|
أبي انفجر من القهررررررررر ..!!
يا جماعه خلصت كرزين مالبورو احمر في ثلاث ايام والسبه اسهم العوائد اللي قعدت في حلقي ولا اردي وش ازين فيها
شريت 25 سهم في سابك بـ 1850 وصافولا 25 سهم بـ 1905 رايكم اني اقشطها واضارب في بيشه والشرقيه والمواشي وثمار والطقه الباقيه ( ماني قايل خشاش ) وبعدين اعود على العوائد والا انتظر ؟؟؟؟؟ ترى رددت ياليل مطولك وللحين ما صار شي .. وآخرها انسرقت محفظتي حسبي الله عليهم يوم جيت ببيع ينساب لا عادها الله من بيعة اسهم والحال زفت يا جماعه الفززززززززززززعه |
ما لك الا رزقك ..
إذا صار ولا بد بع وحدة منهن :) المفروض تنوع بين خدماتي وصناعي وزراعي وبعدين 25 سهم وش تصلح :) في مثل هالاسهم ابحث عن ريال في الارخص أحسن من عشرة في الاغلى |
عوايد ومتعلق هذا شي طبيعي شرحك سرا إلا أربع مية تردف مية
لكن انسرقت محفظتي هذي المشكلة ليتك توضح الله يبارك فيك |
أخوي متعب
أفضل شيء وانا اخوك تبتعد عن الشاشه في الوقت الحالي أسهمك ذهب وما عليها خوف لا تبيع وأعتقد والله أعلم ان العد التنازلي بدأ لإقلاعها خلال هذا السبوع الزراعيات متضخمه وسابك في القاع وصافولا ام المنح رائعه |
السلام عليكم ورحمة الله وبركاته
الصبر الصبر الصبر |
حللللللللللوه(خلصت كرزين مالبورو احمر في ثلاث ايام) ترى الأحمر ثقيل غير لكارلتون اخف بكثير،اهم شيء صحتك.
وانتبة تطب في اسهم شبعت ارتفاع خصوصا اليوم. |
الغالي متعب لك فيمن سبقوك عبرة جلست اربعة اشهر وانا متمسك في سابك لي مامل الصبر مني وكرهت العوائد وأيامها ويوم اشتغلت في المواشي ولله الحمد صرت يوميا اطلع من الغرفة وانا اضحك بلا عوايد بلا كلام فاضي سابك يوم طلعت ارباحها اعطت على السهم 15 ريال نصيحة ابتعد عن الخشاش ( سابك والمصافي وصوافولا )) وتعال للقياديات وريح بالك
ملاحظة : الزم ماعليك صحتك والفلوس تجي وتروح خفف من الدخان شوي وانا اخوك |
أسأل الله ان يعوضك.
أـخي نوع محفظتك بين القطاعات وخل جزء للمضاربه وجزء استثمار ونابع السيوله وين و طب معها. |
خلك مضارب وسريع
سواء خشاش او عوائد واتجه اينما اتجهت السيوله ولكن بحذر. |
ربح الـ 25 سهم في عوايدك ما يجب لك ثمن الكروز الثالثة الي تقول انك خلصتها، وراء ما تخلي الدخان ، وتركز على القصيم الزراعية وسيسكو؟
|
السلام عليكم ورحمة الله وبركاته
صافولا و سابك شركات استثمار و ليست للمضاربه مع تمنياتي لك بالتوفيق |
اترك الدخان وبتعين خير
|
لا تنقهر يا رجال وثق بالله قبل كل شيء وأن رزقك لن يأخذه أحد غيرك
وإذا الله ماكتب لك رزق ....فوالله الذي لا إله غيره لن تكسب ريال واحد لو ضاربت وسويت البطيط .... وأكثر من الاستغفار ثم الاستغفار ثم الاستغفار ولا تنسى تترك الدخان لأنه محرم ولأنه هلاك للصحة والمال والله يرزقك من واسع فضلة ويزيد في رزقك من حيث لا تحتسب والسامعين ومن قال آمين |
التدخين سبب رئيسي لأمراض القلب والشرايين والرئة , حفظك الله من كل مكروه
|
الرياض
:619:
قل امين عسى الله يعوض صبرك خير رح خذلك تمشيه روح عن نفسك وارفق بشرب الدخان ترى صحتك الزم لكن بعد ما تسترجع محفظتك |
التدخين ضار بصحتك ننصحك بالابتعاد عنه
لن تبلغ المجد حتى تلعق الصبر |
قل امين عسى الله يعوض صبرك خير
يجب ان تتوكل على الكريم الرزاق ونصيحه اخويه اذا انت باسهم ثقه لا تخاف فقط اغلق الشاشه وارجع بعد شهر من الان وانظر الى اسعارها اخوي وخلال شهر الاستجمام حاول مجرد محاوله مايضرك حاول الاقلاع عن المالبورو واخوانه ويعوضك الله خير منه ملاحظه اجعل نيتك بترك الدخان ارضاء لله سبحانه وابشر بالخير |
شكرا لكم من القلب على ردودك التي اثلجت صدري وريحتني شوي .......... ابي اغير لكارلتون لليومين الجايه
m1m ياخوك هي حوالي الثمانين الف وعليها فراطه .. بعت الشاص حق الشايب وبطامر فالاسهم لين ربك يفرجها يعني 25 سهم هنا وهناك وتخب علي ساري9 الله يعين على هالعوائد .. والمحفظه اقصد فيها ( البوك ) وفيه ثلاثميه وخمس طعش ريال .. بالله اذا لقيته دق علي تلقى فيه دفتر تلفونات مقطع وصورتي انا والشايب تلقاه في المخبا الاول وفيه بطاقة صراف الراجحي وابشرك انتهت حلال عليك .. السلطاني والله ماذبحنا الا هالحتسي المزركش .. اسهم ذهب واسهم مامنه خوف .. ابك انا ما انام والسبه هالذهب والشايب كل شوي ناط بحلقي وش سويت فالدراهم :617: ابوعبدالملك8183 صبرت وبصبر والله يعين icq الله لا يبلاك في سابك واسهم العوائد وثم تعرف شلون تحرق تتن أبو يزن 9800 المواشي وبس والله انك صادق ما كثر الله بالبلد غير راعين الحلال والعلف غالي يادفع البلا لو يفتحون سهم البعارين نعين خير الليله ان قالها ربك بطب في المواشي وبيشه والشرقيه الزراعيه Stock Professor شكرا لك .. والليله طاب طاب في المواشي وبيشه والشرقيه ان قالها ربك مافيها حتسي الــــذيــب ارررررحب تراحيب الحيا يالذيب والله عرشتني هالعوائد ياذيب الله يخارجنا منها والمضاربه ماعرفلها ولا تعرفلي انا ابي سهم اطب فيه واجلس لين اعين خير أبن البلد سيسكو وشهي ؟؟ هي معنا ؟؟؟؟ ياخوك والله انك صادق ابطق مية سهم في المواشي والباقي مشكل لين ترتفع ..... فيه واحد يقول شرى في المواشي ب 70 الف والحين عنده ميه وعشرين الف والله الدراهم اللهم لا حسد والله يزيده المهندس المحترف وعليكم السلام ورحمة الله وبركاته khaleej سلط على الدخان لو هو مضري .......... له حزة عند احتكام المصيبه شكرررررررررررررررا لكم جميعا اخوكم متعب بن حامد |
لا عليك اخوي
واهداء لك سهم النسبه مساء تبوك الزراعيه |
وش دعوا يا متعب ؟(وجه متعرفط من الزعل)
يعني يوم قلت لك اترك التتن زعلت؟(كشره مستغربه) اجل ليه ماتشكرني مثلهم(وجه معصب بقوه) وبعدين تعال ليه تغير كلرتون ما ادري وش اسمه اتركه قلنا لك تبي تعين خير اتركه |
| الساعة الآن 11:03 PM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.