|
استنتج العبرة من صراحة الاعضاء
السلام عليكم جميعاَ
أود طرح سؤال لكل الأعضاء كل شخص منا دخل السوق بمبلغ معين يتذكره جيدا ومن الاعضاء من دخل السوق وكل شهر يسحب جزء من الراتب او المدخرات ويضع في السوق ومنكم من خرج من السوق بخسارة ومنكم من خرج بربح ومنا من توفي ومنا من يروي قصص الآباء ويتذكر مالذي حصل معهم وهنا السؤال للجميع هل أنت خسران في سوق الأسهم أو كسبان أم رأس مالك بيديك الآن وان كانت قصتك تستحق القراءة وتود روايتها أرجو منك روايتها كي نرى العبرة فالعبرة منكم أخوتي وعلى من تضع اللوم فيما أنت فيه الآن وان كنت ترغب في شكر أحد ان كنت من الرابحين وشكرا لكم قد تكون قصتك سبباَ في انقاذ فلوس الآخرين فلا تبخل بالرواية وشكرا للكل وخصوصا المتجاوبين :616: |
قصتي مع سوق الاسهم السعودي
أنا بعت بيتي بـ 975 ألف ريال ودخلت بالاسهم اول 7 شهور خسرت أكثر من نصف المبلغ عام 2008 بقي معي تقريبا 400 ألف ريال مسكت على المبلغ لان لا يوجد معي غيره ولو ضاع مافي تعويض ابدا وخرجت من سوق الأسهم واشتريت ارض بالمبلغ وفي عام 2012 شفت السوق طالع نازل وسعر الأرض ما ارتفع كثير يعني تقريبا ممكن يكون سعرها 450 الف بعت الأرض وقلت اجرب حظي لان المبلغ لا يمكن يشتري مسكن وضاربت بالمبلغ خسرت تقريبا مئة ألف في 11 شهر المهم بقي معي 300 الف ماسك عليها ادور لها مشروع علشان اصلح غلطة عمري وارجع اشتري بيت بعد كذه اشوف مؤشرات الاسهم ترتفع وترتفع حتى وصل المؤشر فوق 11 الف قلت بيني وبين نفسي وبدون اعلم اي احد خلني ادخل اجرب واشوف ممكن اعوض خساراتي وارجع افاجئ اهلي ببيت دخلت السوق وكان يوم ثلاثاء في عام 2014 واشتريت في بنك الإنماء وبدأ السوق بالنزول التدريجي ، خسرت أول يوم حوالي 60 ألف ريال وخرجت اشتريت سايكو بناء على توصية واحد ما يخاف الله كل يوم اشوف 20 - 40 الف ريال خسائر والـ 300 الف تنهار قدامي حتى يوم الأحد قررت اخرج من السوق تماما وافوض امري الى الله خرجت بمبلغ 90 ألف تقريبا وقررت اعتزال سوق الأسهم مدى الحياة وقرأت الكثير في المنتدى يقولون الاثنين ارتداد ارتداد قلت معقول في الخسائر ادخل السوق وفي الربح اخرج ؟ جا يوم الاثنين وقلت ابدا لا يمكن ادخل السوق وافتتح السوق على اللون الأخضر قلت كلامهم صحيح ولابد ادخل دخلت في سايكو مرة أخرى بسعر 39 تقريبا في نهاية السوق خسرت تقريبا 12 الف ريال طبعا السهم قفل نسبة وفي يوم الثلاثاء الأسود اللي هو اليوم نسب السهم مرة أخرى وخسرت 13 ألف ريال خرجت من النسبة باعجوبة واشتريت زين كان بـ 6.40 على ما أتذكر ونسب زين وخسرت تقريبا 2000 ريال حتى الان باقي من ال 975 الف ريال حوالي 50 الف رح اسحبهم بكرة ان شاء الله اسدد ايجار المنزل وبعض المصاريف والحمد لله رب العالمين تعمير إعمار |
قصتك محزنه يا أخي الله يخلف عليك ويعوضك خيرا من عنده
احس بسمع قصص تعور القلب ردد أنا لله وإنا إليه راجعون واللهم أجرني في مصيبتي واخلف لي خيرا منها وعليكم بالصلاة على النبي محمد والاستغفار والحوقلة وجميع الأذكار وصلة الأرحام وبإذن الله ربي بيعوضك خير وإذا كان والداك ع قيد الحياة فبر بهما والله لا يضيع الإحسان والبر بالوالدين |
دواء السوق الصبر الصبر ولا غير الصبر
مثال اذا اشتريت عمارة نفرض ب 3 مليونلن ياتيك مردودهاقبل مرور عام كامل وذا كان استثمارك جيد ستحقق رأس مالك بعد 10سنوات انا دخلت السوق قبل انهيار 2006 باشهر معدودة بمبلغ اقل من تسع مائة الف وانهار السوق وخسرت جزء كبير من المبلغ ولكن دائما يجب ان يكون لديك اضعاف المبلغ المستثمر في الاسهم والا ستعتبر مغامر بعد ذلك ادخلت اكثر من مليون وضاربت واستعدت راس مالي ثم حصل هبوط قوي للسوق باكثر من الف ومائتي نقطة وانا خارج السوق تماما واذكر انني اشتريت كميات كبيرة في المتقدمة بالعشرينيات وبعت جزء كبير فوق ال 50 بعدها حصل انهيار اواخر 2008 وبقي معي كمية لاباس بها بعت منها الف سهم للعبرة والذكري ب14ريال لاني عارف انها ستعود يوما ما لل50نات ثم بتحسن السوق جمعت كميات باسعار زهيدة في البحر الاحمر والبحري وغيرها وحققت من فضل الله ارباح جيدة ولان الاستراتيجية التي اتبعا في جميع الاوقات ان لا ادخل جميع اموالي في سوق الاسهم الاستراتيجيةالثانية ان لا ابيع سهمبخسارة مهما كانالا ماهو للمضاربة اليومية الاستراتيجية الثالثة الصبر الصبر والا ابتعد عن اسواق الاسهم |
اضيف الى ماسبق ضرورة تثقيف النفس في مجال الاسهم
|
نصيحتي لك المتداولين هو معرفة التحليل الفني للسوق وهو متوفر حاليا باليوتيوب
النصيحه الثانيه لاتتعامل بعاطفه مع الاسهم يجب وقف الخساره 3% النصيحه الثالثه حدد هدفك الشهري من الارباح فلنقل 10 % اذا وصلت لها خلك قنوع النصيحه الرابعه لاتشتت نفسك بمتابعة اكثر من ثلاث محللين النصيحه الاهم لاتدخل بكامل راس مالك 50% بالكثير |
اسمحولي بالمشاركه
والله العظيم ان الانهيار هذا عقاب من الله واذان وحرب منه على اهل الربا كل المنتديات توصي 90% على الشركات الربويه والمصيبه والاطم المجاهر بالمعصيه وفتح مواضيع تحرض على الربا الفتره الي مرت مواضيع بالعشرات في الشراء في البنك الربوي والاستثمار فيه او الاكتتاب والله توعد بالمحق والحرب والان ربي سبحانه يحاربكم ومن يوقف امامه الان وغير كذا قال الله سبحانه فيمن يرابي ويوصي على الربا انهم في النار خالدون يعني راحت افلوسك وفي النار خالد الخلاصة الواحد يوقف مع نفسة ويراجعها ويستغفر ويتوب اليه والي يشوف قصه اخونا تعمير إعمار تاخذه عبرة اغلب شرائه في شركات التامين وهي من الشركات المختلطه المحرمه لدخول قروض ربويه في راس مال الشركه غير تخصصها في التامين لايزعل اخوي تعمير إعمار اخذته كمثال نسال الله ان يعوضه دخول ومشاركتي هيا للامر بالمعروف والنهي عن المنكر وتقبلو كلامي بصدر رحب والي مايعجبه كلامي يرميه وراه |
النصيحة اللي تحس فيها اخلاص وصدق ماتنرمي اخوي عبدالرحمن الا اللي بيكابر ويتجاهل الواقع ويكون في هذي الحاله ظلم نفسه الله يتوب علينا وعلى الجميع ويعطينا على قدر نوايانا ومافيها من اخلاص وحب الخير ومرضاته سبحانه وتعالى .
السوق في الاونه الاخيرة جعلنا عصبيين المزاج واتمنى اي شخص زعلناه بشي يقدر الموقف ويسامحنا . والله يفرجها على الجميع |
الي يدور الثراء من الأسهم يحلم
الأسهم لعبة تلعبها بفائض مالك بدون تسهيلات وبدون أي التزامات او قروض او ضغط من احد في السنة كلها خذ لك صفقتين ثلاث بالكثير اذا قدرت تطلع 20% وفوق اطلع وانتظر فرصة أخرى ولو بعد سنة |
انا علمي خساير في خساير
الشركة اعطيتني دفعة اولى للبيت علشان ابني اشتريت ارض من قبل المهم اعطوني 300 الف البيت يبيلهم 450 علشان ابنيه عظم قلت ادخل السوق سريع اطلع لو خمسين الف استفيد منها لاني وانا برا السوق صاير محلل واتابع واعرف وكل اللي وصيتهم استفادوا المهم يالربع وربي امس اللي باقي في المحفظة حدود 95 الف عاد امس خربتها وعلمت المدام كانت بتنصرع قلت لها لازم ناجل البناء الموضوع فيه200 الف بغيت 50 اخذوا 200 |
اقتباس:
السوق السعودي بشركاته ال160 ماعدى 10- 15 ربما والبقيه رباء وازيدك من الشعر بيتين المساهمين قسمين : القسم الاول : يعمل ب بجهل ولا ينصاع للتحذير ويضارب ويبيع ويشتري باي شركه يعلم او لا يعلم الله اعلم به ولاكنه لا يتحرى ويحذر من المشبوه وهم يمثلون 3% القسم الثاني : يعمل بتقى ظاهريا وهو يضارب ويشتري باسهم السوق الغير مباحهه وعند محاجته يقول انا اطهر هو على كيف ابوك تطهر الرباء رباء ويحلل لنفسه ما يشاء لبعض الشركات المشتركه والمشبوهه ويقول نخرج عنها هلالات وووووالخ والحديث يقول اتقو الشبهات --- فقط شبهات -- قال اطهر طير يا شيخ وهذا منافق وهم كثر يمثلون 97% |
اقتباس:
جزاك الله خير على النصيحه !!!! ولكن ايضا هناك من خسر وهو ينكر الربا ولا يتعامل به !!!!!!!! ونعرف ان ما يصيبنا من مصيبة الا من انفسنا وليست فقط مقتصره على الربا -مع عظم الذنب - ويجب علينا كثرة الاستغفار والاقلاع جميعا عن جميع الذنوب .............. |
يعلم الله ما قصدنا ندخل أي مجال ربوي
ولكن استفتينا البعض وقال المضاربة في الشركات الربوية غير محرم ، وإنما الاستثمار فيها محرم وعلى هذه الفتوى دخلنا هذه الشركات وهي على ذمتهم ونسأل الله من فضله |
اهبوااا يالهوامير نهبوا 60 بالمية من ارباحي من السوق في العامين 2013 و 2014
اما راس مالي بحول الله تعالى يعقبون ماياخذون منه ريال واحد !!! |
الله يعوضكم خير اخواني.... بس الصراحه زينه ولا تزعلو.... من قراءتي لبعض التعليقات بالمنتدى هّذا وبعض المنتديات الأخرى اكتشفت ان اكثر المتداولين الصغار داخله سوق قمار فقط..... حط بشركه وشختك بختك او اتبع توصيه في منتدي من احد ما تعرف الا معرفه الوهمي...... وبكرا يوهقك
اخواني سوق الأسهم يبغا لها تحليل شخصي وقراءه ميزانيات وعائد ارباح وفطنه...هل احد من المحللين او أصحاب التوصيات توقع او قراء هذا الانهيار...... كلهم فشلو واولهم دكاترت الاقتصاد بالجامعات.... لا ننكر ان سعر البترول مؤثر رئيسي بالي صاير..... بس السؤال وين هالمحللين من استباق التنبؤ بالعاصفه ؟ بشهر سمبتمر اعلن زياده انتاج البترول الصخري لمستويات مرتفعه..... واخواننا المحللين بالمنتدي قاعدين يقولون كسر ودعم ومقاومه....وقاعدين عند الشاشه وحسابات.... يعني لو تمطر برا مادرو..... اخوي استثمر بسهم دسم وخل السوق يعصف او يشمس.. انت الرباحان لانه استثمار...او عائد......او نمو..... لا تتبع لا توصيه ولا خرطي..... اشتغل وابحث بنفسك واعرف أي الشركات اللي له مستقبل.... واذا ماتعرف كل هالامور اطلع من السوق...... هذي الشغله موشغلتك....... |
| الساعة الآن 12:17 AM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.