لماذا تكثر توصيات ( التدبيلة ) هذه الأيام ... لماذا ؟
 

يوم كانت أسعار الشركات على 9.5 و 25 و 30 و40 ماشفنا أحد يوصي بهالجرأة



بل العكس


شفنا الناس ترجف وتخوّف واللي يقول المواشي تاتروح الى 4 ريال واللي يقول الحذر من السوق واللي يقول ويقول


والحيييييييييييين جالسين يوصون على اسهم تدبيلات والمشكلة انها دابلة اكثر من ثلاث مرات ... طيب ليش توصي عليها وهي بهالسعر ... وينك عنها يوم كانت بــ 30 و40 ماوصيت عليها


والله العظيم ياأخوان احس ان فيه مشروع تعليقة بس متى ؟ عاد انتم أدرى



أخوي الذيب
عاااااااااااااااااااااجل ... نبي تحليل منك للسوق هاليومين وش صاير فيه مطمئن والا شبه مطمئن


لأني اشوف كمية التداول تتجاوز الــ 25 مليار لكن المؤشر نايم نوعا ً ما

وش رايكم

قريباً

توصية التعليقة

بعضهم يوصي ويقول هذا السهم فيه تدبيله وهو اصلا يدري انه بيدبل بس من تحت!!!!

سؤال وجيه جدا
الاجابة في هذه الاية " ان الانسان خلق هلوعا * اذا مسه الشر جزوعا * واذا مسه الخير منوعا "

اتوقع من وجة نظري ان السوق إذا اعطى إشارة دخول تكثر التوصيات و هذا امر طبيعي

اما إذا اعطي إشارة خروج فتقل التوصيات

و إشارة الدخول و الخروج ترتبط إما بالاحداث السياسية المحيطة مثل مشكلة لبنان ، أو بتضخم المؤشرات الفنية مثل ما حدث سابقاً

والله انك ماتكلمت الا عن الي داخل قلبي

والادهى والامر ان اقتراب تداول اعمار واكتتاب سبيكم وبداية المدرسه وبداية رمضان وقرب تداول اسهم البحر الاحمر واخاف ان السوق ياخذ من اسهم الاخير بعض من اسمه

تلخبطت المعلومات ماندري طلوع نزول جني ارباح تعليقه تدبيله (يمدحون دكتوره في المواساه ) ابروح لها الليله


تحياااتي

هههههههههههههه

الله يرجك

عز الله انك جبتها

صدق الله العظيم

الله يستر من الجاي وانا اخوك

الله يستر بستره :)

فيه محشش كان ماشي في حال سبيله وفجأة شاف قدامه قشرة موز ... قال الله يعين على الزلقه . يعني الطيحه .

ما أدري ليش طرت على بالي هالهرجه . ونطلب السموحه من صاحب الموضوع والحضور .

الله يوفق الجميع .

توصيات التدبيلة توصيات قائمة منذ فترة طويلة ولكنها تهدأ وتزيد بحسب الظروف ...

وظروفنا هذه الايام ان الكثير يريد التعويض السريع وهناك من يريد الثراء السريع وكل شيئ نريده بسرعه وهذا ما يدفع الكثير هن البحث عن التدبيلة وما ادراك ما التدبيلة ..

وكم من شخص دفع ثمن غالي من اسهم التدبيلة

بالعكس اختي اذا صار السوق معطي دخول يقولون خروج واذا صار خروج يقولون دخول وهذا اللي صاير هاليومين

توصيات بالهبل لكن الى اين المصير الله اعلم


وماطار طير وارتفع الا كما طار وقع

بسم الله عليك وشوله تروح المواساة ... نواسي بعض هنا وبس aa1


اقووووووووووووول


الزبنه وانا اخوووووك وش لنا والتعليقة


والسوق هاليومين اذا انك مضارب حط لك حد للخسارة واذا كسبت اكسب ريال والا نص وبع




ازززززززززززززززززززززززززبن

الله يسمع منك وترتفع وينعنش اهلها

جزاك الله خير بارك الله فيك

شئ طبيعي أخي أبومضاوي .... كل ما ارتفع المؤشر ولاح في الافق ... نوع من التحسن في الأسعار هناك ثلاث أنواع تظهر :
- نوع يحب الخير = ويتمنى أن يستفيد أخوانه من هذا الارتفاع فيوصي توصيات معقولة وجيدة ومنطقية بحسب التحليل الفني والمؤشرات

- نوع يريد السبق فقط = فهذا النوع لا يعلم ولا يعلم بأنه لايعلم .. فهو يوصي إما بالشركات التي يمتلك فيها وإما يخبص حتى لو أرتفعت هذه الشركات يقول .. هذه توصيتي نجحت .. وهذا النوع ( طقها والحقها ) .!!

- نوع خبيث = فهذا النوع ينتمي إلى قروبات خبيثة لا تريد الخير ولا تسعى إلا لمصلحتها الشخصية فهو يوصي إما جهلاً منه وإما معاونة لهم ... فهذه أفضل فرصة ليتم تصديقهم وإذا نزلت الأسعار تفقد الثقة بهم . ويتم سبهم ولعنهم !!!

وشلون وانا اختك الهوامير يتخلصون من اسهمهم ويقنعون الصغار بالشراء ؟؟

الا بقووه نفسيه خارقه مقنعه مثل قولتهم تدبيله |

ولا تبيع بخساره | وجني ارباح قوي حبتين

وما يدري الشخص المستمع ان هذي الفاظ رنانه لمشروع تعليقه طويل الاجل

يمسك فيها اسهم الهامور لين يروح الهامور لسهم ثاني يطير معه ويرجع لسهمه

ثم يجونك الموصين عقب خسفة السهم باسبوعين يقولون تذكرون يوم اقول لكم تمسكوا هذا هو جاكم

ورفع سهمكم وهم كانوا شماعه علق عليهم الهامور اسهمه لين رجع لها

وهو ناقز من سهم لسهم وكسب ذهب من توصيات يعلق فيها الضعوف بمخدر لاتبيع بخساره

وتراه بيرجع وبيدبل وهذا الله يستر ان ما جا الطوفان والهوامير علقوا حتى مطبلينهم مثل ما سووا في فبراير

ما اشره الا على كبار الكتاب كيف يصيرون العوبه في يد الهوامير

ويبيعون ذممهم بوعد انهم يطلعون قبل غيرهم

اللي يبي السلامه في مثل سوقنا يضارب بالكثير اسبوعيا

ولا يصدق توصيات المنتديات وربي انها للتصريف الا من رحم الله

تابع بنفسك وتعلم المؤشرات تراها سهله وبسيطه ..

(( اضطررت للكتابه الانشائيه لتوصيل الفكره ))

الله يرزقنا واياكم والمسلمين رزق مبارك فيه

ام سعود