|
يا اخوان أين اجد الشرائح الشمسية التي من زجاج كي استخدمها للأنارة في الشقه .
ماادري من وين الاقيها من لهيب فاتورة الكهرباء الحارقة أو من سوق الأسهم أو من الاقساط أو من فاتورة الجوال .
حسبي الله ونعم الوكيل حسبي الله ونعم الوكيل حسبي الله ونعم الوكيل الرجاء عدم حذف الموضوع لأهميته |
ثاني موضوع اقرأه عن فاتورة الكهرباء
اذا الكهرباء غدا غير واحد متعلق بالكهرباء |
أخوي روح لمحل أدوات كهربائية كبير
وإطلب منه ((فوتو سيل)) راح يفهمك ...وقول له إنك تبي تركب هالفوتو سيل لكذا وكذا دايركت راح يجيب إلي يناسبك وممكن لو تطلبه فني كهرباء تلقى عنده وتحاسبه على الفوتو سيل مع التركيب <<منذو مبطي وهو يعاني بس تبي الصراحة لو تحسبها تلقى الاتصالات هي إلي ماكلتنا أجل جوال خاص فيني أدفع فاتورته 600 _1200 ريال وهو استخدام شخص واحد بس .....وأزعل على فاتورة كهرب تجيني 600_800 ريال وبهالمبلغ بيتي مضاء من وإلى لمدة شهر كامل بالعقل مافيه وجه مقارنة من حيث الاهمية بين اهمية الكهرباء بالبيت وبين الجوال |
والله اول مرة اسمع فيها
تنفع للمكيفات او فقط للانارة ممكن استفيد لان المكيفات هي اللي تصرف بالحيل |
هي فكرتها بسيطة يا أخوان
الفوتو سيل أو الخلايا الشمسية عملها كعمل المفتاح بالضبط بس المميز بالموضوع إن هالمفتاح الشمسي يفصل ويوصل بناءا على حجم الاضاءة القادم من الشمس يعني المغرب لازالت إضاءة الشمس كل شي موصول على هالفوتو سيل يشتغل تلقائيا الفجر لا بدت تزيد إضاءة الشمس كل شي موصول على الفوتو سيل يطفي تلقائيا وممكن تكون العملية بالعكس على حسب نوع الفوتو سيل وهذه التقنية مستخدمة في إنارات الشوارع وأسوار الفلل وإضاءات الاماكن العامة |
اقتباس:
[grade="00008B FF6347 008000 4B0082"] ولا شوف كم جوال في البيت وضرب المبلغ !!!!!!!!!!!!!!!!!!!!!!!!![/grade] |
|
انا ابي فوتوسيل ذا اللي تتكلمون عنه... بس ابيه يسوق سياره
س. هو يجي بريموت ؟ |
اقتباس:
|
|
اخوي عندي كم سراج مالي بهن حاجة 0من ايام جدي 0من الحجم البق استيل يمكن ترسل لي العنوان واشحنهن لك 0
تكلفة السراج الواحد تتراوح من 5 أسهم زين 0 او2.5سهم من اسهم المملكة 0 يضاف قيمة الشحن باليوروو |
اقتباس:
بارك الله فيك أخي الزعفراني ماقصرت .... الله يعطيك الصحة والعافية . |
لازم شركة الكهرباء تحل مشكلة التسعيرة المرتفعة بشكل كبير .
|
أشوفكم قاعدين تسوون دعاية لشركة شمس؟
واحد فاهم غلط ها ها |
الشرائح تحصلها عند محلات الكهرباء الضخمة
وفيه منها انواع وماركات كثيرة ونصيحة قبل تستخدمه او تشترية اتصل في مركز الابحاث للطاقه الشمسيه وحاول تستفسر منهم والموقع بطريق الدمام واذا تشتكي من الفاتوره لهدرجة افصل العداد وهذي افضل طريقة |
وجاكم الصيف ولع ياكهرباء ...والله ياحرارة جدة الأيام هذي نسأل الله السلامة وأنت رايح لصلاة الفجر إذا فتحت باب الشارع كأنك داخل فرن ..الله يلطف بالمسلمين
|
خلونا نكون واقعيين، فاتورة الكهرباء لاتمثل شيئا بالنسبة لفواتير الاتصالات، أنا أتكلم عن المنازل وليست المحلات التجارية، بالنسبة لي أنا ماتجاوزت في الشهر 120 ريال، بالرغم إن عندي مكيفين شغالة 24 ساعة، غير الأغراض الأخرى اللي يتشابه فيها الجميع تقريبا.
وجميع لمبات البيت 24 ساعة. أنا أفضل وضع نظام معين، هل تعلمون أنه فيه عوائل كبيرة فاتورتهم الشهرية في الصيف لا تتجاوز 40ريال، وفيه ناس أقل لكنهم مقتصدين في الناحية هذي ودمتم |
فاتورتي في الصيف تصل إلى أعلى من (3000) ريال .. وعجبي عالم تشتكي من فاتورة الكهرباء ونحن في بلد غني بالنفط بل أغنى بلد نفطي.. وعالم في الخارج تشتكي من غلاء أسعار النفط وسيتركون سياراتهم لركوب الدرجات .. وعلم تقلل الدوام بشأن ارتفاع أسعار النفط .. فأين نحن من ذلك .. نحن مقلدون فقط بلا تخطيط؟ |
بارك الله فيكم جميعاً وفعلاً إستفت فائدة عظمى منكم بعد الله سبحانه وتعالى .
والتخطيط السليم يؤدي إلى نتيجة سليمة . تحياتي لكم |
أخوي أظن والعلم عندالله ثم المختصين فيها :
أنك تحتاج تسليك خاص لأن الخلايا الشمسية ما تشتغل على الكهرب أقصد اللمبات و أكثر الأجهزة تعتمد على الكهرباء ولو تبي تشغل بيتك بالخلايا الشمسية لابد تطلبها طلبيه وتسوي تسليك لها من جديد . أما عن الخلايا الشمسية الكبيرة فهي في الشركات الكبيرة فقط و غالية الثمن . فلو كنت جاد يمكن المبالغ المالية إلي بتحطها فيها تردك عن الشراء :) |
| الساعة الآن 10:58 PM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.