المشاركة الأصلية كتبت بواسطة نجدية

المشاركة الأصلية كتبت بواسطة نجدية

المشاركة الأصلية كتبت بواسطة أبو ركـــــون

بعيدا عن البيروقرطيه بدخل في الموضوع بدون مقدمات نجديه
عندي لكم ثلاث قصص مع السفر والطيران ....
الاولى
كنت طالب في الجامعه المستوى الثاني وعرض علي الوالد الله يحفظه السفر لبريطانيا لدراسه لغه لمدة شهرين فترة الصيف وبعد رتب أخي الاكبر الامور مع المعهد والعائله والحجز لي ولابن عمي اللي وهقني ولظرف ما هون
وقررت السفر لوحدي مع ان لغتي ميح المهم بعد ان اقنعني اخوي ان كل شي مرتب ولاتشيل هم
طبعا كنت متحمس وركبت الطياره وبعد ساعة من الطيران طقتني ام الركب وانواع الخوف واناظر اللي جنبي طلع مايتكلم عربي و كل مامر مضيف سألته متى بنوصل المهم اني ابي شي يهدي هالخوف مو من الطياره ,,لا الخوف من الاسئله اللي تدور براسي اذا نزلت وش بسوي؟؟ وشلون اتفاهم مع موظف الجوزات والجمارك؟؟ وكيف بوصل للعائله اللي خارج لندن في مدينة (بورمث)200كيلو ؟
قلت ياعم اجلس في المطار وانشب في موظفين الخطوطالسعوديه يرجعونك على اقرب رحله للرياض اما اطلع من المطار مستحيل :617:
وبعد عاصفه من الافكار والاراء اللي دارت في مخي ربي هداني لاصلي ركعتين وبعدها النفسيه هدأت كثير سبحان الله الخوف راح ,,,,,:605:
نزلت المطار ادربي راسي وراء الناس ومطار هيثروا ديره وبعد ماوصلنا عند سيرا الجوزات وانا آخر واحد واللي قدامي عائله حاولت اقرب من اللولد اللي معهم عمره تقريبا 15سنه قلت له اول مره
تجي ؟قال لا قلت تعرف انجليزي؟؟ قال ايه قلت تدري وين مدينة بورمث؟؟ قال لا قلت كفو رحنا فيها :604:
قال بسأل الوالد قلت تسوي خير
المهم جاني ابوه وكمل علي الناقص اعطيته اوراق القبول وعنوان العائله قال يوووووووه مدينتك بعيده عن لندن وماينفع تروحلها بتكسي قلت والحل ؟؟:615: قال الباص او القطار قلت طيب والجوزات وش بيسألوني؟؟ قال لي فيه موظف تبع الخطوط ناده يترجم لك وبعدين جاي لوحدك وماتعرف لغه؟ قلت شكرا
عديت مرحلة الجوزات واخذت الشنطه وبديت ادور في المطار واتذكر ان معي رقم واحد يسكن في لندن من ربع أخوي وقال خله معك أحتياط قلت مابدها هاش هذا وقته يجي المطار ويشوف لي صرفه دقت وطلع الرقم مقطوع او غلط مدري وش السالفه وهنا بدأ القلق من جديد وياليل مااطولك
وبعد مرور حوالي نص لمحت لي شاب كاشخ عليه بصمه سعوديه واضحه ماترددت في سؤاله الاخ سعودي قال نعم اقدر اخدمك بشي قلت تكفي شف لي طريقه توصلني لبورمث
قال عطني خمس دقايق ادور على عائله جاي استقبلهم وارجع لك
وفعلا رجع وقال الظاهر اني تأخرت عليهم ورحت انا وياه لشباك تذاكر الباصات وطلب من الموظفه تذكرة باص لبورمث ورد بكل برود الباص تحرك قبل عشر دقايق طيب والحل الحل القطار وين القطار بوسط لندن محطة فكتوريا وشلون اوصل هناك قال عن طريق اللاند قراوند
من جدك هذا صعب مره قال بكون معك قلت كفو يالنشمي
ركبت انا واياه وفي الطريق سألته بعض الاسئله من ضمنها انت تدرس قال انا اشتغل بالسفاره السعوديه وهنا زاد الاطمئنان والراحه المهم الحبيب ماقصر ظل معي لين ركبت القطار اللي بيروح لبورمث وهناك اعطيت التاكسي ورقة عنوان العائله ووصلت عندهم بعد رحله شاقه وعند العائله شعت بمعاناة السائقين والخدم اول مايوصلون ومايعرفون يتكلمون وبعد مضي اربعة أيام مع العائله وانا مااعرف احد وكانت النيه اني مااتعرف على عرب علشان استفيد لكن الصراحه رابع يوم انهبلت وطلعت للشارع اتشوف اي زول عربي ووال مالمحت هاك الاشهب اللي يشبه مهند قلت بس اشرت له من بعيد وعلى طول سألته وين يسكن وهنا تنتهي الزبده في الاحداث المهمه لهذه السفره
انا تعبت من الكتابه وانتم طفشتوا من القرأه

المشاركة الأصلية كتبت بواسطة نجدية

المشاركة الأصلية كتبت بواسطة الــــذيــب

مانيب قايلن شي...اغلب مواقفي ماتنقال.


احد منكم تحمس...واخذ الشوزن....وسوى زحمه....وطلع البر يقنص...واغراض وقدور وخرابيط


واخرتها مالقى شئ يصيده....ويوم قربت صلاة المغرب....ثور في جحر نمل من ضيقة الصدر؟


ترا مهوب انا ابد