موضوع مهم مهم جدا عن البنوك السعوديه واللعبه الجديده
 

البنك الاهلي اتصل علي يقول عندنا منتجات جديده تحب تشترك معنا قلت هات وش عندك قال لي اول شي انت موظف قلت نعم قال وين وكم راتبك اعطيته المعلومات قال اسمع يا استاذ عندنا اسهم ذهبيه في الاسواق الامريكيه تحط 200000ريال تاخذ بعد ثلاث شهور 350000ريال والاسهم مطابقه للشريعه الاسلاميه والربح مضمون يعني الشغله كلها حلال في حلال قلت ماعندي هذا البلغ قال نعطيك قرض قلت له انا ماخذ قرض من الراجحي وطار في السهم قالي شوف احد ماهو ماخذقرض ورشحه لنا
قلت الحين ورطو شعب باكمله في قروض لمدت عشر سنين ودخلتوه سوق الاسهم وسرقتوه والان تبون
ضحايا جدد يعني خسرت محافضكم وتبون الشعب الي باقي ماتورط يرجع لكم ما خسرتوه والا بتساعدون المساكين الي في امريكا على حساب الشعب ولا وش قصتكم هيا اقلب وجهك ولا عاد تتصل في وانصحك لا تكلم احد بهذا السالفه تر ما بتسمع الا مثل ما قلت لك والله انه هذا الي صار معي يا اخوان انتبهو من البنوك انتبهو انتبهو والمؤمن لا يلدغ من جحره مرتين وصكتين في الراس توجع.

:504: :504: :504: :504: :504:

حسبي الله عليهم
بيصرفون محافظهم على الضعوف

تورطوا وبيورطون خلق الله
يا اخوان بالعقل لو فيه مكسب بالسرعه هذي صدقوني كان البنك نفع نفسه واشتراها هو ليه يدور احد يشتري شي مضمون!!!!!!!!!!!!

بنوك ما لها والي تتحكم بالناس ولا تقدم عمل مهني

لا احد يجبر على شي من اتخذ قرار خطأ عليه ان يلوم نفسه

كلام سليم100%



يعطيك العافيه

حسبي الله عليكم هالحرامية ,

لاحسيب ولا رقيب ,,

الطاسة ضاااااااااااااااايعة

بيض الله وجهك حنا مشكلتنا البنوك

حسبنا الله ونعم الوكيل

طيب لو حصلت لك مشكلة مع بنك اتحداكم اذا قدرتوا تعرفوا مين يحلها أو تتجه لمين الا لله عز وجل .

بالمناسبه البنك الاهلي التجاري اكبر مصرف عربي متضرر من ازمة الرهن العقاري الامريكيه ، وقام اكبر المستثمرين به بتحركات واسعه خلال الاسبوع الماضي حتى ان بعضهم كسر وديعه كبيره في مصارف سويسرا لانقاذ البنك وتأجيل اعلان افلاسه .

هذا الكلام زمااااااااااااااااااان اول وشبعنا منة

الحين نقدر نقول شوي تعلمنا ما فية مقصات مثل اول

حسبي الله عليهم
بيصرفون محافظهم على الضعوف

غريبه أين العقل مازالوا يدللون على اللى ياخذ قرض لسه ما أقتنعوا بأيات الله فى خلقه
سبحان الله

ياماباقي تشوف يامافي الجراب ياحاوي 0 و الشق اكبر من الرقعة0

سبحان الله
الحمدلله
الله اكبر
لااله الا الله محمدا رسول الله

البلى مو منهم من مؤسسة النقد اللي مخلين هالبنوك على راحتهم في فرض الأتاوات على الشعب

و مؤسسة النقد هذي تابعة لبوركينا فاسو؟

حسبي الله ونعم الوكيل

والله يا الربع إن البنك الأهلي يشكله بيعلن أفلاسه

تجي تسحب أفلوس يقولون لك النظام عطلان

تبي تدفع لهم أفلوس يقولون أهلين وسهلين

ليـه ؟ ما أدري!!

أتكلم من تجربة شخصية

شكراً للجميع