|
اقتباس:
والله يا اخوي عبدالمحسن انك تحرجني بقوة وما اقول الا الله يبيض وجهك على ما كتبت بحقي ويعلم الله اني افرح لمن يكسب بسببي ويضيق صدري لمن يتأخر مكسبه أو يخسر وعزاي الوحيد ان السوق ادوار ويمشي بالترتيب وان معلومتي ما كتبتها عبث وان تحققها مسألة وقت ان شاء الله انا بقول لك على شي اتبعه في السوق .. لمن ادخل على معلومة قوية وأحس انها تأخرت ما احاول اطلع وبنفس الوقت ما انتظر .. عندك مثال عن معلومتين قوية جداً حالياً إضافة للمعلومات القديمة الأولى التأمين العربية والجوف الزراعية من تقريبا قبل الهبوط دخلتها وتأخرت شوي طلعت بنصف الكميات ودخلت اعمار كمية كبيرة اخذت ريال وطلعت وقبلها نصف كمية الاحساء ودخلت المتطورة كمية كبيرة اخذت نص ريال وطلعت ورجعت لهم مرة ثانية في وقت صعود اليوم وامس واللي ينزل يكون تعديل بربح جديد وسعر اقل من الشراء وهكذا تنقل بعد متابعة ومراقبة .. واحيانا صعبه انك تعطي معلومة مو بوقتها لان التصرف بوقتها واتخاذ القرار أو التراجع يتم بثواني ومن دخل لابد ينتظر دوره جديده من الثبات وجني الارباح مره ثانيه وتعتمد حسب كل سهم ومضاربه وشعاري دائما الصبر كل ( مو نصف ) المكسب الزبدة طال عمرك ان صدق والقصيم والحساوي راح تجيها ارتفاعات قوية تكسر الهاي السابق وبكل قوة وما تأكدت منه ان مضارب السهم فعلا لديه علم بكواليس السوق وانتظاره بتحقيق نسبتين في مبرد في الوقت الحالي ما كان عبث وانه يمشي بخطى مدروسه وقد تكون كتاباتي عن هالاسهم من اسباب تأخر صعودها وكل شي جايز بصراحة كل ما لدي اكتبه هنا للجميع اما أثناء السوق أو اثناء الردود .. واللي يتأخر بيجيه الدور وحسب ما ذكرت يعتمد على قلة التطبيل عندك المعرفة والكابلات واللجين وجبل عمر واعمار عليها كلام كبير منها ما تحرك ومنها ما يتأهب لانطلاقة متواصلة مثل اللجين ونما والكابلات وهذي يعتمدون فيها على استقرار السوق لانها تتأثر بالمؤشر آسف للإطالة |
اقتباس:
وماسالتك وطلبت نظرتك الا لثقتي باللله ثم فيك اخوي عبدالله واللي تم تلوينه بالاحمر اعلاه .. هو مااحتاجه بعيدا عن التحليل الفني للامانه وعسل علي قلبي والله لان الزبده بمثل هالاشياء تغني عن الف سطر للامانه والى الحين احس اني تايه بين صدق والاحساء ومبرد والقصيم ههههههه لكن شكلي بستخيرواتوكل علي الله والمعلومه بالسوق هي اقوي من التحليل بكثيررررر حسب رايي :506: الله يوفقك ويسعدك يارب واعذرني على كثره الاسئله ابوعبدالله .. |
استاذي العزيز اسمنت حائل هل تتوقع ان يصل الى القمة السابقة قبل تداول اسمنت نجران ..
|
اقتباس:
بالعكس اخوي عبدالمحسن اسئلتك محل ترحيب دائم وقد تكون فيها اجابات وفائدة لقارئ آخر بصراحه مع مضاربها وتحريك مبرد احساسي ان وقتها قرب وجميعها ممتازة بسبب مضاربها وما يمنع توزع فيما بينها |
اقتباس:
اسمنت حايل يابو ريفال ممتاز ووضع السوق ماكو سهم ما تأثر منه إلا ما ندر وقد يكون تداول اسمنت نجران سبب في تجاوز قمته السابقة ان شاء الله |
السلام عليكم ورحمة الله وبركاته
قبل فتره اشتريت بعدة شركات وكان الغرض الصبر عليها والابتعاد عن المضاربه ولكن يوم السبت الماضي احتجت الكاش لغرض معين وسيلت المحفظه وقتها مع ان السوق كان اخضر الا ان خسارتي كانت كبيره شوي13% من المحفظه واليوم رجعت السيوله للمحفظه وباخر التداول اشتريت في سيسكو ودار الاركان والباقي كاش اتمنى من لديه سهم من المحللين يعطيناه بنشتري ونعوض خسايرنا وشكرا للجميع |
السلام عليكم ورحمة الله وبركاته
الله يعطيك العافيه على هالمجهود الاكثرمن رائع والله انا متابع لاكن لاكتب اي استفسارلانه سبق احد قبلي بالاستفساروالله انك طمنتني على سهم صدق يشهد الله اني خسان تقريبا100الف ريال عندي بكامل سيولتي لاكن الله يعوضنا خير وعلى ماقلت الصبر مفتاح الفرج مشكوووور وتقبل تحياتي |
الله يسعدك يارب من جد تواجدك سبب في تفاولي صرت اعرف اليوم يلي ما تكون فية متواجد السوق احمر
ايش رايك في النقل الجماعي بعته ب 18 ريال واشتريت مرة تاني ب 15 ؟؟؟ |
يسعد لي مساءك اخي عبدالله
طلب صغير منك ابغى سهم خفيف ادخله غدا ولا يكون يخوف ، انا اشوف مبرد تكلمت عنها كثير هل اشتريه علمابان المبلغ اللي لدي هو 20000 ريال ، او تنصحني بسهم اخر ، ابغى اعوض خسارتي لاني كل ما دخلت سهم خسرت فيه لاني يمكن استعجل في بيعه |
السلام عليكم،،،وش رايك يالذيب ادخل بكرة إن شاء الله بالصادرات وأسلاك أو انتظر واشوف وش يستقر عليه السوق والله اني بعت مبرد اليوم رغم اني احب هالسهم بس اخذت هدفي فيه والفضل يعود لله ثم لتوصياتك الذهبية يالذهبي واحس ان مضاربه بيض الله وجهه ووجهك ما قصر ولازم يجني بعض الارباح ولنا عودة اليه إن شاء الله
|
| الساعة الآن 10:38 AM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.