|
اقتباس:
المشاركة الأصلية كتبت بواسطة ابو شمس دام الوضع فيه بيع و للجادين فقط أجل أبسأل كم سؤال : 1- متى آخر تاريخ فحص ؟؟؟ الفحص ع المشتري مهوب علينا 2- هل يوجد عليه أقساط متأخره؟؟؟ اقساطه تم تسديدها مع مكرمة شفاء الملك ماقريتو اسقاط قروض بنك التنميه << وش دخل ذي في ذيك 3- متى نقدر ننقل الملكية؟؟؟ ننقلها في ايلول القادم ان الله احيانا وان متنا الوعد الفردوس الاعلى باذن الله بس هااه في الفردوس لاتناشبوني ترى ماعرفكم والباقي بعدين :) نحتريك ----------------------------------------------------------------------------------------- خلاص GO نبي ننقل الملكية نشوف معرض في منطقة محايدة :) وتوقفين معرفك هناك :) إلى مايتم نقل الملكية السعر :) ماراح نختلف إن شاء الله موعد الدفع = إنقلي الملكية وبعدين نتفاهم :) والوعد ليبيا :) أبي استفزع بشيخ العرب معمّر :) ولإن شاء الله يبي يجيرني منتس :) على فكرة كلمة ( منتس ) معناها بالإنجليزي = نعناع :) |
لامايسير لنا عودة ان شاء الله
|
محشش يسأل خويه يا اخي انت كيف ترقم ؟
قال يا اخوي البنات ينصادون صيد..!! راح المحشش وقف عند باب سوق وطلعت بنت وفلقها بحصى طاحت البنت وتجمعوا عليها الناس..قام يركض المحشش يقول: وخروا وخرووووووا أنا اللي صايدها |
ابو شمس الله من العلوم في الحتسي الانجليزي عندنا ياالدرعاويين لان الدرعيه كانت مستعمره بريطانيه في عهد العثمانيين<< نعنبو جغرافيا تعرفينها
اجل عندك قوو مأأخوذه من go وفيه حتسي واجد برجع اعلمكم اياه بعدين بس دحينه نعست فروسه اللي مايسير خليه يبوبز لاتسيرينه غصب |
اقتباس:
الله يخلف علينا في معرف نجدية |
اقول ترى ماااش تسني هونت منيب بايعتن المعرف
ابخليه لو يصير ودي اوسع صدري معكم والا اهاوش احد والا اتطنز بأحد والا انشد احد والا اهيجن في احد والا يجيني وقت ودي اتسذب عليكم خبركم يعني لتقلبات هالدنيا لكن... اببيع مشاركاتي اي ولله وانا صاادزه اجل أألوف مالفه على غير سنع لامواضيع مميزه ولا نجوم مثل خلق الله عند مواضيعي ولا لقب يطلدز الوجه مغير تحت اسمي عضو نشيط اهاا وبعدين اببتل نشيط حسيت اني اركض طيب ونين انهد حيلي بتخلوني نشيط بعد هذا اسمه تزوير في اوراق رسميه وانا عاد كلش عندي ولا التسذب والتزوير طراه ان كثر مشاركاتي مانفعني بشئ تقل عمر عجوز ضاع وهي عانس ااااايه الطول طول نخله والعقل عقل سخله <<< ماش ماتناسب الامثله بس ولو ماعلينا ماعلينا نرجع لموضوعنا عاد اقولكم اذا تخبرون شراي وصامل علموني اجهز مشاركاتي واغلفهم ترى شغلي بذمه وضمير مهوب اي كلام ومشاركاتي ووووواوك يامشاركاتي زي اليره الذهب وخبركم الذهب طاقن طبوله هاليومين اهااا من يشتري افتحو السووم الزين عندنا والشين حوالينا عسى ماطولت عليكم وتعبتو وانتم واقفين |
ماهقيتها منك ،،، وش اللي حادك. تبيعينه. !!!
|
اقتباس:
الا ع فكره من راح لمعرض الكتاب اليوم وشاف ثورة اخواننا المطاوعه مع الاعلام والحريم وخوجه وكلش بالله اللي راح بعد العشاء يجي يقرق علينا وش صار |
|
اعذروني ما قدرت اللون عشان الجهاز
اقتباس:
احس انه زحمه وازعاج،،، |
| الساعة الآن 08:18 AM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.