حصاد الاسبوع( خبر وتعليق)
 

- الخبر : زياده اسعار الشعير الى الضعف تقريبا

التعليق: احترامي للمواشي

..

2- الخبر: بل جيتس يتبرع ب28 مليار دولار للمشاريع الخيريه في انحاء العالم وسيعاود الزياره للملكه للتبرع لبعض الجمعيات الخيريه !

التعليق: الاهو وش من لحيه..! علموه يتبرع بس اناسمعت انه وقع عقود استثماريه..اهم شي لايقرب بسوقنا ويعلقوه..

..
الخبر: بحث وتحريات مكثفه للقبض على لصوص الـ4 مليون لاحد البنوك بجده

التعليق: مليارات سرقت ولم يسأل أحد عنها..!
..
الخبر: الانترنت سيكون مجانيا وسيدخل كل بيت وبرسوم لاتقارن

التعليق: ياما جاب الغراب لأمه..مافرقت اصلا بعد اللي شفناه بالسوق
..
الخبر: التويجري: من لديه الحل عما يحدث بالسوق فليطرحه

التعليق: ماودنا نشغلك طال عمرك
..
الخبر: احد المحللين..اما الارتداد فوق مستويات 8600 او النزول تحت 7800

التعليق: ليش جاي على روحك كذا..بشر..عسى ماتكلفت
..
الخبر:السوق الكويتي يغلق فوق مستويات 10300 يوم الاربعاء الماضي

التعليق: السوق السعودي يقول..الكلام في الماضي نقصان عقل
..
الخبر: هجره المنتديات الاقتصاديه وصالات الاسهم بعد ركود السوق

التعليق: اهل المنتديات بيروحون للشاتات..والصالات بتصير مطابخ مندي للموظفين
..
الخبر:شبكشي في برنامج التقرير عن السوق( صراع الافيال ادى الى موت العشب)

التعليق: مسكين العشب حتى هو بيخلونه أحمر
..
الخبر:احد المواطنين في الرياض بعد ان سيل البنك محفظته يتوقف عند الاشاره ويتراقص امام العامه بطريقه جنونيه

التعليق: ياهو مزعج للسلطات..!
..
الخبر:المؤشر يواصل النزيف للاسبوع الثاني على التوالي

التعليق: ماخسرته محافظنا كفيله بشراء فصيله دم والتبرع له..ولكن هناك من يريد التضحيه بالأم والجنين..( السوق والمساهمين)
..
الخبر: احد المسئولين(..) اقتصادنا قوي ومتين

التعليق: احلى يارامبو..شكله شارب بايسون..يازين السكوت !
..
الخبر: توقعات..بميزانيه رائعه لهذا العام..

التعليق: الحمدلله انا طيب..الا انتم..كيف الحال
..
الخبر: احد كتب المنتديات يسأل ( ماهي نسبه الوطنيه لديك)..بعد نزول السوق؟

التعليق: قسما بالله اني حافظ ( سارعي) ومشجع للمنتخب السعودي..وبقزاز سيارتي شعار أخضر..واشاهد اخبار التاسعه..وأطرب للاغاني الوطنيه وبالاخص لأبو نوره..
للاخ الكريم( الوطنيه لاتساوم) فذاك شي ومانحن فيه شي أخر
..
الخبر: ( مايحدث للسوق طبيعي..وهذا حال السوق ربح وخساره)

التعليق: قل قسم..! يعني مو كلها خساره
..

الخبر: عزيزي العضو تم نقل موضوعك لسله المحذوفات

التعليق: ياشيخ ارحمنا نلقاها منك ولا منك السوق
..


تحياتي مع الاعتذار للجميع

هههههههههههههههههههههههههههه

يعطيك الف عافيه

الله يعطيك العافية والله هذه زي العشرة في المية يعني موضوع ولا أحلى نسبة فوق خل أهل الأرتداد والقاع في مواضيعهم كل واحد يقول الزود عندي

مبدع اخوي ابو نايف بارك الله فيك

والله صرنا مثل الدعيع اذا صار هجمه مرتده ... تورط ههههههههههه

ههههه

الله يوسع صدرك بالعافية :)

والله يعوض علينا جميعاً

الله يعافيك يالغالي

تحياتي

من اسبوع وهم راصين عند الحلاق يقلون بكره ارتداد وماشفنا شيiconv

ربك يسهل يالغالي

البركه في كباري المنتشري وتكر هههههه
المنتخب يسير وفق خطوط علميه مدروسه:)

لاعدمتك يالغالي

سطرت وابدعت ........

اللهم امين يقلون العقار بالرياض ارتفع 3 نسب:)

التعليق: حسبي الله عليهم بيعلقونهم ويشوفون دبره ثانيه ههههه

..
سرني مرورك لاعدمتك

الابداع مرورك

تحياتي

هههههههههههههههههههههههههههه

يعطيك الف عافيه

الأخ الهايم
ماتتوقع إن النزول اللي كان يوم الأربعاء جني أرباح:)

[QUOTE=الهايم]-[SIZE="7"] ..
الخبر: احد المسئولين(..) اقتصادنا قوي ومتين


في ليلة ممطرة كانت عجوز مستلقية على كرسيها الخشبي فجاء السيل ونقلها بكرسيها ، وفي اللحظات التي كانت
تطفو فيها فوق الماء ترفع يديها إلى السماء وتقول : { يارب زد وبارك }0

ههههههههههههه



حلوه




الله يطيك العافيه

الله يوسع صدرك بالعافية

والله يعوض علينا جميعاً