|
مطلوب فله تكون مساحتها من 700 الى 750 وتكون الفله دبلوكس ويكون الدبلوكس وحدتين وتكون في حي الربيع او غرناطه او النفل اللي ورا كارفور والمبلغ يكون 2 مليون يعني من 2مليون ونازل وتحياتي لك
|
اقتباس:
الفلتين اخوي بحار نجد بـ تسع مائة الف ريال ولا سعر الفله الواحده واذا تقدر تحط الوصف هنا لنا وصف الفلل اكون شاكره لك اخوي الكريم والله يرزق الجميع |
اقتباس:
السوم 900 الف للفلة الوحدة الوصف التقريبي :- تدخلي بين نادي الشباب ةالمستشفى الالماني باتجاة الشرق بعد تقريبا" كيلو واحد في الحي اللي على اليمين الفلة عبارة عن 3 مجالس وصالة ومطبخ ومدخل سيارة والدور الاول 4 غرف نوم وغرفه خادمة |
هل من المعقول هذا الاسعار
اود المشاركة في موضوع يعتبر من المواضيع التى يعاني منها جميع السكان في المملكة العربية السعودية حيث ان ارتفاع الاسعار في قيمة العقار والمنزل المؤجره مع العلم عدم التغير في سعر الرواتب وكما هو ملاحظ ان ارتفاع الاسعار في المواد الغذائية فهل تم النظر في اوضاع الفئه ذات الرواتب المحدوده والتى لا تستطيع توفير جميع ما تحتاج من امور حياتهم
ارجو من الاخوي التعليق على هذا الموضوع والنظر ف اوضع الناس وعدم الطمع:616: |
تم اضافة فلة في الصحافة 7 المساحة 338م2 السوم 860 الف ريال تبعد عن مستشفى المملكة أقل من كيلو متر واحد وتبعد عن طريق الملك عبد العزيز 200 متر فقط موقع ممتاز الدور الارضي :- مجلس رجال مع المغاسل ودورة مياة مجلس نساء مع المغاسل ودورة مياة ومقلط وصالة الدور الاول :- 5 غرف نوم ( واحدة رئيسية بدورة مياة ) وجناحين ( كل جناح عبارة عن غرفتان بدورة مياة خاصة ) الملاحق :- غرفة سائق مع مدخل سيارة و غرفة خامة واجهة حجر ابيض وتنفيذ رائع للالوان الداخلية وارتدادت مناسسبة جدا" |
تم أضافة فلة حي الغدير المساحة 840م2 السوم 3.1 مليون الدور الارضي :3 مجالس ومطبخ وصالة الارضيات رخام الدور الاول :- غرفة نوم رئيسية بالاضافة الى اربع غرف نوم أخرى مع ملاحق علوية للخادمة والغسيل مسبح ملحق خارجي غرفة سائق |
للمعلومية فلة الواحة مساحة 630م2 وصل السوم 2.4 مليون والبيع على الشور فرق السوم أن شاء الله |
اقتباس:
الله يرزقكم اخوي الكريم من غير حساب بس راي شخصي ماتستاهل اكثر من مليونين وميتين الف توقعت بتبيعون عند هالمبلغ قبل فتره رحت ادور بالواحه ومريت عليهم وشفتهم مره ثانيه موفقين اخوي الكريم بحار نجد والله يرزقكم |
اقتباس:
أختي الغالية رندلا انا جبت له زبون صامل 2.2 وقال شفه لين 2.3 ورفض البايع وهذا حلاله وهو حر أنا علي اسوق له عقاره على السعر اللي يرضيه والرازق الله والا اللي جمبها وانتي شفتيها متعدا سومها 2 مليون وهي اصغر منها بي 100 م2 وعذروبها محطة الكهرباء ولكن نرجع ونقول راعي الحلال حر مالم يحد العقار على زبون معين والا حتى وان حد على زبون وتراجع الزبون يعتبر الحد لاغي ويعد سوم والا عن رائي الشخص حدها 2.2 مليون مقنعه جدا" ولكن لي كثرو الخطابة بارت العروس |
اقتباس:
اكيد اخوي كل شخص حر بماله ولكن مجرد رايي شخصي ونظره شخصيه فقط مع العلم اني ماعندي خبره بالعقارات الا من بدينا ندور بيت تقريبا لاشفت البيوت سرت اخمن اسعارها وغالبا ماتطلع صح ومثل ماقلت لك هو رايي الشخصي لا اكثر والله يرزق الجميع من واسع فضله واللي يظهر لي انه فعلا يوم كثرو خطاطيبه بارت البيوت اللي بالشارع اللي قدامه ثلاث بيوت انبنو قبلها وخلصوا وهي على العظم على طول انباعوا ثنتين كبار ووحده صغيره الصغيره باعها بمليون وسبعمائة الف والكبار باعهم على مليونين ماشاء الله حلوين وبالنسبه لي احلى من ذولي بكثير اولا خمس غرف بمنافعهم وذولي خمس غرف باربع منافع وبالنسبه لي الحجر حق ذولي ابيض لكن اللي ذوليك اصفر لون حجرهم بصراحه بكل المقاييس احسن لكن الرزاق بالسماء وكل ياكل نصيبه والله يرزق الجميع ويوفقنا لكل خير شكرا لك اخوي الكريم على جميع العروض |
| الساعة الآن 09:21 AM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.