مسكين يامضارب نماء
 

مسكين طالع نازل يرش يفكر أن الرجاجيل ماهم فاهمين الهرجه والخبر القوي على الشركه على مين تلعبها.

تحياتي

ابسط حقووووقه اخوي انه يسوي كذا

شكرا لك أخي وكل عام وانتم بخير وارجوك أن تبلغه أن من أبسط حقوقنا أن نتقهوى معاه فين مايروح او يتأخر في المشوار.

تحياتي

وش السالفة معاه طالع نازل نبيع والا نصبر الين الله يفرجها لاتبخلون يالربع بالشور:ice: :ice: :ice:

هذا ابسط حقوقك وانا اخوك وتفنجل بعد لو بغيت

وارجوك أن تبلغه أن من أبسط حقوقنا أن نتقهوى معاه فين مايروح او يتأخر في المشوار.

اقول احمد ربك والله لو تشوف غيره وش يسوي تدعيله الليل والنهار؟؟؟
وبعدين كل واحد عقله براسه ويعرف خلاصه؟؟؟

والله ماندري عن ها المضارب المهم ماراح افك السهم الا عند 100 ريال

والله انك طيب و على نياتك


فكر هل سوف يرضى بهذا السعر لا والله والشاشة سوف تشهد على كلامي قريبآآآآآآآآآآآآآآآآ

انا من الرجاجيل اللي ماادري وش هو الخبر القوي اللي على الشركة !!!!

احد يفهمنا الله يجزاكم خير .....

:619:
لاتخاف خلك معه السهم رايح فوق فوق

انت 100% :606: كل عام وانتم نسب فوق

يعطيك العافية عزيزي ...

تحياتي ...

يا اخي بارك الله فيك
نصيحه لوجه الله تعالى
لا تدخل في اي سهم بكامل السيوله
لو ما معك الا 10000 ريال كنت زيك اطب
بالسيوله كلها واذا نزل السهم ما احصل ولا قرش اعدل
وحتى لو كنت واثق ان السهم بيرجع يرتفع في حينه فاني
فوت احلى فرصه للشراء من تحت ومن اكبر اسباب الدخول
بالسيوله كامله هو الطمع الله يجعلك قنوع برزق دايم هذي نصيحه من اخ لك يحبك في الله

والله ياخوك ,,, انا مثلك !!

تكفون ,, وش الهرجه ؟؟


.

الدخول على دفعات متفاوته حتى اذا ارتفع السعر بعد الشراء اشتر زيادة وراح تلاحظ الفرق واذا شريت ونزل تزيد الكمية وافضل طريقة انك تشتري على ثلاث دفعات وزع الشراء ومهم انك تجني ربحك اول باول ولو لاحظت في مناطق جني الارباح ينزل السهم وهذي فرصة للي جنا ربحه اجني ربحك وحط اوامر الشراء على ثلاث دفعات مرة اخرى وحاول تكون اقل من سعر البيع اوامرك واذا ارتفع سهمك اعلى من سعر البيع اشتر على دفعات ايضا لانه ممكن ينزل اذا شريت اول دفعه ونصيحه خاصة مع مضارب نـــــــــــــمــــــــــــــــا لا تشتري بكل السيولة دفعه واحد ومضارب نما لا يحرك السهم الابعد جني الارباح فيمر دائما بفترة ركود اثناء التداول ومن ثم يسحب كميات كبيرة لكن المتابع والتشارت للسهم توكد ان المضارب لا يسحب جميع الكميات التي في السوق لوحدة فهو يجني ربحه اول باول انتبهو ولاحظو هذه الحركة في نما فقط يسحب كميات كبيرة جدا بفتره واحدة ون ثم فترة الركود يبدى بتصريف الكميات ومن ثم يعطينا اشارة الانطلاقة ((((يبيع ماركت على كل الطلبات الموجودة يرش الطلبات)))))) ومن ثم يبدى الانطلاقة الى النقطة التي تليها واكثر الحركة تكون في تذبذب 2%الى 3% على حسب حركت السوقوايضا لو حطينا طلب حتى لو تحت طلب الدعم من المضارب راح ينفذ لنا مع الرش والميزة انك لاتستطيع الدخول اثناء الرش لان طلبات المضارب بعد الرش جاهزة لابد من وضع الطلبات مجزئة.....
واذا كنت تبي تعرف اتجاه نما فراقب سيسكو تعرف اتجاه نما والسبب مضارب سيكو جمع على 60 وكان نما نفس النقطة60 ولو لاحظتو ذلك من فترة طويلة وهم على هذا المشوار التجميعي وفي الختام اقول لكم نما تدبيلة من 60الى 120 هدف اول توصية ...........
ذكرت كل هذا الموضوع لعدة اسباب انا مراقب نما من 60 ريال .... وعرفت جميع اساليب المضارب والقروب......
لماذا كل هذا الامراقبه مع ان السوق فيه شركات كثيرة اذا اطلعت وتمعنت في طريقة المضارب تجد ان المضارب مختلف عن غير في الطريقة والاسلوب وهذي اهم نقطة مع المضارب وسبب مراقبتي للمضارب لاخذ بثائري وارتد ماسلبة مني من خسائر والحمد لله ارتديت جميع خسائري وبقي الارباح ولن اخرج او ابتعد عن المضارب حتى احقق ارباح تشفي غليلي ....
قاعدة((((اذا خسرت في سهم او تريد ان تربح فخذها قاعده تحدى المضارب وادرس اساليبة والاعيبه حتى لو تخسر مرة والله انك لتربح في المرات القادمة)...............
بقي ملاحظة لاتسمع من يقول لك هذا السهم متجه الى والى فالسوق مضاربه بحته لذا لا اهداف في السوق للمضارب لكن للمستثمر فنما تدبيلة وهي من(((((؟)))))

مشتراي فيها 89 وشكلها بتطول التعليقه لانه واضح السهم يشري من السبعين ويبيع في الثمانين بس اه يالقهر صادني في التصريف وصرف علي اسهمه بس خلاص لازق بحلقه

سؤالي متى راح توصل 100 في رمضان ولا بعد رمضان ارجو الافاده لمن هم متابعين السهم ولديهم اخبار طيبه عنه