المؤشر 10931 نقطة .. أكتب بيتين شعر
 

السلام عليكم

لعل المؤشر السعودي اليوم عكس ارتفاعه تفائلنا جميعا
و الحقيقة اننا نحتاج التفائل و نحتاج المعنوية المرتفعه
و نحتاج جبر الخواطر و ارتداد الأنفاس و اليوم نقطة مهمه
المؤشر كسر الـ 10516 و هي نقطة مهمه و تصاعد الى 10931
و نسأل الله الخير الدائم و الكثير و الرزق الحلال آمين


بإختصار


سافكو .. عروس و زفيناها اليوم ماشاءلله وصلت الى 155 ريال --> فوق تصوراته

الحقيقة انا اكتشفت اني منحوس ... لاني بعت بـ 148 ريال ...
حبيت اشيل من تحت و ارتد مع السهم .. و لكن قسمة و نصيب ... و الحمدالله بكل الاحوال توفقنا ..

انا ما اخفيكم .. حاط عيني على كذا سهم .. ودي تعطوني رايكم ..

صدق .. تصريف و انا اتابعها حتى توصل للقاع ... و اعتقد انه تحت 28 ريال ..
الغذائية .. العتقد ان سعرها تحت 49 راح يكون مكسب كبير ... تابعوها ..
و لا اخفيكم .. انا دائما احن لـ سافكو .. يا عيني عليها .. بنت بنوت .. للمضاربة


الحمدالله انا شخصيا استفدت من ارتداد السوق .. و اتمنى لو استفدتوا



و ادعوكم للمشاركة .. ولو ببيتين شعرية .. انتظر مشاركاتكم و تعليقاتكم و الدعوة مفتوحة
http://www.almasee.com/vb/upload/494_1149004830png

مؤشرنا يا عسى ربي يديم ارتفاعه .. بحول الله فيه ..معـاليق الأمل
خيرنا للوطن و للمليك سمع وطاعه .. كلنا عيال عم و جيران و أهـل




و دمتمـ .. أعضاء لهذا المنتدى الكريم .. و الخير قدامكم انشاءلله

ملحووظة .. الدعوة و التفائل يمكن ينتهي بكرة الساعة عشرة صباحا .. و نقلبها عزاء .. استفيدوا من التفائل

الله يرزقك ان شاء الله



والله الموفق ،،

[poem font="Simplified Arabic,5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
صاحبي ترى الحرامي لازم يغير اقناعه=ما استحى من الله وخلقه ولاعنده خجل

والنصيحه كان تسمع لاتناظر لأي ساعه=خل في الصدر اتساع والندامه للعجل[/poem]

العاشر

الله لا يهينك و شكرا على مشاركتك يالغالي
و الله يسمع منك امين


بس ما اعطيتنا رايك في صدق و الغذائية ... انت تشوف انها مناسبة ..

نصيحه : اترك السهمين وخذ الدوائيه ان شاء الله سوف تدبل ،


والله يوفق الجميع ،،،

متكل بالله

حياك الله و نورت و شرفت

اي والله صادق .. نبي نشوف الوجوه الحقيقية ... حسبنا الله عليهم
كفيت و وفيت يا غلاااي و يعطيك الف عافية .. و صح لسانك

يا سارق السوق بكل جرئة و فضاعه ... ما خليت للحذر يا حرامي محل
تمسكنا و بكينا و الدمع زاد إندفاعـه ... يا عسى نلقى في وجهك خجل

العاشر حياك الله يالغالي و فديت هالمشاركة الثانيه ..
.. الدوائية ... علمها طيب ... و انشاءلله تدبل .
.. و راح احطها في البال و الله يرزقنا جميع .. --> تقريبا 80% مقتنع بالدوائية ..

و لكن كم تشوف سعر الدخول المناسب ؟!! .... افدني لو تكرمت

القصيم الزراعية تدلع وتتمخطر

المواشى اهاهاهاها يالمواشى ماتتعثر

الدخول ان شاء الله من 80 الى 82



والله يوفق الجميع ،،،

--------------------------------------------------------------------------------

القصيم الزراعية تدلع وتتمخطر

المواشى اهاهاهاها يالمواشى ماتتعثر



الله يعطيك العافية .... والله اني ضحكت من كل قلبي على هالمشاركة الحلوة
والله هذا اللي نبيه سعة الخاطر و المزوح الحلوة ... من جد الله يسعد قلبك

فرفح قلبي بالمكاسب و المغانم ... ما غير الوناسة في جمع الدراهم
وان حصل وخسرنا فلا لا للمخاصم ... كل شئ مكتوب و ربي فيه عـالم

العاشر

حياك و بياك يالغلا ... الدخول 80 --> 82 انشاءلله

راح اتابع السهم ... و انشاءلله دربك خضررررررررر

الله يعطيك العافية

و لا هنت و انا اخوك

بارك الله فيك
اندماج جميل بين مضاربي الاسهم ومضارب الباديه




هههههههههه

امزح
بتوفيق

وفقك الباري وبارك فيك
سافكو هي الحصان الاسود وسترى

وفقك الباري وبارك فيك
سافكو الحصان الاسود

أ ن بغيت الحق وأ قوال الونا سه.......لا تخلى ا لقلب يشيل كل هم
فرحت القلب عند أهل الكيا سه.........ومكسب الصحه ترى هو ا لأهم
وأنا با أ خش معك ا لدوائيه.............و ما عندى ما نع كما ن فى الغنم

يابسام لايغرك المؤشر وارتفاعه
ناظر اسهمك هو ارتفع ولانزل

والله يديم فرحنا كل لحظة وساعه
ويخفف علينا سكرة الموت ليانزل

سوقنا جماز حاسة والشعربسام حاسة
باقا شي علية انخاف او شي مهم

سجلوني واحد في النتدى يعلن افلاسة

كان حلمة بيت لعيالة كسب دين وهم

قبل الاسهم باقة الجمعة الايال النحاسة

دورة الدنيا كذا مكتوب سجل ياقلم icond

احسب ان الناس تشري كلما شافوا بضاعة .... واثرها رحلة تجول من محل في محل
التأني والتوكل والتروي والقناعـــــــــــة ...... مبدئي من شفت الناس مبداها عجل

سوقنا يبيله دراسه وكياســـه ======= سوقنا عقل وخلك بالمحترم
المرجف اليوم امطوطي براسـه ======= تبددت احلامه قم بـــــــس قم
يصور العمله يعني فراســـــه =======الحرامي سرق الحر الشــــهم
السوق خالف ابو العداســـــه ======= ليش ياسوق كل هذا الضـــلم
الامر اما جهل او هو خساسه ======= وحرام من يفتي بليا علــــــم
يابسام شكل لي حراســـــه ====== كان فيه احد ناوي علي ايهجم

الله الله ... والله تمام التمام .. تفاعل مميز و ابيات ولا أحلا ... ما عدمناكم والله


سافكو ......... الحصان الأسود ( صح علييييييييييك ) .. سافكو استثمار او مضاربة .. تراها شركة بطلة ..

لكل سوق يا ناس ثمن و بـضاعه .... و سوقنا يا للأسف كله وهم
من أول كان السوق أبيض نصاعه ..... و اليوم أعلن إنتحاره وأنتقم
تحطمت الأماني والحلم بآخر نزاعه .... و الدين يدق بابي رايق مبتسم