|
يا اخوان
انا اقرا كل رد ولي مداخله باذن الله مع الردود الفعاله .. واللي تخدم الجميع بارك الله فيكم جميع ونفع بكم ولكم يا كريم لازلت انتظر على فكره باذن الله مع بدء مدرسة تداول سيرد هذا الموضوع في الدروس تحياتي |
صدقت بارك الله فيك
و انا عمري ما اقتنعت بعبارة ( مضارب السهم ) معقولة السوق السعودي فيه بس 77 مضارب كبير :509: |
مساك الله بالخير
ليه ما دخل بعد النزول بسعر 90 وجابه الارض لسعر 60 وبعدها يبدا يجمع ....... !!!!!!!!!!! مصطلح مضارب السهم مثل مصطلح العنقاء او الغول هذا والله اعلم لانه مهما كان الشخص ما يبي يربح طيب ليه يضغط السهم مثل ما يقولون |
ابو شوق
الناس دايما تحب تنسب سبب نزول او طلوع السهم الى شيئ ملموس ومنها اتت كلمة مضارب السهم...زي ما تقول مضارب السهم ==الشماعة حق السهم. ممكن يكون مجموع الناس الي يقولوا مضارب السهم رفع السهم أو نزله هم مضارب السهم وهم ما يدرون. سامي |
شف عاد يابو شوق مضارب السهم اولا خلك من الصناديق
1 صندوق الاستثمارات العامة (محافظ الحكومة) 2 صندوق مصلحة معاشات التقاعد 3 مؤسسة التأمينات الاجتماعية 4 صناديق الاستثمار بالبنوك السعودية -------------------------------- 5 المضاربين (الهوامير) وهو الي علية السؤال هذولا يملكون في السهم كميات كبيرة جدا ولا يهمة لو طلع او نزل السهم المهم عندة انه مسيطر على السهم في حال بغى يرفعة ويستفيد وفي حال باع بمكسب في نفس اليوم وانزاله لاخذ السهم مرة اخرى ويحاكي حال السوق دائما مثلا لو نزل المؤشر بقوه اول من ينزل السهم هو ليضع له نطاق جديد مايهمه كم خسر في النزول والله الموفق |
المضارب هو من00000000000
يملك كميات كبيره وبأسعار متذبذبه في السهم مضارب السهم = رئيس مجلس الإداره ولا يهووون المحاسب |
سؤال جيد
مضارب السهم هو شخص أوعدة أشخاص على حسب حجم الشركة وعدد أسهمها وقيمتها السوقية يتم الإتفاق فيما بينهم على التجميع عند نقاط معينة بثلاث أرباع محافظهم ثم يتم رفع السهم بباقي المحفظة والمضاربة بها بمساعدة صغار المستثمرين بقصد الوصول إلى نقطة معينة و تصريف الكمية وترك السهم يتهاوى بين يدي صغار المستثمرين ومن يقول لك لا يوجد مضارب للسهم فهو مبتدئ في السوق المضاربين موجودين وأسماؤهم معروفة لدى الكثير وصدقني يا أخي من يملك المعلومة في سوقنا هو الرابح الكبير ومن لا يملكها فحظه قليل في هذا السوق تحياتي للجميع هامور صغير |
تحياتي على الموضوع
انا وجهت نظري لا يوجد للسهم مضارب الا في حاله واحده (( التملك)) لا وبعد بنسبه تفوق 50% المضارب هو شله ( القطيع) صغار المساهمين وكبارهم اللي يركضون وراء الاسهم واللي يقولك انه فيه مضارب للسهم الله لايهينه يشد حيله ويشتري السهم وخله يضارب لحاله |
وهذا اللي مدنني يابو شوووق
دايماً اسئل نفسي هالسؤال بس كنت مستحي منكم ! فعلاً مضارب السهم منهو ؟ ووين قاعد اثناء التداول ؟ هل هو شخص وقاعد عند هيئة سوق المال أو ببيتهم أو بشركتهم ؟ نفسي اشوووووووفه :602: |
بصراحه هذا اللي محيرني
اذا كان لكل سهم مضارب دائم مثل مضارب الاحساء الشهير ليش ما يرفع السهم الى اسعار السهم يستحقها ليش ما يبغى ربح اذا كان يبغى يجمع اكبر كمية على حسب اعتقاد البعض عدد اسهم الاحساء ما تتعدى 7 مليون سهم واللي موجود في السوق اقل بكثير اذا امتلك 450 الف سهم يسير امتلك 5% من اسهم الشركة ما اذكر اعلن عن تملك في الاحساء طيب اذا كان مضارب الاحساء عدة اشخاص يعني مثلا مضاربين يدخلون في السهم ويخرجون ليش ما يتغير سلوك السهم بطيء في الارتفاع سريع في الهبوط اللي طرحته امر محير فعلا ولم اجد له اجابه ؟؟؟؟؟؟؟ على شان كذا سرت ما القي له بال ولا افكر في اجابه له سواء له مضارب معين والا ماله اطقطق مع العالم وربك يفرجها |
| الساعة الآن 12:18 PM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.