|
كيف تكسب مليون ريال من خمسين الف في اقصر مدة ؟
أخواني السلام عليكم :
اولا وقبل كل شي انا انسان احب التفاؤل واحب ان أرى الحياة بنظرة تفاؤلية وكما تعلمون ان دخول الشخص في عالم الاسهم يجعل فيه التفكير كيف يكسب بأسرع الطرق أكثر مالا . اخواني كما تعلمون من أساسيات الربح في عالم الاسهم : 1- الاعتماد على الله والخوف منه 2- التفاؤل مع وجود الحذر 3- اختيار الوقت المناسب للدخول والخروج من السوق 4- القناعه وعدم الطمع عموما لا اريد ان أطيل عليكم وسوف ادخل في صلب الموضوع .....( اسمحوا لي بالكتاية بالعامية ) : جلست في يوم من الايام افكر في وضع سوق الاسهم واستنتجت انه مثل حلبة فيها كمية فلوس تدور بين اللي جالسين في الحلبة والشاطر ( الكسبان ) هو اللي يخلي الفلوس عنده اطول مدة لاني لما اراجع كشف الحساب القى مثلا لو كسبت الشهر هذا مبلغ حلو في بدايته القى الخساير مثلا قريبة من المبلغ اللي كسبته بس متفرقة وما تحس فيها الا اذا سويت كشف حساب ( طبعا مو ضروري انه صحيح دائما ) نبي ناخذ مثال على لو انه معك 50 ألف ريال ودخلت فيها بالاسهم كيف تجيب منها مليون ؟؟؟لو عندك 50 ألف تقدر تجيب منها في شهر 2500 ريال ؟؟؟ اتوقع ان شاء الله انها سهلة اذن الشهر الاول انت كسبت 5% في شهر اول ما يجيك هذا المكسب لو اول يوم اطلع من السوق ( لا تجرك نشوة المكسب ) وراقب السوق المدة المتبقية لاختيار السهم للشهر القادم . الان معك 52500 !! طيب تقدر تطلع منها 2625 ريال اللي هي 5% من المبلغ ؟؟؟ لو كسبتها صار عندك 55125 ريال . الشهر الثالث ادخل ب 55125 تقدر تجيب منها 2756 اللي هي 5% من المبلغ ؟؟؟ ان شاء الله تجيب اذن اخواني يعني لو طبيت لك بشركة بعد ما درستها واقتنعت فيها مهما كان راس مالك ما تتوقع انها بتجيب 5% بشهر او مجموعة شركات مكسبك فيهم 5% من راس مالك اخر الشهر ؟؟؟؟؟ لو شركة قفلت نسبة كانك كسبت حق شهرين يعني المدة تقل !!!! اذا استمرينا على نفس المنوال بالصبر وعدم الطمع والاكتفاء ب 5% من راس ماللك شهريا وبديت ب 50 ألف فقط راح يكون عندك مليون بعد سنتين تقريبا بمشيئة الله بس خل الطمع واستخسار المكاسب خاصة خلال اول الاشهر العملية الحسابية كالتالي : 50000 * 1.05 * 1.05*1.05 *..................................*1.05 ( للشهر 62 ) = مليون ومائتي الف !!!!!!00!!!عموما هذا ما استطعت توضيحه واتمنى ان تكون مقنعه وان لم تكن فأنا سوف اكون سعيدا بقرائة تعليقاتكم ( مو التعليقة اللي خابرينها ) بصدر رحب وعقبال ما يصير كل واحد منا مليونير ومضارب شركة __________________ |
ماشاء الله عليك لكن قاتل الله الطمع
|
الله يوفقك ..... فيه حاجتين ضيعت الناس والمستثمرين خصوصا الطمع والاستعجال
الله يرزقكم وعن النار يبعدكم |
مصري من جد
|
اخوي عبدالله القويزان ........ مصري خطأ !!!!!!!! الصحيح حضرمي
شكرا اخوي fahad dddd تراني قررت انفذ تجربتك يعطيك الف عافية |
في عالم الأسهم لابد من الحذر .. لكن المشكلة أنه فيه ناس تحكهم يدينهم وما يقدرون يصبرون لازم يشترون من أجل أحلام الثراء السريع .. وهذا أكبر خطأ في سوق الأسهم .. دائماً التوكل على الله أولاً وثم الصبر وعدم الاستعجال في الشراء طريقك للنجاح .. والله الموفق .
|
شكرا لكم جميعا بس دعواتكم اخواني
|
صحيح اني قليل أرد ... لكن والله أعجبتني طريقة حسابك..
احساسي انك شخصيه هادئه.. ومتزنة.. ( ان سمحت لي اقول توقعي فيك ) صدقني راح ادرس فكرتك بجديه.. خصوصا واني مستجد بعالم الاسهم ( ما املك الا اكتتابات )... ومع قراري اني اجعل تداول الاسهم هواية .. وتوسعة صدر .. وتحريك للاموال الغير مصيريه.. فاعتقد اني راح اصل لنتيجة ما.. وموعدنا بعد سنتين ( ان كنا أحياء ) اخوك المــــــــــــ:) ــــــــــــــلهم |
اقتباس:
|
راااايـــــــــــــــــق
|
| الساعة الآن 03:52 PM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.