|
لا حول ولا قوة الا بالله
|
اجل مين ربح ياجماعه الخير.....
الكل خسران ماقد قابلت احد وقالي والله اني دخلت الاسهم وطلعت منها بمكسب الي يعطونك اليوم ياخذونه وفوايده بكرا .... وش الي جابرنا نقعد ...... اعرف ناس روؤس اموالهم 50 مليون واعرف ناس بادين من 10 الاف الاول والثاني خسرانين؟!!!!! اللهم انك انت العوض ومنك العوض فلا تجعل الدنيا اكبر همنا .................................................. ............................................ |
بسم الله الرحمن الرحيم وش نقول وش نخلي الله يهديك ، كل شي تغير لكم أمثلة لعل وعسى : 01 كانت الحال ميسوره ولله الحمد وكان راتبي مكفيني وزود ، والحين الله يخلف دفتر ابو عشرين امتلا من اسماء الي اتسلف منهم . 02 اجازة الصيف (قصدي اجازة البيت ) ما تعديت شارع البيت وقبل ولله الحمد تمشيات في ذا الصيف وعمره وسباحه في بحر جده او الدمام . 03 حتى طفلتي أم 4 سنوات أصلحها الله لما تشوف الاسهم على لسانها كلمة ( طمام ، وخيار ) . 04 النوم ، يا كثر ما نمت مقابل الشاشة فوق الكرسي . 05 وأهم من هذا كله الصحه والعافية ، والله أنها هواجيس وهموم ، ووجع راس ، وكراتيب هلابندول واحد ورا الثاني . يعني هذا بالله عليكم حاااااااااااااااااااااال ( لا تنسونا من الدعاء ) |
دخلت السوق ابغى ارتقي للأحسن ولكن للأسف لم اكن اتصور أن تعاستي تبدأ من هذا السوق
|
من بعد ما دخلت السوق
فقدت الراحة .. الابتسامة .. والأكيد فقدت راس مالي لكن الحمدلله من بعد الانهيار اتجهت لتعلم فنون المضاربة وما صار عندي أي ثقة في السوق يعني مايقفل السوق الا وأنا طالع بكامل السيولة تحياتي :) |
ربي أذا حب العبد أبتلاه
وأكيد كلنا تغيرت علينا أمور واجد من الصحه ومن الماده ومن النفسيه والخ....... لكن ربك ماخلق عبد ونساه .....والله يكون بعون الجميع أذا دعتك قدرتك على ظلم الناس فتذكر قدرة الله عليك,,,,,,,,ياحراميه السوق |
ما المخرج من كل هموم السوق
هل تنصح بافتتاح مستشفى لعلاج الأدمان على السوق؟ هل لو ارتد السوق ستنسى كل ما كتب أعلاه؟ |
السلام عليكم ورحمة الله وبركاته ......تغير أشياء كثيره كنت املك سياره آخر موديل وراتبي مكفيني انا وعيالي والحين بدون سياره وراتبي ادفع اكثر من النصف تسديد ديون القرض .....ولكن الحمد لله على العافيه وأمور كثيره مانعرف قدره الا بعدما نفقدها ... ياأخوان لاتنسون ان الواحد نزل من بطن امه مايملك اي حاجه وكل اللى حنا فيه نعمه من الله أستغفر الله....أستغفر الله....أستغفر الله....أستغفر الله....أستغفر الله....أستغفر الله....أستغفر الله....أستغفر الله.... اللهم اجبرني في مصيبتي واخلفني خيراً منها |
اقتباس:
يالقفك لقفاه رح نم بس واترك الناس في حالها. |
اعتقد بأن الخساره الحقيقيه في سوق الأسهم السعودية هي خسارة الكرامه
(من هب ودب) - (باع غنمه واتجه للأسهم)-(القطيع) . . . الخ عبارات دائماً نسمعها في الفضائيات والصحف ومنها نشعر نحن صغار المستثمرين بأنهم ينظرون الينا نظرة اشمئزاز وتعالي واننا نكره دخلاء غير مرغوب بهم حتى هيئة سوق المال همشت دور اربع ملايين مواطن بقرارها الغبي (توقيت فترة التداول) واكتفت بآراء فئه قليله من جهابذة المجتمع |
| الساعة الآن 06:35 AM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.