منتديات تداول - هل نتعلم من أخطائنا؟ ما تكرر معك نفس سيناريو تعليقتك السابقة؟

بسم الله الرحمن الرحيم

الحمد لله على كل شي

قبل كل شي تأكدوا ان رزقك مكتوب لك قبل ما تفكر تدخل سوق الاسهم عشان كذا لا يضيق صدرك ابدا:)

بس الملاحظ يالغالين ان اخطائنا تتكرر بشكل غريب جداً..
أتكلم هنا عن المبتدئين بالذات!!!

كل واحد يسأل نفسه هل تعلم من أخطائه السابقة؟
كم مره شريت سهم وطلع معك بشكل كبير وكسبت على الورق الكثير والطمع ما خلاك تبيع وبالتالي نزل سهمك لأقل من مشتراك؟!

أتذكر في مايو اللي راح كنت مراهن على سهم الكابلات, وشريته ب 160، وصبرت عليه لين وصل ل 212(52 ريال مكسب) ومع ذلك طمعت، رغم اني محدد سعر البيع قبل ما اشتريه ب 200، لكن الطمع اعماني، والمشكلة استمريت اتفرج على السهم ينزل لاني اقول صعبه ابيعه بالنسبة تحت وهو محقق 212 رغم انه مازال مكسبني، وكابرت لين وصل لراس مالي وبعته ب 160!
طيب هذي غلطه وغلطتها السؤال تعلمت منها؟! لا لاني شريت الكيميائية قبل فترة ب 313 وطلع السهم معي ل 369 ونزل اليوم ل 279 ولا بعته؟!

طيب تذكرون الطيحات وش اللي كان يسبقها؟
كان حجم التداول يكون عالي ولأيام متتاليه، ورغم انه وصل قبل كم يوم ل 26 مليار وكان الاسبوع اللي راح ينفذ بمبالغ تداول كبيره ومع ذلك ما لاحظنا ذا الشي؟!

أشياء بسيطة كان المفروض نلاحظها ونستفيد منها في المستقبل بس للاسف ما نتعلم من أخطائنا!
طيب أخيراً أن من الصيف اللي راح تعلقت باللجين وسيسكو وثمار، وكنت اقول للي حولي توبه ارجع للخشاش خلنا بالعوائد وترتاح نفسياً حتى لو طاح السوق، وانتظر لين تفك تعليقتي، ولما فكت تعليقتي تخلصت من اللجين لكن رجعت وشريتها ب 250 واشوا صرفتها، وسيسكو صرفتها لكن ثمار لا!!! ورجعت وشريت المواشي وضاربت بالخشاش، لكن الشي الوحيد اللي سويته صح اني شريت سابك وهو سهم يريحك حتى لو نزل السوق..
أخيراً كل واحد يقيم نفسه ويحاول يتعلم من أخطائه ولا يغره طلوع السوق القوي، ورحم الله أمرء عرف قدر نفسه ما يحتاج تدخل بالسوق وهو في حالة هيجان وتخاطر زي المحترفين..

أتمنى التوفيق للجميع:)