تم اعلان نتائج سابك
 

السلام عليكم

تعلن الشركة السعودية للصناعات الأساسية (سابك) النتائج المالية الأولية الموحدة للفترة المنتهية في 31/12/ 2011م :
1 - بلغ صافي الربح خلال الربع الرابع 5.24 مليار ريال، مقابل 5.81 مليار ريال للربع المماثل من العام السابق وذلك بانخفاض قدره 10%. ومقابل 8.19 مليار ريال للربع السابق وذلك بانخفاض قدره 36%.
2 - بلغ إجمالي الربح خلال الربع الرابع 13.38 مليار ريال، مقابل 12.99 مليار ريال للربع المماثل من العام السابق وذلك بارتفاع قدره 3%.
3- بلغ الربح التشغيلي خلال الربع الرابع 9.51 مليار ريال، مقابل 10.01 مليار ريال للربع المماثل من العام السابق وذلك بانخفاض قدره 5%.
4- بلغ صافي الربح خلال اثني عشر شهراً 29.21 مليار ريال، مقابل 21.53 مليار ريال للفترة المماثلة من العام السابق وذلك بارتفاع قدره 36%.
5- بلغت ربحية السهم خلال اثني عشر شهراً 9.74 ريال، مقابل 7.18 ريال للفترة المماثلة من العام السابق.
6- بلغ إجمالي الربح خلال اثني عشر شهراً 62.11 مليار ريال، مقابل 48.55 مليار ريال للفترة المماثلة من العام السابق بارتفاع قدره 28%.
7- بلغ الربح التشغيلي خلال اثني عشر شهراً 48.80 مليار ريال، مقابل 37.89 مليار ريال للفترة المماثلة من العام السابق وذلك بارتفاع قدره 29%.
8- يعود سبب الارتفاع في صافي الارباح لفترة الاثني عشر شهراً من العام 2011 مقارنة بالفترة المماثلة من العام السابق الى زيادة اسعار المبيعات وارتفاع الكميات المنتجة والمباعة .
يعود سبب انخفاض صافي أرباح الربع الرابع من عام 2011 م مقارنة بالربع الرابع من عام 2010 م والربع الثالث من عام 2011 إلى انخفاض متوسط أسعار المبيعات بالرغم من زيادة الكميات المباعة.

المكافئات هي السبب

وش دخل المكافئات ؟؟ حاسد الموظفين الي ينكرفون في القطاع الخاص ؟؟ اليس هذا ضريبة عمل في القطاع وساعات العمل الكثيرة والاجازات المحدوده ؟؟ أن كان هناك مكافأت , فلتعلم ان هناك اناس يمنحون مكافأت واناسأً لا . علي حسب اجتهاد المرء وبعدين مستحيل تكون المكافأت تتجاوز 5% يعني فطسه. خل موظفين القطاع الخاص المساكين وشف دلع حقين قطاع العام ساعات اقل وحتي الكرف والله ما يعرفونه الا عند اكل الفول والقلابه في صباح

اللهم لاحسد القطاع العام مستحيل تحصل السكن موفر له بعكس

القطاع الخاص وسابك وشركاتها بالاخص ومن قال ان القطاع العام مدلعين نفسي

تداوم في العام وتعرف الدلع

والراحه وافهم يافهيم


قرصه بناره وعينه بقرص جاره

الحمد الله على أستقرار الحال

طيب أرباحها الا من 750 مليون تعادل راس مالها الي هو 30 مليار صدقت والله يابوعبدالله طيب بالربع وش توقعاتكم لسابك

الله يعافيك اخوي ابو/سلطان

لا تتوقع ان الراحة تأتي بالمال , فلكل مجتهدا نصيبه والرزق مقسوم

البرديسي عيب عليك واستح والله لايوكلك على رقاب الناس خاف الله وعيب عليك خلك واقعي لو انت ذايق مرارت الكرف والخطورة الي انا واحد عايشها وغيري في سابك كان ماتكلمة وقلة احمد ربك والله يا حنا مظلومين وغيري مظلوم من هم من امثالي موظفين في سابك ورزقنا على الله لو تدري كم راتبي على خدمتي 22 سنه وراتبي ماوصل والله ثم والله 16000 والمرتبة 11 للموظفين الي يعرفون سابك وانظمتها ياخي خاف الله نشتغل شفتات وبدل الشفت 10% من الراتب وماعندنا والله بدل خطر ياخي خاف الله في كلامك خظرتك متكي بوظيفه مكتبية وبالظهر اسهم والعصر تتقهوا شاي وحنا كارفين كرف مايعلم به الا الله ومشغولين برزقنا ورزق ملاك الاسهم عيب ياخي هالحسد وخف الله والله الشغل الي نشتغله نستحق عليه اكثر من الي عطونا اياه ياخي تدري موظفين بسابك لهم 20 سنه و17 سنه مالقو بيوت تملك وانت تلاقي طالعلك عقاريين مو عقار واحد خاف الله وعيب يا برديسي موظفين سابك يستاهلون الكثير وانا ومن امثالي المظلومين كثار لكن الشكوى لله وحده هو عالم بالحال و15000 ولا 16000 وشتقارنها فيه مع موظف ثوب وشماغ عمره الوظيفي سنتين ولا حتى 5 ويستلم 11000 ومتكي بشغل مكتبي نوم الليل ببيته والنهار شغله خاف الله والله مانت عارف ولا حاسس بالي نعانيه من وجود تفكيرنا لمدة 12 ساعه يوميا او 8 ساعات تركيز على شان نحافظ على انتاج المصانع شغاله لو غلطة وحده تخسر سابك يوميا لا يقدر بملايين مو مليون يعني الي ياخذونه من مكافئات طفسه من الملايين الي تروح ببطنك وببطن الي حاسدينا على هالي نستاهل واقل من حقنا كلنا طموح بالله ثم بالمسؤللين عن سابك بتعديل اوضاع القدامى من موظفينها من امثالي والشكوى لله وحده خف الله يا برديسي والله ماكتبت همي الا بعد القهر الي جاني من كلامك وحسدك ياحسوووووووووود وماظيع رزق الايتام والمساكين الا من امثالك هالحسودين

ما الومك والله,, يحسبون موظفي البنوك وشركات الكبيرة كل الموظفين معهم سيارة بورشه ولا بي ام دبل يوم ولا لامبر جيني!!! رح مر علي موقف سيارات البنوك وشركات الكبيرة تحصل سياراتهم اكسنت ولا مازدا ولا كراون فكتوريا موديل 2001 ولا اقساط بعد.

السلام عليكم

كلام حلو ونظام البونص مستخدم في جميع أنحاء العالم للمحافظه على الأداء المميز

لو يطفي واحد من مصانع سابك ( كل شركه داخلها 5-8 مصانع)خسارة المصنع في اليوم ما تقل عن مليون ريال عشان كذا يستاهلون المكافأه وقليله بحقهم
ولو ما كان الموظفين من ذوي الخبره والكفاءه كان شفت المصانع كل يوم طافيه وبتأثر على الأرباح بمئات الملايين أكبر بكثير من البونص اللي تعطى في نهاية السنه

الموضوع خرج عن النص !!!!!!