصيغه اخرى من هو مضارب السهم ولو بعيد وارجع لبعض مواضيع الكثير لقرءنا جميعا كلمة (((((((((((((((((( مضارب السهم ))))))))))))))))))))) طيب على اي اساس اطلق كلمة مضارب السهم ؟ !!!!!!!!!!!!! طيب مضارب السهم ذا شرا على اسعار محدده فلنضرب مثل 100 ريال ودخل 50 مليون مثلا واكرر مثلا وتخيل 50 مليون مع قرابة ال 2 ترليوووووووووووووووووووووووووووووووووووووووووووووو وووووووون ونص وش تعنى ... قسم بالله ما شرا على سعر 100 الا يبي اذا (((( مصطلح مضارب السهم )))))) ارتفع السهم يبيع ... طيب السهم نزل وين المضارب ؟؟؟؟؟؟ !!!!!!!!!! خخخخخخخخخخخخخخ قالوا قديما في المثل يبي يجمع طيب اذا يبي يجمع ليه يدخل بسعر 100 ليه ما دخل بعد النزول بسعر 90 وجابه الارض لسعر 60 وبعدها يبدا يجمع ....... !!!!!!!!!!! والله هالموال لو بطول به لاحط مدري كم صفحه . اخر شي بهالموضع اللي بديت احس باني قمت اخور بالتعبير ... وهي عوائدي بترتيب المصطلحات والافكا ر .. من هو مضارب السهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انا اول يوم ادخل بالسوق حق الاوراق الماليه لا سعودي ولا فرنجي ولا غيره يا جماعه دلوني ؟ كيف اعرف المضارب ؟ واذا عرفته هل انا صاحب ارباح ؟ طيب اذا ما عرفته (( ان وجد اصلا )) هل انا خسران دائما ولازم اقبل ايدي الوهم عشان اربح (( مضارب السهم )) . السؤال الاخير او بمعنى اخر الاستفسار الاخير لان كل هالكلام ورا سؤال واحد ماهو الفرق بين مالك السهم او ملاكه(( ماعدا بعض الشركات الخاصه بسوقنا السعودي )) والفرق عند مصطلح مضاربه الذي ياما وياما قريته ؟؟؟؟؟؟؟؟؟؟ انتظر الاجابات لاهميتها بقتل الاشاعات وبعض المصطلحات الغلط لدينا انا قبلكم . اخوكم ابو شوق |
يا اخوى ماعرفنا نقرا لو كانت الكتابه بشكل عادى
الله يجزاك خير |
والله يابو شوق مضارب السهم اللي اعرفه انه مو المقصود به فرد ممكن تكون مجموعة أو جهة كصندوق استثمار
وهو مين ركز سيولته كلها على السهمواخذ بأسعار من وإلى وكل نزول اشترى وكل طلوع جمع وباع اعلى بوالتالي هو يتعامل مع السهم كسلعة يعني ممكن يعرض بسعر رخيص عشان يجمع اللي في السوق وممكن يعرض بسعر اعلى عشنا يطمع الناس بالدخول وبالتالي تعتبر كدعاية للسهم مستند في ذلك على متوسطات سعرية جيده والله اعلم وجزاك الله الف خير على الموضوع الحلو دا بس الخط عدمنا كبييييييييييييييييير بالحيل |
اقتباس:
|
هو شخص اومجموعه اشخاص لديهم القدره الماديه واليات التنفيذ فى التحكم والانفراد بسهم بعينه وذلك بامتلاك نسبه كبيره مؤثره على اتجاه السهم بالصعود او النزول يجمع خفيه على المتداولين بكميات محددوده لفتره زمنيه واذا اكتمل العدد المحدد اعطاء الاشارات او جند الابواق ثم بدات عمليه رفع السعر والتصريف علينا |
ابو شوق
مضارب السهم حقيقه مؤكده كل سهم له مضارب يجمع بسعر معين ويبيع بسعر معين يعني لو فيه هامور او محفضه بنك رصيدها 1 مليار وبكامل سيولتها بالسوق هل تتوقع ان تكون موزعه بالتساوي على جميع الاسهم طبعااااا لا راح تكون مركزه على سهم او سهمين ويكون جامع بالسهم با اسعر متدنيه مثلا 90 ريال با اكثر من ثلاثه ارباع المحفظه والربع الباقي يسحب فيه السهم الى اعلى طبعا مع مساعديه الى يطلق عليهم (القطيع) وهم صغار المساهمين الي عندهم توصيات من مضارب السهم ومطبلينه ويرفع السهم بها السيوله الباقيه والناس مع الخيل يا شقرا اذا شافو سهم طلع لحقوه طبعا في ها الحاله ما احد يقدر يرش السهم لانه ما يملك فيه كميات كبيره الا مضارب السهم ويستمر السيناريو وتخدم طبعا ببعض الاشكال الفنيه طبعا مثلك عارف كوب وعروه والا قدر وملاس او شموع مولعه ورلا همر طالع وباقي ها الشغلات هناا........................................... نصل الي مرحله تصريف جزء من المحفظه على اسعار اعلى مثلاااا 150 ويجني السهم ارباحه ويسوي شكل فني رهيب وترجع التوصيات وتبدا الهيلمه الاعلاميه خصوصا اذا كان عند السهم خبر معين ولو ان هذا الخبر مو مررره ويبداء رحله جديده حتى يصل الي سعر يرى فيه مضارب السهم انه تشبع وخلاص السهم ما عاد فيه حيل يطلع مثلااا عند سعر 250 يبداء الرش والتصريف حتى تنتهي كميه واحتمال دخول محفظه جديده اومضارب سهم جديد فيه على ها الاسعار وخصوصا اذا كان مدعوم بخبر جايز وتستمر العمليه حتى يئتي الانهيار ويروح فيها المساكين الي ما يدرون وش الطبخه والامثله على كثيره قبل 6 او 7 اشهر على ما اظن ارتفع سهم شمس من 200 الى 500 تقريبا بتطبيل من احد الغرف في البالتوك وبعدها نزل تقريبا 250 ريال وكان مضارب السهم في الغرفه وهو الي يقولهم انه ماراح يبيع الا على ال600 ولاكنحصل الي حصل بعد نزول السهم وتعليقت خلق الله رجع يعتذر ويوقول ان اخوه توفى خارج المملكه وانه اظر الى السفر وترك السهم ولاكن بعد ايش وش اقولك وش اخلى الامثله كثير والشواهد اكثر اسف اسف على الاطاله |
أكبر ميزة عند مضارب السهم وأهم نقطة هي
التحكم في اعلانات الشركة بالاتفاق معها وهي سلاحة الرئيسى وفي حالة دخول مضارب على الخط برأس مال عالى للتحكم في السهم أو توجيهه بدون إذن المضارب يستخدم سلاح الاعلان فورا والشفافية مثل ما حدث بالتعمير وصدق هذا جزء من القضية |
اقتباس:
|
إنه الآخر يا أبو شوق
أخي العزيز وأستاذي / ابو شوق
شكله هالموضوع ما زال عالق معاك ، ولا ألومك لمعرفتي بنبل هدفك من السؤال وما تطمح له في أن يكون منتدانا منبر لتعليم الأسس والمفاهيم الصحيحة للتعامل بسوق الأسهم . وبالنسبة لسؤالك فمن وجهة نظري لا يوجد هناك ما يسمى بمضارب السهم من الناحية المادية كشخص وإنما هو مصطلح يراد به الرمزية للآخر وهو في هذه الحالة يكون أي شخص آخر يملك في نفس السهم ، وفي بعض الحالات يكون المقصود الشخص أو مجموعة الأشخاص ممن يملكون كميات كبيرة من أسهم شركة معينة ويستطيعون من خلال تلك الكميات ممارسة نفوذهم على حركة وسعر ذلك السهم في حال أن وضع السوق ساعدهم على تحقيق أهدافهم المحددة مسبقاً . وتقع على هيئة سوق المال مسئولية إيقاف مثل هؤلاء ومنعهم ، وأعتقد بأن الهيئة قد حققت الكثير من النجاح في ذلك مؤخراً . |
مبدع
اجل راعي المصافي راضي عنها حتى الثماله وراعي حايل ضاربته حتى ادمت راسه |
| الساعة الآن 08:04 PM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.