كلام طويل ومصفوف قلته علينا مع توصية البحر الأحمر والنتيجة غرامة عليها ورحنا احنا التوصية
والآن .. كلام طويل عريض وتوصية جديدة .. لا لا اخوي
اما بالنسبة للاتصالات شركة كلها ارباح في ارباح لكن اللعب فيها خسرها.حالها حال الخطوط السعودية
اما عن زين .. ما دخلت شركة منافسة عبط .. وما نجح موبايلي ينجحها ..

الموضوع بتاريخ 20-4 -2010

لذا يرجى التثبت توصية البحر الاحمر تم الغائها في حينها وهي بسعر 58 وتم التعويض في الكيميائية ولله الحمد

قلتها وانا اخوك اكثر من مرة بالمنتدى .. من الخطاء مقارنة الاتصلات السعودية بموبايلي

موبايلي شركة رخصتها للجوال فقط .. اعتماد تمرير المكالمات الدولية والي فيها الربح الاوفر تتم عن طريق مايسمى ببوابات العبور التابعة لـ STC .. اما الداخلية فكبك منها .. ماتسوى شي ..

الاتصالات وبمفهوم اقتصادي الشركة الام .. ايش يعني هذا .. يعني انه غيرها من الشركات ماراح تحصل على الثقة من جانب الحكومة ودوائرها والي تعتبر اكبر واهم عميل تتعامل معه اي شركة .. وهذا حال كثير من الشركات الخاصة الي تبي خدمات مو جوال فقط .. بل تريد خدمات Data والاتصالات بشبكتها الارضية تقدر تقدم هالخدمات بسهولة .. ماعندها مشكلة مثل موبايلي الي تقدم خدماتها عن طريق الواير لس .. مهما كان .. الخدمة الارضية عن طريق الفايبر او الكوابل المحورية المعدنية اكثر امان وافضل جودة ..

موبايلي لو انقطع فايبر تشخص بجوالك ساعات .. وصارت مرتين حتى الان .. فيما الاتصالات لو عندها عدة نسخ من الشبكة المزودة بالخدمة ..


وهناك عوامل عديدة و الي تخلي المقارنة غير منطقية ..

شركة زين .. عطت الـ STC مقلب ببداية عملها بالسعودية .. وعملت شراكة استراتيجية مع موبايلي .. مو صحيح انها عقدت علاقة استراتيجية مع STC.. وهذي Viva الي هي فرع من STC .. عروض لحد الجنون .. مو جنون العملاء بقدر ماهو جنون مدراء شركة زين ..

احد يناطح غووول