|
ارتكبت خطاء واريد شوركم
السلام عليكم ورحمة الله وبركاته
اول شيء الحمد لله والشكر على كل حال من طبيعتي مضارب يومي دخلت اليوم مضاربه مع عدة اسهم وبالاخير دخلت بنصف السيوله في المتطورة على 17.5 وارتفع السهم ووصل 17.90 عطيته امر بيع وقفلت المحفظه والان دخلت على المحفظه لغرض تحويل مبلغ على الحساب اكتشفت اني غلطان ومشتري بنصف السيوله الباقيه على 17.9 ومتوسط الشراء 17.7 والسهم اقفل على 17.15 وخساره قاسيه شوركم وهداية الله |
الله يعوضك خير ما عندي لك غير ما اصابك لم يكن ليخطئك لا تزعل ولا تكدر خاطرك ولا شئ ان شاء الله احد يشور عليك شوره يكون فيها الخير لك |
دايم تحصل معي ومره بابيع واشتريت قبل النسبه ب10 هللات وبعت على النسبه
طبعا تحت يعني خسران احسنوا النيه ابو جاسم يقول اليوم فيه خير السهم وانا نصيحتي اذا ارتفع عطه كميتك الاولى وعدل على الثانيه من تحت |
وعسى أن تكرهوا شيئاً وهو خير لكم. ما تدري .. يمكن خيرة!!
لكن بكره حاول تخفف نصف الكمية إذا وصل لسعر مشتراك. |
الله يعوض عليك خير ,,,, يارب يمكن خيره وانا اخوك ,,,والله ما اقدر افيدك بس انشاء الله
يفيدونك اخوانا في المنتدى معروف عنهم حب الخير والفزعه |
اقتباس:
خيره ومكتوبه لك ان شاءالله السهم مايخوف ومقاومتك بكره 19 مو شرط يجيبها والاهم اخوي 16 كدعم غيره السهم توه اعطا ايجابيه يوميه حبيت افيدك عن اللحظي لكن علق برو وما فتح الله يهديه |
الله يعينك.............
|
الله يعطيكم العافيه
وردودكم الطيبه بارك الله فيكم جميع احس مع اني خسران بالسهم لكن لم اخسر من فيهم الخير وحب المشوره |
هذا من مطبات الراجحي القويه الله يعوضك خير وانتبه هاليومين من تعليق الاوامر ولا قطعات النت |
يقولون بكرى فية طلوع وبعدة فية نزول اذا قدرت بكرى تبيع خير وبركة واذا ماقدرت اصبر ان الله مع الصابرين
|
وسع صدرك الشثري يملك 23.90 من اسهم الشركه وارقد وامن
الشثري ماهوب شاري ها الكميه الا وراه بلى والسهم حقه 35 وقيمته الدفتريه 20 |
يعني احنا اللي كسبانين
عندي لك راي عطني خسارتك واعطيك خسارتي خسرانين 10 ريااال في بعض الاسهم الله يخلف بس ويعوضنا وياااك وجميع المسلمين |
الله يعوضك خير وعسى أن تكرهوا شيئا وهو خير لكم
|
بس راح تتعلم انت مثلي مره بابيع فجاه اللا زادت الاسهم وش السالفه ياولد الا اني شاري
|
إعمل ورقة تسمى قوانين المضاربة في السوق ، وأكتب عليها قاعدة رقم 1 ، لن أترك الشاشة واقفل المحفظة حتى أتأكد من أن السيولة كاملة موجودة ولا يوجد اي أمر شراء
|
لعله خير لك و قد تشاهد السهم غدا يسعدك
|
أخي الكريم المتطورة سهم لا خوف منة وحاول التخفيف أثناء تداول يوم الثلاثاء عند أرتدادة والمضاربة على السهم أفضل طريقة للربح متمنياً لك التوفيق .
|
الله ويعوضك ويعوضها خير
|
ياخي كلامك متنافض
اول شي انت قلت شريت بنصف السيوله يعني عنك كاش وشريت بنصف الكاش وبعدين قلت بعت الاسهم وصفيت المحفظه وبعدين قلت بحول المبلغ واكتشفت اني شاري بمتوسط سعر وقدره وهذا يعني انك شريت مرتين وبعدين كيف مابعت والله ماني فاهم فهمووووووني تكفون |
اقتباس:
عوض عن ذلك طلب شراء بالخطأ , الاهم اذا لم تكن بحاجه لسيوله غير المضاربه اقترح عليك تجزئة الكميه الى اربعة اجزاء تبدأ ببيع اول جزء فى حدود متوسط سعر شرائك والربع الثانى فى حالة ارتفاعه اعلى من متوسط سعر الشراء حتى لو بقليل والبقيه فى حالة ارتداد السوق وهذا يتطلب الصبر وعدم اليأس حتى لو طالت المده لاستعادة خسارتك مع تمنياتى لك بالتوفيق والتعويض , |
| الساعة الآن 07:53 PM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.