المشاركة الأصلية كتبت بواسطة Dr LinuX

شريت اليوم في احد الاسهم والحمدالله انه اقفل اعلى من سعر الشراء
لكن المشكلة اللي واجهتني في بنك النخبة (الاهلي حفظه الله) اني ماقدرت ابيع بالسعر اللي ابيه
احاول يمين يسار بيع بسعر اقل بيع بسعر السوق ولاهو حولك كل شوي تم رفض الطلب رفض الطلب
قلنا الله لايوفقهم
اتصل على الاخوان في البنك الاهلي
البنك الاهلي تداول مرحبا استاذي
الو وراكم معلقين الامر
ايوه استاذي ايش الشركة الله يحفظك
قلت الاحين ويش دخل الشركة ليش معلقين الامر
قال استاذي ممكن تقول لي ايش الملاحظات اللي صارت على الامر
قلت : خذengine error #1001 quantity not avail
قال : استاذي هذا من هيئة سوق المال
قلت: الله ياخذكم انتم وسوق المال الاحين انتم ويش وظيفتكم
قال : استاذي احنا مجرد وسيط
قلت: طيب مين يرجع لي ربحي اللي فات
قال: استاذي تقدر ترفع شكوى على هيئة سوق المال وقام ياخذ بياناتي
قلت: شوفوا اذا ماتعدلتوا والله ثم والله لاحرش نص خلق الله عليكم
قال: استاذي مابيدنا شي اللي نقدر نسويه بس نرفع شكوى (طبعا ياليل مطولك)
قلت له وانا خلاص مفور وماعاد اشوف الطريق ( قسم بالله لاتشوفون يوم ماتقدرون تطلعون حتى من بيوتكم)
وصك التلفون والحمدالله على كل شي

خلاصة الموضوع
ان سوق الاسهم السعودي هو عبارة عن عصابة حرامية مكونة من هيئة سوق المال + البنوك + هوامير
وش ذنب العالم اللي تتوقف طلباتهم الا ماتبيع بالسعر اللي تبيه تبيع بعد مانبيع حنا
حمدالله والشكر

واني اتحدث ومن تحت قبة هذا المنتدى العظيم بان نتعاون ياشباب كل يشيل الكلاشنكوف وخلونا نترصد لموظفي الهيئة من اكبر ذنب الين اصغر واحد وبرضه لاتنسون موظفي البنوك . :604:

اسف على الاطالة لكن شي في صدري وقلته

والله لايخسر كل مسلم