عذرا أخي انا لن اجعل الظن فيك سيء واقول انك من ضحايا العوائد والقياديات ومن الناس اللي ماعينوا خير في بيشه لكن ودي استفسر منك شوي .كلنا يعرف ان النزول الأخير لم يرحم احد والجميع تقريبا اتعلق وخسر بمن فيهم اصحاب سابك والمجموعه والتصنيع وصافولا فلماذا التركيز على بيشه ياخي دون غيرها الايعتبر هذا ارجاف فأتقي الله في نفسك ياخي . 2)بيشه نزلت مثلها مثل جميع الأسهم ولكن ياترى هل جميع الأسهم التي نزلت سبق ان ارتفعت ارتفاعات بيشه المذهله الأجابه طبعا لا اذا خليك منصف ياخي فيه ناس والله مستثمرين في سابك حقك وغيرها من شهور فلا هم حصلوا الأرتفاعات حق بيشه ودبلوا محافظهم ولا هم سلموا من النزول والخساير يعني على قول المثل المصري في الفرح منسيين وفي الحزن مذكورين ) اقل مافي الأمر ان بيشه عندها مضارب نشمي وكريم وشجاع في نفس الوقت ياخي حرام عليكم تستكثروا على الناس حتى تنفك تعاليقهم بسرعه ليش .يعني انت تبغا من مضارب بيشه يسير زي الخبيث مضارب التعمير مثلا (عليه من الله مايستحق ) يبغا له شهرين ولا ثلاثه عشان يفك تعليقة الناس 3)بيشه كشركه مدرجه في السوق يسري عليها مايسري على جميع الأسهم من عرض وطلب طيب ليش انت زعلان عشان بيشه تقفل على طلبات عاليه بدون عروض ياخي انا حر ابغى اشتري في بيشه انت زعلان ليه والآخر حر مايبغى يبيع اسهمه اللي في بيشه انت زعلان ليه يعني على اي اساس تبغاهم يوقفوا السهم الشغله عرض وطلب ولا هي حسد وبس المهم بيشه ماتطلع اتقي الله في نفسك من جد ياخي 3)برضه السؤال لماذا بيشه اللي مركزين عليها في طلعتها ونزلتها الى درجه تجعلنا والله نشك في النوايا وان وراء الأكمه ماوراءها تقولي تضخم تقولي نتائج ماليه اقولك هذا سوق مضاربه طيب وينك عن المصافي وش عندها المصافي عشان تطلع وتوصل 7000 والآن عادت لمسلسل النسب العليا ولا شفناك لاانت ولا امثالك افردت مواضيع تحذر فيها وترجف وتطالب بتقوى الله في المساهمين مع ملاحظة ان محفزات بيشه واضحه ومعلنه ثلاثه اسهم لكل سهم ونتائج رائعه ان شاء الله للربع الأول اما المصافي فلا شي معلن ولا شي ظاهر كلها اشاعات واجتهادات ونتائج سوبرماركت محترم ممكن يحققها 500 الف ريال 4)المشرف الذي تلمح اليه اعرفه ويعرفه استاذنا باسم وكل من في منتدانا تداول لأنه كان المشرف سابقا واحسبه والله حسيبه انه من الثقات ومن الناس اللي تخاف الله ولم يرجف بالناس ولم يجعلها تبيع اسهمها لحاجة في نفس يعقوب .الخلاصه ياخي والله اني اتمنى ادخل في بيشه ولي كم يوم احاول ولم يعطوني نظرا للطلبات القويه على السهم ورح للعوائد وشف العروض على قفا من يشيل المهم بس سيبونا في حالنا وروحوا شوفوا لكم سهم غير بيشه والله ملينا اسطوانتكم المشروخه هذي عن بيشه وبرضه ماحنا سايبين بيشه وبقوه والمعذره على الأطاله وان عدتم عدنا واجدد شكري للأخ الأستاذ الفجر الباسم واقوله الله يبارك لك ويعطيك على قد نيتك

للعلم بالشيء ..

بيشة الزراعية لديها محفز قوي جدا وقد يكون مفاجأة هذا القرن ..

وهو انشاء حضانة خاصة في كل مدينة بالمملكة لمشاركة الأمهات العاملات في غئاء أبنائهن ..

والسهم رايح يمكن 1600 في أقل من شهر وهذا السعر بعد التجزأة طبعا ..



خاتمة ..

أسير الشوق ..

تعلم في المتبلم يصبح ناسي



بارك الله فيك وأجزل لك العطاء .

لو هبط السهم هبوط مظلي الى القاع سبيتوا في بيشه ومضاربها .. سهم بيشه فقط للمجازفين !

ما أقول الا

الله يفك تعليقة ملاكه

بعدين على فكره

اما أن يتم الإيقاف على "كل" من يتلاعب أو يلغى نظام العقوبات كليةً

أما ناس و ناس ... لا و ستين ألف لا و بلاش كلام فضائيات يا ابو الشباب

والسحيمي أتحدى اللي خلفوه يوقف ثلاثة ارباع المتلاعبين في السوق "يد ما تقواها صافحها "

تذكرت جزء من حديث للنبي صلى الله عليه و سلم :
إنما أهلك من كان قبلكم أنهم اذا سرق فيهم الشريف تركوه واذا سرق فيهم الضعيف اقامو عليه الحد!

وش اللي حارق رزك اخوي

لا تشتتري فية طيب وفكنا لوجهة الله

وخل بيشة في حالها ورح لسابك الله يرزقك منها من واسع فضلها

اخي انت اتق الله وخل الناس الي معلقين تنفك تعليقتهم والله يفكهم ان شاء الله

ولو كنت احد المتعلقين لما كتبت هذا الموضوع


تحياتي

خلي اللي يدخل الاسهم اللي على بالي
ياكل على رأسه
الحجر من الارض والدم راسه
تحياتي

أخي العزيز .. ما دامت الهيئه لم تتدخل وهي القائمه والآمر الناهي في هذا السوق فلماذا تتدخل أنت ..!!!
ودعني أوجه لك سؤالا ( ولا أنتظر منك الإجابه أياً كانت ) .. لو كنت تملك في بيشه هل كنت ستقول ما قلت ؟؟؟؟؟
ما أعتقده بل وأجزم به أنك لم تستطع الشراء فيها بعد أن بدأت هذه الشركة مشوار النسب الذي لن يتوقف بإذن الله .. إلا إذا بدأ المرجفين في سوقنا ( أمثالك ) بالغمز واللمز !!!!!
أخي العزيز .. إن قرارات الهيئة تكون أحياناً ردود أفعال على ما يكتب في المنتديات من مواضيع مثل موضوعك الأجوف هذا .. ونصيحتي لك ألا تكون ضحية الدعاء عليك من إخوانك الذين بدأوا باستعادة بعضاً من خسائرهم الكبيره..
ولن أقول لك دع بيشه وانظر إلى غيرها من الشركات التي كانت ولا زالت تقفل نسباً عليا يوميا ولكن سأقول لك دع السوق يسيّر نفسه بنفسه بدون تدخلات منك أو من غيرك .. وقد قال رسولنا عليه الصلاة والسلام ( من كان يؤمن بالله واليوم الآخر فليقل خيراً أو ليصمت ) ...


والله من وراء القصد ..