شرايكم ابيع مصرف الانماء بخسارة ؟
 

شريت مصرف الانماء امس ب 10 ونزل 9.85
لان جاتني توصية بيوصل ل 11 وصدقت والان عندي خسارة كبيرة واخاف ينزل اكثر
داخل بمبلغ الزواج وضاع المبلغ
واتمنى منكم توصية على سهم لو ربحها 500 ريال فقط الزواج قرب والفلوس ضاعت
ابيع او اصبر وايش توصياتكم لليوم الاثنين

نعم إنتظر ولا تستعجل

بإذن الله يتحول الخسارة إلى ربح

الصبر طريق النجاح

لا يهمك مايحدث في وقت التداول اذا لا تمتلك ادوات المضاربه
9.75 كاقفال دعم لك 9.65 دعم الشمعه
مقاومتك 10.15 اعرض عليها اذا خايف
مقاومته 10 فوقه وثبات هدفه 10.75

نا عن نفسي انصحك ببيع النص والانتظار بالنصف الثاني ..مادام هذا المبلغ هو للزواج
فلا تلعب به ..لان الدخول الى سوق الاسهم بدون حساب وتتبع ومتابعة لصيقة وتحليل للسهم يعتبر مغامرة ومقامرة

يعني ابيع اليوم خسارة

شريت بعد مانزل وبعدها استمر في النزول

سعر الشراء متدنى ولاخوف عليك من النزول هو أقرب للصعود والربع الأول قريب
وسترى مايسرك إن شاء الله وزد الكمية .

ذكرتني بنفصي
جاتني مائة الله للمهر وامور الزواج
ودخلتها بالسوق ويوم وري يوم لين خسرتها كلها فلا تتهور بزي هل الامور واستخر الله وبالتوفيق

سمعت كلمك يا عبدالله بو العلي
 

الله يكون بعونك
والله يدبرك على الصالح

الانماء وزين جفرة الملايين اذا كان ولابد بع اليوم واشتر الجوف في القاع سهم مضاربي يعطي يوميا

اكيد لاتبيع واذا داخل السوق عشان تخسر وتعوض خسارتك بسهم ثاني اطلع ازين لك ........
افلح من ذكر الله ..
لا اله الا الله محمد رسول الله

الصبر زين ..................

نصيحتي وانا اخوك انك تعرض ب 10.10 لمدة اسبوع او أسبوعين وسكّر جهازك ولا تراقب.... ان شا الله تزين أمورك... ربي يوفقك ويعوضك خير

طبعاً هذا اجتهاد شخصي والحكم الأول والأخير هو أنت بالنظر إلى وقت زواجك ونسبة ومقدار الخسارة الآنية

يا أخي, اعتبر نفسك مساهم في البنك عند التأسيس ولا بعد بعت سهمك .....
غيرك كثير السهم لديهم بقيمة فوق 10 ريال

الله يفتحها بوجهك ولا يخسر مسلم
انا اصلا لي من 13 ومخليته للزمن لاولادي بيوم واحفادي واحفاد احفااااااااااادي ههههههههههه
شفت الصبر زين ما ازينه هههههههههه
الله يكون بعون ملاك السهم من جد وربي حرام الي يصير بالسهم