قبل فتره كنت خارج المملكه
قابلت مهندس هندي ويعمل في احد الشركات البتروكيماويه في المنطقه الشرقيه
وكان يضحك بشكل غريب وينظر في
فكرته يعرفني
وسالني
قالي انت سعودي ؟
قلت نعم !
وش الغريب في كذا وليه تضحك ؟
قالي وش في سوق الاسهم عندكم
ليه كل يوم خسران
فدخلت معه حديث طويل
المهم ان الاخ شاري بمبلغ 100000 الف ريال
وخسران منها 40000
واعتقد انه شاري في سابك
الغريب انه رايح يتمشى وهو خسران 40% من راس ماله
ومبسوط وما عنده مشكله وساكن في نفس الفندق الي انا فيه خمس نجوم وعياله اربعه وزوجته الخامسه
مهو حنا الي الغينا كل البرامج بمجرد نزول السوق وهذ دليل على سوء التخطيط والطمع عندنا حتى حق تمشيه العيال وامهم حطيناه في السوق وخسرنا جزء كبير منه
اما هو احسن التخطيط
ولانه عارف وش معناة سابك والراجحي واسهم العوايد
وحنا الي داخل البلد وعارفين وش معناة سابك والشركات البتروكيماويه وغيرها وكل يوم نشوف توسع ومشروع جديد
بالمليارات وما زلنا متخوفيين وزعلانيين مع العلم انا متاكديين ان السوق سوف يرتد ون سابك بترجع لقيمتها الي قبل الانهيار واكثر ان شا الله
طال الزمان ام قصر
الرجا الي عنده سهم عوايد لا يفكر يبيع ابد وينسا ان عنده اسهم بالمره وبعد فتره راح يبسط ويضحك مثل الاخ المهندس حق الشرقيه
والله يكتب الي فيه الخير ونشوف السوق يرتد في القريب العاجل باذن الله

اقول كلامك جميل وحلولكن صدقني بنبيع عليهم وبارخص الاسعارتدري ليش لان كل تجارتنا بالاسهم على قروض يعني من وين نسدد لازم نبيع مابقى عندنا من اسهم والسبب هوابن البلداللي ضرب السوق وخلانا عرضه للاجنبي ياخذاسهمنا باقل الاسعارعندي امنيه (ابعرف مين يبيع بسابك والراجحي والكهرباءوالاتصالات )وتسبب بالانهيار