|
موضوعس موضوع من لاموضوع له أشغلني سكرت الجهاز بـ نام بس ماش دام فيه شي يقرقر بـ قلبي لازم أقوله :o ذكرس لـ ذوي الأحتياجات الخاصه وموقف مر علينا أثار شجوني <~ قولي قسم aa1 صار لي معهم موقف قبل كم سنه بس إلين اليوم أذكره وكنه أمس كنه خنجر مغروس بـ قلبي :laughing: طبعاً شوفتهم تعور القلب فـما بالس بلي يتعامل معهم كان المركز عباره عن رعايه نهاريه وتتفاوت أعمار المعاقات من تسع سنوات إلى 44 بس الشكل طفولي :( مسكت ثنتين أعدل من سلوكهن كانن صعبات بس يقال أنا وخشتي أبغى أسوي أنجاز وأعدلهن .. للأسف حقدت على أهاليهن حقد مو طبيعي فوق ماالشخص معاق وتصرفاته سيئه يهملون نظافته ومظهره الخارجي وحده من إللي مسكتهن قبل لاأدخل عليها أكب في خشمي قارورة العطر شي مو طبيعي بعض الناس مايدرون أن الله جميل يحب الجمال .. والنظافه من الأيمان !! يعني انواع الأهمال والعفن في الأهل أستغفرالله .. عدلت في ذي ووحققت إلي أتمناه وقدمت لها هدايا لين السما .. الثانيه وهي إللي مره معوره قلبي كل ماأتذكرها كانت زياده على إعاقتها عصبيه بـ قوه كم مره تبغاتني وتكفخني بغت أدخل فيني عشرطعش جني .. كانت تحب شي أسمه عروسه شريت لها عروسه ميب أم 10 ولا 15 شريت أم سبعين مدري ثمانين ذابحتني الدفاره والحماس خخخخ جبتها لها ووريتها بس تتجاوب مره وتكفخني عشر طفشتني مااااره الله يصلحها وحامت كبدي من المركز كله كانت آخر سنه لي وخلاص وصلت حدي .. لأن أهل البنت ماكانوا متعاونين كانوا أخوان البنت يطقونها عشان كذا صارت عدوانيه .. المهم مع آخر يوم والفرحه سحبت على أحتفال التوديع وأنحشت لـ أهلي وماتذكرت العروسه إلا بعد فتره .. بغيت أصيح iconc كيف حرمت المعاقه من هديتها هـ الفئه مظلومه مره شكلس قلبتي المواجع :crhod: |
نجدية بما انا الموضوع كب عشى اقصد فضايح خوذوا هذي اللي ذكرتيني في موقف والله ما انساه طول عمري كان الوقت اول اختبار لي لغة انجليزية وبصراحة الاخ مش ولابد يعني ماحولك احد في اللغة وبصراحة من جد كنت متوهق وكان الوالد الله يحفظه مهددني بالضرب لو ما اجيب نتيجة اوكي المهم دخلت الاختبار والحمد لله صار اللي قدامي خطير وشاااطر باللغة وبصراحة لاني ما اعرف الـ a من الـb استانست ع الاخر انه قدامي وقلت هذي دعوات امي وبصراحة ماصدقت تجيني الورقة الا وبديت اخذ كل شي من الرجال وماخليت شي ماشلته ونقلته وبصراحة كنت محترف بالغش واعرف كيف اقدر اشيل منه الجواب المهم انتهى الاختبار وسلمت الورقة وبعده بنص ساعة طلبني المدرس وقال تعال ابيك وهو يضحك ,, استغربت انا قلت لايكون بس درا بي المهم عطاني ورقتي وورقة خويي قال وين اللي لك وين اللي للرجال قلت هذي لي اعرف خطي قال طيب اذا بغيت تغش ثاني مره حط اسمك لاتحط اسم الرجال <<<< اخينا في الله حتى الاسم ماتركه المهم انا قلب وجهي لا وبعد الاختبار نموذجين وحنا نختلف وجاني المدرس يالبى قلبه وقال يالله ابنجحك عشانك موقفك مو لسواد عيونك |
يـعـطـيـك الـعـافـيـة . . .
|
اجمل ما قرات اليوم
الأديب والناقد العربي /عبدالله الغذامي في حديث يخص به "الساخر" : العلم كله نور ، مثل الشمس لا وطن لها ولا جنسية ، وسقراط عندي مثل ابن تيمية ! تبني الشعر النبطي وجعله صورة ثقافية للبلد ، ضرر حقيقي لصورتنا ولدورنا الحضاري ! نزعت كل الأقنعة ، ولا أبحث عن تأشيرة للنظرية وعن كفيل وعن جنسية ولون ولغة ومعتقد ، لأن هذا وهم ! إن أردت البحث في مصطلحات الاعتدال والتطرف فابحث عنها في طوايا الخطاب الديني، وأحمد الله لثقافتنا أن يخرج منها رجل مثل سلمان العودة فنجان قهوة وجلسة سواليف أجدى وأنفع من الحديث عن العرفج والمحيميد والحمد ! أنا لست ناطورا بل مفكر حر ، ومن لا يتغير يبقى في حجر أمه يرضع وينتظر من يطرد الذباب عن عينيه ! في الحجاب آراء فقهية عديدة ومتنوعة وكل منها مدعوم بالبراهين ، فلماذا قسر الناس على رأي فقهي واحد ؟! سلمت من المتنبي وأبي تمام ولم أسلم من أدونيس ، وأدونيس أخذ حقه بيده ! كيمياء التغيير طبخة معقدة لا نعرفها إلا بعد حدوثها ، ثم يأتيك أغبياء التحليل الصحفي فينسبون الحدث لسبب محدد وكأنهم كانوا حقا يعرفون الأسباب ! من العبث أن نصف بعضهم بالمفكر أو بالليبرالي وهو رجل غلبان لا يملك من الفكر أكثر من جملة صحفية ! قالوا لي لن تجد وظيفة إلا في سلك المطاوعة وأحب توفيق الدقن لأنه كان يتمنى أن يكون إمام جامع |
للرفع للنظر الى فضائحكم |
اخر مستجدات الفضائح
امس بشارع العلياء بدخل محل ومن سوء الحظ المحل عند الاشاره وفيه شباب بالسيارات كالعاده يوم طلعت درج المحل وتنفصخ جزمتي وتطيح عند اخر درجه مدري وشلون وواضح الموقف اللي مايشتري يتفرج وقعدووو الشباب يضحكون ويزاعقون يقولون جزمة سندريلا واللي يقول كندريلاا بس من الفشله بغيت معاد التفت اخذهاا وادخل اعرج تقل حرم سليمان ابو الريش واللي معاي هجووو كنهم مايعرفوني حركة نذالة كعادتهم الكريمه دقيت ريوس ولبستها من غير ماالتفت ودخلت المحل الا صاحب المحل فاطس ضحك نعنبوه هاللبناني شهد الموقف بغيت اصك جزمتي في جبهته الله آآآبوه كنه مير ماصدق هالوسيم <<< يقالك تعايره المهم اني صرت ملطشه واللي قاي يضرب واللي رايح يضرب |
فضايح جامعة الأمام للبنات وسوء الانظمه في الطريق اليكم
|
بإنتظاركم ,,,,,,,,,,,
|
| الساعة الآن 08:05 PM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.