جديد وابي النصيحه.....
 

السلااااااااااام عليكم جميعأ ورحمة الله وبركاته .اخوكم في الله جديد علا سوق الاسهم وابي نصايحكم الله لايهينكم ويجزاكم الف خير (المهم انا عندي مبلغ 60000ريال ودخلت السوق الاسبوع الماضي والي قبله في مجموعة اسهم والحين كل اسهمي خسرانه وابي منكم نصيحه لوجه الله ماذا اعمل .واليكم اسهمي وسعر الشراء[ هذي هي اسهمي المعجل شراء17.5 القصيم29.70ساب تكافل40.90 سند29.20 سايكو47.40 الاهلي تكافل79 الاهليه 56 اسيج46.80 الراجحي تكافل62 الخليجيه العامه 49 سولديرتي تكافل 30.20 عنايه 38 دار الاركان 9.30 اميانتيت 19.10

ما شاء الله تبارك الله0الله يعطيك خيرها ويكفيك شرها0اولآ:حدد نوع نشاطك مستثمر او مضارب او متداول نشط 0ثانيآ:خذ قرارك بنفسك وتحمل المسئوليه0 ثالثآ:تحرى الاسهم الحلال0 رابعآ: إصبر على محفظتك الحاليه والله بيغنيك إن شاء الله0

الله يبارك لك فيما أعطاك ... كما تفضل الأخ اللاسع بأن تحدد هدفك؟ مستثمر يعني يشتري أسهم وبعد ستة أشهر وأكثر إما يبيعها أو يتركها زيادة سنه ... المضارب هو الذي يشتري ويركز على شركتين أو ثلاث ولفترة أأيام أو أسابيع ثم يبيع إذا حققت له سعر يعجبه، ويشتري في شركتين آخريين ويصبر ثم إذا أرتفعت بنسبة مربحه يبيع ... المتداول النشط هو الذي يشتري ويبيع في نفس الوقت إما يشتري و يبيع في نفس الساعه او نفس اليوم أو في نفس الأسبوع بمكاسب بسيطه ولكنها كبيررره وكل هذا بعد توفيق الله سبحانه وتعالى ... نصيحتي لأي جديد يقرأ عن الشركات ونشاطها .. تحياتي فنحن في خدمتك

الله يعوض علينا جميعا وانا مثلك جديد في السوق
اخذت في اسلاك بسعر 44 ولما تدحدر السوق اليوم الاربعاء بعت بخسارة بسعر 43.2 والعوض على الله

60 الف وعدد الشركات 14 ..
يعني شريت بمبلغ 4285 لكل شركه بالتساوي ..

حدث العاقل بما يعقل

اي يااخوك هذا الحاصل بس فيه شركات مامعايه فيها الا 50سهم يعني كلها اعلا شركه معايه فيها 200سهم واقل شي 50سهم علا حسب سعر الشركه

لماذا 14 شركة ؟
من الأفضل ان تحدد شركه واحده فقط يكفي (لاتنسى عمولة البنك على 14 شركة) ؟؟؟؟؟؟؟؟

الله يســــــاعدك يالطيب
مشتت مخك شكلك ناوي تطلع (...يمقن باقي المخيخ يمقن لا...)
تبي نصيحتي اقرشها السبت وعطني ادنك اقولك شي ادا بعت
لاحد يشره حرف (د) ابو نقيطه مايكتب

افضل اسهمك الخليجية وسولديرتي والهندية واسيج بيعي الباقي وحطيها بالصقر يوم السبت

لا تــــعليـــق

لا تشتري في شركة متضخمة سعريا ...
اشتر شركات ما جاها دورها في الصعود , وآمنه ..
ارشح لك كيان ..

لواستشرت قبل دخولك السوق كان افضلك ولكن لو تبدلهن باسمنت الجوف والإنماء والقرار الاول ولاخير قرارك والله يعوضك خير

الاهليه للتامين 49 ودبل

اخي الكريم المبلغ اللي عندك بسيط ينفع تضعه في شركتين فقط افضل بس المهم تختار الشركتين وتكون مباحه و((غير خاسره)) ولوتبغى اعطيك شركتين اوثلاث ان شاء الله تدعي لي ----والله اعلم

هات الي عندك لاهنت وجزاك الله خير .تراني والله جديد علا السوق ومااعرف اي شي كل الي اعرفه (شختك بختك) يعني اي شركه اراها محمره اشتري فيها

ابيعها يوم السبت هذي الجمله الي فهمتها من كلامك اما الباقي اعذرني مافهمت عليك ممكن توضحلي

بعها السبت وراقب السوق ماندري عن الاسواق العالميه بكره يمكن تهبط ويجيك بعدها سوقنا مدحدر ---مشكلة اليونان صارت عله على سوقنا ماندري وش دخلنا بهم

على العموم --راقب بترورابغ --وان قدرت تاخذها اقل من 25 ريال كويس وان ماقدرت خذها بسعر السوق --هدفها القريب 30 ثم 34 --------------
مصرف الانماء له هدف قريب 14.5 -----------16
اعمار لها هدف قريب 12.35 ----------16
اما اذا تركتها لنهاية العام فاهدافها اكثر من تدبيله وخاصة بترورابغ --والله اعلم

60000 في كل هالشركات؟؟؟؟؟ ماينفع ياخوك .. نصيحتي أولاً ابعد عن الشركات المحرمة وثانياً ادخل المتابعة اليومية وشوف توصيات الأخوان الثقات وثالثاً لاتستعجل الربح عشان لاتخسر..

اخي العزيز كل هذي الشركات ستحقق لك الربح حتى 15%100 ولكن اصبر وسترى خيرآ والسهم اللي يحقق المراد احفض سيولته قد تحتاج اليها في مابعد لتعديل بعضها وبما انك جديد في كزينو ******* فعليك ان تعلم بأن المضاربه حرام حتى وان كانت يوميه او اسبوعيه او شهريه واذا كنت مستثمر لابد ان تضحي بكل ما اشتريت وتنتقي اسهمك بدقه شديده والأستثمار معناه من سبعة الى عشرة سنين ولك الخير.:616:

كيف تحلل وتحرم بدون علم ---المضاربه حرام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟